الله يسلمك ،، المستشفى الامريكي يقع في شارع سوكوموفيت سوي 3 وهو يبعد بالتاكسي من المطار تقريبا 30 دقيقة الى 45 دقيقة حسب الازدحام وحسب الطريق اذا تم استخدام الهاي وي او طرق اخرى ،،
الفنادق المناسبة والقريبة للمستشفى :
1-فندق زينيث ( اقرب فندق للمستشفى )
2-الشقق الفندقية التابعة للمستشفى
3-رويال بنجا
4-اماري بوليفارد
5-قوليفر تافرن
6-بيل اير
المطاعم:
طبعا المنطقة اللي يقع فيها المستشفى هي منطقة العرب وكلها مطاعم عربية،، واغلبها ممتاز ،،
طبعا الاسواق تحتاج تاكسي او بالقطار المعلق ،، عموما منطقة العرب بالليل تتحول الى سوق ليلي واكشاك وبسطات على الشارع ،،
اما المجمعات الشهيرة للتسوق:
1-mbk
2-بلاتينيوم
3-ذا مول في منطقة بنكابي
4-مجمع فيوتشر بارك
5- مجمعات واسواق منطقة الباتونام
6-مجمعات واسواق منطقة سيام سكوير
وطبعا افضل سعر راح تلقاه بحجز الفنادق والتذاكر مباشرة من الانترنت عن طريق الفيزا او الماستر كارد ،،

جزاك الله الف خير اخوي ولد البحرين وماقصرت على ردك السريع
طيب والبرامج السياحيه والترفيهيه في بانكوك وايش تنصح فيه
والله يعطيك العافيه

السياحة في بانكوك :
1- دريم ورلد ( ملاهي )
2- سيام بارك ( ملاهي + ملاهي مائية )
3- سفاري ورلد ( حديقة حيوانات وعروض )
4- السوق العائم ومزرعة التماسيح او الافعاي
5-رحلة عشاء على احد العبارات في النهر (جراند بيرل )
6-زيارة السينما في مجمعات بانكوك
7-سيام اوشن ورلد ( عالم البحار ) يقع في مجمع سيام باراقون
8-رحلة يوم واحد الى بتايا من الصباح حتى المساء
9-رحلة يوم واحد الى شلالات ايروان في منطقة كنشابوري
والمزيد تكتشفه في اكشاك الرحلات السياحية ،،

خلاص ما قدر ارد .. ما شاء الله عليه ولد البحرين ...مشكور يا ولد ديرتي والله انك قدها وقدود عساك على القوة دوم

ماشاءا لله انا اشهد ان ولد البحرين كفى ووفى
والله يعطيك العافيه ويجزاك الف خير ان شاء الله
تحياتي لك

انزين يا اخوان انا قريت بموضوع ان المستشفى يسوي فحوصات شامله 15.300 بات
يعني بالريال كم تطلع الله لايهينكم وشلون احسب البات بالريال القطري
وتنصحوني اصرف البات من بلادي ولا اصرف في تايلند واروح معاي ريالات ولا دولار
ياليت تفيدوني

اصرف في بلدك دولار ومن ثم حولها بات في تايلند ،، ولا تاخذ ريال ابدا ابداً
ولا تنسى تصرف على الاقل 500 ريال الى بات في بلدك لزوم يوم الوصول والتاكسي وغيره ،،
اما بالنسبة للمبلغ 15.300 = 1857 ريال قطري تقريبا

ماعرف اشلون اشكرك اخوي ولد البحرين
لاكن ارجو ان تقبل تحياتي وشكري لك
والله يجزاك الف خير