هلا اخوي بوضاري
شوف اخوي جميرا اقرب لبرج دبي من ديره
وجميرا فيها شاطي جميرا وفيها مراكز نوعاً ما صغار .. مثل بالم ستريب و ذا فيلج ومركز الشاطيء و مركاتو وتاون سنتر وجميرا بلازا(يعني نحنا نروح لهم لمحلات معينه بس) وبرج الحمام ,, هذا مركز كله مطاعم وفيه سوق مدينة جميرا في مينا السلام وفيه المارينا مول قريب من المرسى وذا ووك ,,
والمارينا مول هو مركز تسوق ,,انا ما زرته بس شفته من برا ,, وذا ووك فيه محلات حلوه وفخمه ومطاعم وكل شي

تسلمين يالغالية بنت الشيخ زايد كفيتي و وفيتي

هلا بك اخوي
والله اتوقع الجميرا اقرب حتى لو المسافه كانت ابعد من الديره بس راح توصل قبل لان الديره زحمه
اما من ناحيه الاسواق فيه دبي مول وفيه مول الامارات
وجميرا ووك فيه محلات اثاث وملابس وكوفيهات ومطاعم يعني متنوع
والمارينا مافيه تسوق يعني كل مطاعم وكوفيهات
ورحله موفقه ان شاء الله

تسلم اخوي التاج وجزاك الله خير
بالنسبة للمارينا ووك فيه المارينا مول للتسوق حسب معلومتي بس ما شفته !

هلا اخوي بوضاري
بالنسبة للاقرب لدبي مول فهي جميرا بالتأكيد
اما بالنسبة لمراكز التسوق فهو يعتمد على طلبك و ميزانيتك...
في جميرا او مثل مانقول (بردبي)عندك دبي مول امارات مول، الواحة سنتر، تايم سكوير....و اما بالنسبة لمنطقة جميرا بالتحديد فعندك بالم ستريب، ذا فليج، مركز الشاطئ، تاون سنتر و جميرا بلازا...و لكن هذه المراكز تعتبر صغيرة و فيها كافيهات و مطاعم و محلات صغيرة....
في ديرة
فاستفل ستي، الستي سنتر، برجمان و وافي (يضمان مجموعة من محلات الماركات العالمية).....
اتمنى ان اكون قد افدتك و ا تمنى لك اقامة سعيدة بينا...
و اسمحلي على الرد المتواضع نضراً لخبرتي البسيطة في الاسواق رغم اني من سكان دبي

Dxb شكرا جزيلا لك على اسماء المولات فادتني كثير
وبالنسبة للسهرات (العائلية) اين ؟ سمعت الكوفة و التنور شو رايكم في الجو هل يسمح باخذ عائلتي هناك؟