يقع مجمع معارض مركز دبي التجاري العالمي على شارع الشيخ زايد، ويمكن الوصول إليه بسهولة ولا يحتاج ذلك بالسيارة سوى خمس دقائق من مركز المدينة، 90 دقيقة من أبوظبي، 30 دقيقة من المنطقة الحرة بجبل علي، 15 دقيقة من الشارقة وعشر دقائق من ميناء راشد أو مطار دبي الدولي..
النادي التجاري العالمي
مطعم تيك فايف
مركز المؤتمرات
المقهى
قاعة الملتقى
نادي شقق المركز التجاري
مكاتب ادارة المركز التجاري
الفنادق القريبة من المركز وهي الواقعة على شارع الشيخ زايد مثل فيرمونت - كراون بلازا - دوسيت - ابراج الامارات - شنغريلا ..
لكن اسعارهم طبعا مختلفة .. ومادري كم صارت في شهر سبتمبر ..

صارت على 2000 وانت ماشي
انا رايح ان شاء الله في سبتمبر و الاسعار نار
انصحك بالشارقة

اسعار رخيصة في دبي وفنادق نظيفة انسى
انا رايحه مع زوجي باذن الله على معرض جيتكس ومافي اسعار رخيصة في دبي فقررنا نقعد بابوظبي لانه بعض فنادق الشارقه ما اعجبتنا بنحجز في ابوظبي في فندق خمس نجوم ومرتب وفخم وبسعر 450 ريال ونروح يومين للمعرض باذن الله وكلها اقل من ساعتين واحنا واصلين دبي ونرجع على ابوظبي بعد ما نتمشى بدبي ونكمل باقي الايام في ابوظبي منها استغل اشوف اهلي
فعشان كذا ما انصحك ابدا بدبي الاسعار نار وانت تسأل على سعر مناسب ما بتلاقي صراحه اسعار رخيصة او متوسطه حاليا اللي كان ب 400 صار الحين ب 1000 باليوم

حور الامارات مشكور وماقصرتي
مليكةالقم : انا مو رايح عشان معرض جيتكس انا رايح لمؤتمر وانعقاد المؤتمر قبل انعقاد معرض جيتكس والي اعرفه انه معرض جيتكس راح يكون في تاريخ 24 سبتمبر انا راح اكون في دبي في تاريخ 15 سبتمبر يعني قبله بعشر ايام يعني معقوله الاسعار راح ترتفع من الحين قبل المعرض ؟؟؟؟؟؟
سوالي هل شارع المرقبات قريب من مركز التجارة العالمي

المستهام ..... الله ايعينك على السكن في دبي وقت المعرض ........
انا امس رجعت الحمدالله من دبي والأسعار أرتفعت من أول هذا شهر من تاريخ 1 تغير كل شي و ألغت كل العروض مجرد فقط سعر غرفة وبس .....الآن كل الفنادق الخمس نجوم من 1000 ريال و انت طالع وهذا اذا عينت حجز ....بلنسبة للمرقبات قريبة من مكان المعرض مجرد 10 دقايق بلكثير اذا الشارع مافيه زحمة ....والآنتسويق غير طبيعي و ستغلالي اصلا للفنادق مثلا اذا فيه غرفة عادية مايعرضونها لك يعرضون الغرفة الي الطل على البحر مثلا او الخور او على الشارع العام و ايضيف لك على سعرها المعتاد 500 درهم او أكثر ....مثال ذلك جراند حياة كنت باسكن فيه هاذي الايام مجرد تحدثي مع صاحبت الحجوزات فكرت فيه طرشت لهم مسج قالوا لهافي غرف عادي الي هو سعرها كان 870 درهم وعقب شوي قالوا لها مافي غرف عاديه في غرفة مطله على البحر و هي سعرها 1300 درهم والغرف العادية سعرها كان 870 .....فرص بنسبة لهم ......فا الله ايعينك على هالفنادق هذا الشهر.

انت كم البدجت او الحد اللي عندك لليلة الواحده عشان اشوف لك في موقع عن طريق الانتنرت اسمه اسيا رومز وتلاقي عن طريقهم اسعار مخفضة
وعموماا الفنادق اللي حوالين مركز المعرض هي من النوع الغالي وليست رخيصة
بس قول السعر اللي تبغاه تقريبا كم ونشوف الاسعار؟

مجرن الحمدالله على السلامه اخوي
مليكة القلم يعني يكون سعره معقول بعدين لاتنسي انا مراح اقعد طول الوقت في الفندق في النهار راح اكون في المؤتمر وفي الليل راح اتمشى يعني مراح ارد الا وقت النوم بعدين
بالنسبة للحد الي في بالي يعني يكون مابين 300 _ 400

اعتقد انه صعب كتير تحصل بهالسعر لانه الاسعار ارتفعت من الحين
شوف هنا في الموقع
http://www.asiarooms.com
الا اذا شفت شقق سكنية في الشارقه يمكن تلاقي شي رخيص بالشارقه بس بدبي صعب صراحه هالفترة مرتفعه الاسعار خلصت عروض الصيف