السلام عليكم
بالنسبة للحجز تقدر تأكد عليه بالنت او ألأتصال وأطبع الأيميل الى بعثوه لك
اما الوزن 15 كيلو شوى بس تأكد من نوع تذكرتك لأن فى تذاكر يكون لها شروط بسبب رخص سعرها وتقدر تستفسر من الشركة عن سعر الكيلو الزايد انا اذكر الرحلات الدولية بحدود 650 بات بس الدخلى مادرى
عموما انا وايد سافرت داخلى ومعاى وزن ولا مرة دفعونى او قالو لى شى عن الوزن
بعدين ياخوك لاتكثر اغراض هونها وتسوق اخرشى من بانكوك

ku411
مشكور على الرد
لكن بنسبة لتأكيد الحجز ان عندي الايميل وفية رقم الحجز هل يعتبر هذا كافي او يجب على الاتصال عليهم
بنسبة للوزن الزائد 650 بات للكيلو الواحد ما تشوف انها جدا غالية وهل هذا سعر اير اسيا

لاشكر على واجب
تمام عندك برنت وكل شى قبل الرحلة ب 3 ايام اكد الحجز معاهم بالتليفون او النت لأنك لازم تأكد الحجز قبل السفر خصوصا انك حاجز من زمان
بالنسبة للوزن الزائد 650بات للكيلو هذا سعر التايلندية للرحلات الدولية اما اير اسيا ماعندى علم بس حاضر ياخوى الحين بشيك معاهم وأرد عليك بأسرع وقت ممكن بس مثل ماقلتلك لاتكثر اغراض اريح لك بالتنقل وهم عموما مايدققون على الوزن ماقط صارت معاى
بس شوى وبجيب لك الخبر الأكيد
بوفهد

ما قصرت يابو فهد وجزاك الله كل خير

اخوى المحارب
سعر الكيلو الأضافى بحالت الوزن الزائد طيران داخلى 80 بات للكيلو الواحد والدولى 700 بات للكيلو الواحد حسب الوجهة
بالنسبة لتأكيد الحجز يفضل بالنت لأن عندهم عدة خيارات لتأكيد الحجز والشيك ان واختيار السيت او الحصول على اولوية بالدور عند الشيك ان او البوردينج وممكن تسوى شيك ان وتختار السيت بنفسك من المطار عن طريق جهاز ثم التوجه للكاونتر وتسليم الشنط والدخول بدون زحمة ودور والموظف ييتفلسف دش موقهم وشوف خدمتهم وايد حلوة والربع يمدحون طيرانهم
واذا احتجت اى خدمة انا حاضر
اخوك بوفهد

كثر اللة خيرك يابو فهد ......... وشكلي راح اتعبك معاي
انت ذكرت ان تأكيد الحجز يكون عن طريق موقعهم على النت ياليت لو تذكرلي الطريقة بالتفصيل يعني ارسل ايميل او في موقعهم طريقة اقدر عن طريقها أكد الحجز عبرها
واللة باقي على السفر اربع ايام وخايف يكنسلوا الطيران الداخلي والخارجي ( رايح سنغافورة عن طريقهم )
وغير كذا اللغة الانجليزية عندي رايحة وطي ..........
و أسف على الازعاج