dr.l00la
26-10-2022 - 10:29 am
السلام عليكم ورحمة الله وبركاتهحبيت اوريكم برنامجي لماليزيا عشان اشوف ينفع ولا لأ؟؟
جزنا التذاكر والحمدلله يوم الثلاثاء 4 يناير والعوده باذن الله يوم الثلاثاء 17 يناير
والجدول كالاتي:
اول يوم الوصول لكوالا والمبيت فيها
ثاني يوم الذهاب الى بانكور بالطائرة لمدة 4 ليالي والاقامه في فندق Pangkor island
ثم الذهاب بالعبارة الى لوموت والمبيت فيها ليلتين في فنق Swiss grand
الذهاب الى المدينه الضائعة في ايبوه والمبيت في فندقهم ليلة
الذهاب الى الكاميرون والمبيت فيها ليلتين في فندق ليك هاوس
ثم العوده الى كوالالمبور والمبيت فيها بقيت الايام والعوده الى السعوديه باذن الله
شو رأيك ياخبراء ماليزيا في برنامجي ينفع ولا لأ؟؟
وابغى اتاكد من المسافات بين الماطق لاني لقيت كلام مختلف من ناس لناس
والله جدولك مايصلح ابدا وبانكور حدها ليلتين كلها منتجع داخل البحر
لو زادت عن ليلتين يصير سجن و ملل رهيب حتي تلفزون مافيه مافيها شي
ولومرت هو المينا حق بانكور يعني تطلع من المنتجع علي الميناء فندق سويس قاردن
ماسويت شي وراحت ايامك كلها في منطقه ماتستحق اكثر من ليلتين
إذا هذي اول زياره لك لماليزيا فالأفضل تزور لنكاوي وبينانق وتخلي بانكور لزيارات قادمه إن شاء الله
عندك 12 ليله و إذا مصمم علي بانكور ولا تبي لنكاوي فالجدول الأفضل لك
ليله بورت ديكسون -- ليلتين بانكور -- ثلاث بينانق -- ليلتين الكاميرون -- اربع ليال كوالالمبور
وبانكور تقريبا مشوارها من كوالالمبور ساعتين و نص إلي ثلاث ساعات إلي ميناء لومرت ومن
لومرت بالبوت حوالي 35 دقيقه إلي 45 دقيقه تقريبا ومن لومرت إلي بينانق ساعتين تقريبا
مافيه طيران مباشر إلي لومرت او بانكور