أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم ورحمه الله وبركاته
امل من الاخوه الافاضل دلي على مكاتب في الامارات تسوي عروض على السفر الى ايران
اين يوجد الزعفران الايراني الاصلي في اي مدينه
ولكم جزيل الشكر والتقدير
انا سمعت عن طريق مكتب سفريات الي دايم اتفق معاه على سفراتي
قالي لو تروح الى الامارات تاخذها عن طريقهم هم يسوون رحلات الى ايران الطيران والفنادق بسعر رخيص وجيد
بالنسبه الى الحجز من السعوديه راح يكلفني كثير مره
فحبيت اني اخذ قروب من الامارات بس اني حبيت قبل لا اجي الى ايران اني اتصل على الشركه الي في الامارات على شان الاتفاق معاهم
ولكي اختي جزيل الشكر والامتنان على ردك
مح زومان مد
أخي الفاضل/ زومان
تمنع قوانين المنتدى كتابة أسماء المكاتب السياحية ، أو ذكر بيانات عنها ، لأنه يعتبر دعاية وترويج غير مرغوب فيها
وقد تم تعديل عنوان موضوعك لهذا السبب ، يرجى مراعاة ذلك في المرات القادمة
السلام عليكم ورحمة الله وبركاته
انا عندي شخص في الإمارات - رأس الخيمة يبيع زعفران أصلي ومن النوع الراقي بس ما اأعرف كيف ممكن أدليك عليه
بصراحة الزعفران اللي عنده ماعليه كلام، وسمعت انه عنده كميات ، ياية من إيران مباشرة من صاحب المحل في إيران بس ما أذكر شو إسم المحل
لو تبي معلومات اكثر أنا حاضرة المهم بما تسمح به قوانين المنتدى
هلا أخويه
نفس الشي حسب ما أذكر الكيلو ب8000 درهم
لكنه من النوع الراقي جدا
وتجارته ماشية بين كبار الشخصيات وبعض الناس الذويقة في الزعفران وتعرف فيه - فاهم عليه أكيد -
واللي عرفته انه يتعبى في علب فيه تقريبا 300 جرام وينباع ب35 درهم إماراتي
واذا تبي زود بسأل لك ، وبشوف اسم المحل بعد لأنه مكتوب على العلب حسب ماقيل لي
والسموحة منكم
إذا تبي زعفران يبيض الوجه تروح مشهد وتسآل عن فندق امير كبير
شارع الشيرازي قرب بزار مشهد بزرك مركزي
إذا وصلت الفندق اسأل عن راعي دكان اسمه صفا يبيع زعفران وحلويات ويصرف فلوس
قول له ابي زعفران اصلي
والله عليك وكيل
إن شاء الله الرجال مؤمن ويخاف الله
ولا نزكي على الله احد
ويشهد علي الله إني ما اعرفه ولا بيني وبينه اي علاقة
مجرد إني اصرف عنده فلوس
لكني اشوف كثير ناس يوصونه ويتعاملون معه
ولا أعلم من ظاهره إلا خير
الدكان صغير وفي سكة صغيرة قريب الفندق وليس على شارع عام
طبعا عنده في المحل نوعيات لا بأس بها
بس اشوف الجماعة يقولون نبي اصلي ولا يعطيهم من المعروض
بل يعطيهم موعد
وانا اشتريت الزعفران من طهران بازار ودنا الدريول بس مجرد قتله ابا زعفران