1. ابي اقولكم تخطيطنا مبدأيا وانصحوني ياخبراء لاننا لسا ماحجزنا شي

السلام عليكم
الله يعافيكم ساعدوني في التخطيط انا مو عارفه كيف لاني ما زرت اوروبا قبل ولاحتى زوجي وعندنا عطله في شهر مارس بالتحديد من 18 الى 30 مارس

ابي اقولكم تخطيطنا مبدأيا وانصحوني ياخبراء لاننا لسا ماحجزنا شي

راح نطلع من الرياض الى اسطنبول مطار اتاتورك (ممكن نجلس ليله في اسطانبول في احد الفنادق القريبه من المطار ويمكن لا لسا ماقررنا , اجباري نسوي هالحركه مافي مجال نلغيها وحتى بالرجعه لازم نمر على اسطنبول مرة ثانيه ونرجع الرياض )
ومن مطار اسطنبول مدري وين اتوجه لكن اكيد راح نروح على الخطوط التركيه .
انا نفسي في عده مدن اوروبيه اعرف انه استحاله ازورها مع بعض في فترة سفرنا القصيرة هذي
لكن ودي لو ازور جزء منها والبقيه في رحلات قادمه ان شاء الله
المدن اللي نفسي ازورها لندن , باريس , كان , انترلاكن , فينيسيا , زيلامسي
ساعدوني ياخبراء في ترتيب جدول يضم لو جزء من هالمدن اللي لطالما حلمت بزيارتها , وسيله التنقل مافي مشكله سيارة او قطار اللي يناسب الجدول اللي بتحطونه لي والميزانيه ان شاء الله ماراح تكون عائق .
انا وزوجي نحب الصخب مانحب الهدوء مرة يعني ملاهي واماكن غريبه وكرنفالات وسيرك وعروض لكن ممكن نختار مكان هادي في بدايه الجدول وبقيه الايام نختار اماكن صاخبه وفيها حركه زي ما قلت لكم .
اتمنى ما اكون كثرت عليكم ساعدوني الله يرضى عليكم