طموحي عالي
15-10-2022 - 10:20 am
امسي عليكم بالخير جميعا..
بصراحة انذهلت يوم شفت الموقع.... موقع كامل من جميع النواحي.
انا اول مره اسافر خارج السعودية وكتب الله علي اني اسافر إلى نيوزلند ( أخر الدنيا )
طبعا لدراسة لمدة شهرين ونص تقريبا
بصراحة تخوفت يوم شفت بعض مواضيع الأعضاء .. فياليت تجاويوني على بعض الأسئلة والي عنده نصيحة أو أي شي يحس أنه يبي يفيدني لا يبخل علي فيها .. ( أحتسبوا الأجر فيني)
بصراحه ولا أخفيكم انا خايف من عملية التنقل من دوله الى دوله ... طبعا هذا في رحلة الذهاب.
يعني عملية النزول من الطائرة في هونق كونق والأجرائات وفي عملية الذهاب إلى اوكلاند ثم إلى دونيدن فياليت تهونونها علي ببعض النصائح
الشي الثاني بالنسبة للفلوس.
انا معي فيزا بالأضافة إلى مبلغ في حسابي الثاني بالأضافة إلى الدولارات
حبيت أستفسر اذا حبيت اصرف من حسابي الثاني ( البنك الأمريكي) تتم العملية مثل الفيزا ولا وشلون.
مثل ما قلت لكم لا تبخلون علي ياجماعة
طبعا رحلتي الأسبوع الجاي ان شاء الله يوم الجمعه ..
أدعوا لي
تحياتي..
مدينة دنيدن تمتاز ببرودة الجو حاليا
خاصه ان فصل الشتا دخل في نيوزلندا...
فلازم تاخذ حذرك .. درجة الحرار توصل ل 5 تحت الصفر تقريبا
..
مساله التنقل لاتشيل هم ... سهله جدا وميسره
في هونغ كونغ .. اذا كان الترانزيت مدته طويله ممكن تاخذ فندق من المطار وتريح فيه
واذا كانت المده قصيره ممكن انك تجلس في المطار وتتجول فيه .. طبعا هو افضل واكبر مطار في العالم
وفيه كل شي .. محلات واسواق ومطاعم ومقاهي
والانترنت مجاني في كل المطار
والرحله حقتك بيكون رقمها وتوقيتها ورقم البوابه مكتوب عالبوردينغ
اما في اوكلاند راح يكون فيه تفتيش طبعا ..
حاول ماتجيب معاك ماكولات او نباتات لانها ممنوعه..
وحاول تكون هادي .. حتى ما تصير موضع شبهه
وخل معاك ورقة القبول حقت المعهد عشان تمشي بسرعه في الجوازات..
,,,,
البنك الامريكي مايسحب مثل الفيزا
لكن بالامكان انك تسحب كاش من الصرافات وياخذ عليك عموله بسيطه على كل سحبه
اتمنى اني افدتك ..
شد حيلك .. والله يوفقك ويوصلك بالسلامه ..