laratulip
12-07-2022 - 03:49 am
السلام عليكم
حنا بإذن الله ناوين هالسنه نطلع النمسا وهي اول مره نروح اوروبا
وتقربا حددنا المدن اللي راح نروح لها
بداية رحلتنا راح تكون ان شاء الله من 15 الى 28 جون كيف بيكون الجو في هالوقت
توزيع الايام بيكون
اربع ايام بفيينا
وبعدها ست ايام في كابرون ومنها راح نطلع على زيل ام سي والمناطق اللي حولها ويومين بتكون في Kitzbühel
واخر يوم بفيينا ومنها نرجع للسعوديه ان شاء الله
اللي ابيه منكم لاهنتو ترتيب خط سير الرحله و ايش افضل منطقه للسكن في فيينا وايش افضل اوتيلات في فيينا اما كابرون ابغى شقق فندقيه
اهم شي بالسكن يكون شرح و واسع والسعر ما يكون ضربه بقوه
وفي Kitzbühel ما ادري اذا فيه اكواخ او لا خاطري من وانا صغيره اسكن بكوخ
حنا عددنا سته زوجي وانا واولادنا ثلاثه 2 ،4، 8 والشغاله
ابغى اهم الاماكن السياحيه اللي تناسبنا وتناسب الاطفال في كابرون و Kitzbühel
اما فيينا تقريبا سويت برنامجها خلاص
عارفه اني ثقلت عليكم لكن انتو كريمين وانا استاهل ولكم دعوه من القلب
سؤال اخير Kitzbühel هالمدينه كيف تنطق حروفهم غريبه ماعرفت انطقها
كابرون Dorfchalets Kaprun نظام أكواخ ونظيف مره وفيه مطبخ وغسالة ونشافه
قمة كابرون الثلجية
الزحليقة الصيفية في زيلامسي و كابرون وعند الزحليقة الصيفية الي في كابرون فيه العاب حق الأطفال
وفيه محمية حيوانات ومنتجع سياحي -فوش -بحيرة زيلامسي -شلال كريمل
فيه ملف انا حملته من المنتدى فيه جميع الأحداثيات وكلها صحيحة ماعدى احداثية الزحليقة الصيفية الي في سليفيدين لمن اتبعت الأحداثية ودتني الى محل تجاري داخل السوق
وشلال زيغ موند ما قدرت اوصل عن طريق الأحداثية بالسيارة
المهم بحاول احمله لك
بالنسبة لسكن بفيينا وكابرون انا جربته والمكان رايق ولا عليه اي ملاحظه وبأذن الله راح يعجبكم
تحياتي لك