زكي زكريا
14-10-2022 - 02:07 am
المشاركات: 990
رد على قصيدة (((( ودعت ناجح من مطار القريات ))وادعت ناجح من مطار القريات === يوم اركبونا الطايره واشلعتنا
لفّت ودارت وامرجت بين لحظات === لولا الكراسي والمحازم رمتنا
طاروا بنا حمر العلابي خواجات === صغر العيون وجيههم هولتنا
تكفى تشهد يافهد واقر آيات === الموت جانا والظروف اجبرتنا
جانا المضيّف قال وش في خدامات === قلت نزلونا بطونّا موجعتنا
من قبل اشوف الغيم دون السموات === واليوم اشوفه يا فهد من تحتنا
عز الله اني ما حسبت الحسابات === والآ ترى سيارتي موصلتنا
يازين ممشى الارض لو هي مسافات === لنّا بشعيب مجهزين قهوتنا
وش جابني للطايره والمطارات === والله معود ركوبها إن نزلتنا
لو تنفجر قامت تذيع المحطات = == رح عاد دوّر قشنا مع جثثنا
يعطيك العافية على النقل وإلى الأمام ...