اكيد مهتمين نعرف بكل جديد
منتظرين ومتابعين

وينك ياأم ريان اكيد نبي نعرف
ننتظرك

عشان عيونكم الحلوه
المهم بدلنا ملابسنا وطلعنا على الشانز وبقولكم رايي بكل صراحه
اول شي ما توقعت يكون بهذا الشكل
توقعت احلى بكثير كان في محلات وماركات عالميه صحيح بس ممو مرتبين مادري كنت متوقعه انه مثل سلفرج بلندن يعني صفه يم بعض ووايد مادري ماكانت هذي صورته الي في بالي وصخ ا
والشارع كان وصخ بصراحه وشحاتين منتشرين بطريقه مخيفه
مع كل هذا كان ممتع الصراحه جد استانست فيه وكانت تجربه جدا مميزة التسوق فيه والتمشي باليل وبكل وقت
المهم بعد ما تمشينا فيه شوي رحنا مكدونلدز وطلبنا ماك فش
انا مااحبها بس كنا راعي الاكل الحلال والحمدالله
كان قريب حيل على الفندق يعني جذي اقل من خمس دقايق مشي
تغدينا وطلنا مشي مشي مشي والجو شي خيالي كان بارد بس ما يعيق الحركه وتمشي فيه ساعات من غير ماتحس
وبالاخير وقفنا تكسي وقلناله برج ايفل
ووصلنا برج ايفل ولا الدور تتخيلون انه ولا سنه وتوصلون لي شباك التذاكر
و رايي الشخصي في برج ايفل
يعني مكان له كل هالسمعه ما لازم يكون بهذا الشكل الشحاتين تحته بشكل رهيب والافارقه والسنغالين يبيعون مجسمات صغيره بطريقه مقرفه يعني لو كل واحد حاطله طاوله وواقف كان اوكي
بس لا هذول يلحقون السواح وبالغصب ولما يشوفون الحجاب والعرب يقرون لهم قران ويتكلمون عربي
كانت الصدمه الثانيه
والبرج من فوق وصخ والاكل ومنتشر بكل مكان حسيت انه مو هذا برج اييفل الي اشوفه بالتلفزيون ولا الي اسمع عنه
مع انه مو موسم بس مادري ليش جذي
المهم صعدنا والحمدالله
من فوق المنظر اينن والجو عجيب بس حسافه مو مهتمين فيه كلش لو انه بدوله اروبيه ثانيه جان الاهتمام فيه واالنظافه شي خيالي
عتبي الوحيد على باريس والباريسين القذاره البلد قذره جدا جدا
بعد ما تمشينا فيه وصورنا وان شاء الله الصور بالجزء الاخير راح احطها لكم
نززلنا وتمشينا على نهر السين والجو والمناظر الطبيعيه تفتح النفس جنه الله في الارض
ومره ثانيه اخذنا تكسي ورجعنا الشانز ودخلنا مطفم الفوكيت وتعشينا فش اند شبس وسلطه سيزر من غير دجاج وشوربه بصل بجبنه البارميزان الي لاحظت انه منتشره بكل فرنسا
وبعد العشى تمشينا لي الفندق وشبكت بالانترنت و دخلت على المنتدى اخذي جم معلومه
طبعا الانترنت مجانا باللوبي والمطعم بس بالغرف لا 10 يورو الساعه
وانتهى اليوم الاول على خير
ملاحظاتي انه باريس جدا جميله وراقيه بس حسافه مو مهتمين فيها يمكن لانها مع هذا فيها سياح على مدار السنه مادري بس انصدمت هل في احد لاحظ انه باريس وصخه غيري ؟؟؟

الحمد لله على سلامتك ام ريان ..

الله يسلمج مزون
توني استوعب
انه 44 مشاهده و3 ردود ليش ما عبجكم موضوعي

حمدالله على السلامه
وليش وصخه حطمتيني وكمان شحادين انا اخاف منهم

الحمد لله على السلامه اولا.
وباريس فعلا وصخه ومليانه شحاذين بالزي القروي واذا عرفوك انك عربي جووك وسالوك " دو يو سبيك انجليش؟"
غير اسطوانة : " الله .. محمد .. الله"
المكان الي اقول فيه نو .. كان برج ايفل ههه
حتى القطار لديزني مليان شحاذين.

الله يسلمك من الشر
اشوه يعني انتو معاي انها مليانه شحاتين
الصراحه انا ما ركبت القطار في باريس بس ركبته في ميونخ ( الله يا ميونخ )
فمادري انهم حتى بالقطار
لا ابشرك الحين استغفر الله ياربي يقولون لك الشهادتين كامله والله اني عصبت عليهم شنو يستغلون الدين

هلا والله بأم ريان ...كملي وحنا متابعين ,,,لكن من خلف الشاشات خ
وين رحتي ...فباريس ياليت ترتبين الموضوع ,,,ومع صور أكيد