اخوي بالنسبه للطيران الي تايلند فكل الطرق تؤدي الي روما
يعني تجربه وتعدي .. كلهم مثل مثل
الطيران الداخلي كثير .. وطيران اسيا اقتصادي وجيد
انت كبير بالعمر لأنك تذكر الطياره اللي طاحت بالبحرين ههه
فأكيد التمشي والاسواق تعجبك
وفي كل مكان سوق
وفي باتايا التمشي علي البحر جميل لكم كشباب
0ريال حق فندق ... تجد آلاف الفنادق بهذا المبلغ وأقل منه
في باتايا تجد الرحلات مكتوبه بالعربي حتي علي ابواب مكاتب السفرات
وفي بانكوك ايضا في منطقه العرب
ماعندك أي مشكله
توكل علي الله وكل شيء سهل بأذن رب العالمين

لا الشيخة انا صغير ههه
عمري 25 سنة بس اذكر لما الطيارة طاحت
اشكرج على الرد وفي انتظار الافادة المناسبة لعمري ههه

حياك الله ياغالي
1- احسن طيران واسعارهم مب غالية بالنسبة من قطر الى تايلند " قالوا لي الخليج بس المشكلة ركبتها مرة من زمان واحس مب مرتاح لها واللي زاد الطين بلة لما طاحت في البحرين ههه "
الخليج زفت من تجربة روح يالاماراتية او القطرية وشوف الطيارة وهو الشي المهم يعني لو الطيارة على القطرية
افضل روح عليها ولو الاماراتية روح عليها بعد شيك طراز الطيارة قبل كل شي
2- احسن طيران داخلي واسعارهم حلوة للتنقل بين المدن
شوف الاوفر وهو طيران آسيا
3- فنادق اسعارهم حلوة ومكانها ممتاز في المدن المذكورة " حدود ال300 ريال لليوم
تقدر تشوف موقع بوكينج وتحدد الفنادق وراح نفيدك فيها انا سكنت في فندق 3 نجوم وحلو صراحة
وقريب من جميع الاماكن ( بوكيت طبعاً ) واقتصادي جداً 120 ريال يومي فقط
اسم الفندق بان فيل
4- أماكن حلوة حق التمشاية وهالسوالف في المناطق المذكورة والنشاطات اللي نقدر نسويها
كل انسان وعلى اختيارة روح هناك وشوف المكاتب السياحية واختر الي يعجبك لكن انتبه من الأسعار
كل الفعاليات والرحلات ماتزيد عن 1500 بات للشخص يعني ماعليك من الي مكتوب على الورق 3000 بات
كلام فاضي ونصب وخاصة رحلة الغوص يقولك فيه غطس مرتين بسعر 4000 بات والحقيقة ان الغطس مرة واحدة والمرتين لأصحاب الرخص
5- المواصلات
في بوكيت ماتحتاجها ابداً الرحلات تاخذك من باب الفندق وترجعك وبعدها كل شي قريب منك حتى السهر
6- الاحتياطات اللي لازم ناخذها
كثر ملابس رياضية وصندل ممتاز وانت بكرامة لأن المشي هناك كثير والجزم ماتنفع ابداً
تابع الاحوال الجوية دائماً عشان لايجي مطر ويذبحك البرد واذا وصلت هناك اشتر ( ملابس وقاية من المطر )
عبارة عن لبس كيس مثل البالطو بس نايلون ورخيص جداً اشترة من ماركت ( 7 - 11 )
7- طرق الحجز " بالانترنت ولا من هناك دايركت ؟" لانه فرضا لو حجزت بالانترنت اخاف يصير تأخير في الرحلات . الخ"
الارخص عن طريق الانترنت لكن سو مثلي حجزت اول يومين فقط عشان اذا ماعجبني الفندق اغيره عن طريق
احد المكاتب السياحية طبعاً شوف الارخص منهم واحجز لكن اعجبني الفندق وماغيرتة ولا راح اغيره وان رجعت
لها بسكن فيه
8- تقريبا كم الميزانية حق الشخص الواحد من غير تذكرة
بالنسبة للرحلات 200 ريال بالكثير لكل شخص والأكل فيه العربي الغالي وفيه الفاست فود الارخص
وحق السهر مو غالي ههه
9- كم الواحد ياخذ معاه وبأي عملة ؟ وياخذ كاش ولا بالفيزا ؟
لاتأخذ معك الا 300 دولار للأحتياط وخل شغلك على الصرافات وريح مخك من تحويل العملة وقرفها
كل سحبة يأخذ منك مبلغ 20 ريال تقريباً على حسب البنك ولو تحسبها لمدة 14 يوم تطلع 240 ريال وتريح
راسك من اخذ مبلغ كبير في جيبك وتشيل همه وقرف الصرف
10- ي اضافة او تفاصيل حابين تضيفونها
ابد سلامتك ورحلة موفقة
بالنسبة للملابس ،، في قطر نادر جدا البس بدلات سبورت وهالسوالف ،، حق السفرة اشتري من قطر ولا من هناك ؟
اها انت من قطر اجل الخطوط اريحلك بكثير تطلع على القطرية انسى الاماراتية
تايلند اسعارها مثل اسعار السعودية
فمدري عندكم الملابس اغلى من عندنا او لا ؟
طبعا احنا نحب سوالف التسوق والتمشاية والبحر . الخ باستثناء الاماكن الاثرية والمعابد . رايحين نغير جو
كلنا نحب نغير جو ههه وراح تنبسط كثير في بوكيت خاصة
اي استفسار انا حاضر

prince_7ub
رحم الله والديك وبيض الله وجهك
ماقصرت والله ونشوف باقي الاعضاء
واذا عندي اي استفسار ثاني بتواصل على الخاص
واشكرك مرة ثانية

و عليكم السلام و رحمة الله و بركاتة "".
اهلا فيك اخي العزيز احمد بن على
بصراحة اخونا / prince - ub اعطاك المعلومات الكافية و الموفقة .
مداخلتي اخ احمد تتطلع على كم تقرير من قسم تقارير تايلند الخاصة ببوكت و باتايا و بانكوك و الحقيقة هي كثيرة لكسب مزيدا من المعلومات و الى سوف تفيدك في رحلتك ان شاءالله .
بارك الله فيك """

حسن الحمادي1
شاكر لك ردك اخوي وفعلا هذا االلي اسويه
بس المشكلة في بعض التقارير قديمة
مرات تكون من غير صور والاسعار طبعا تختلف من سنتين الى الان

من ناحية الطيران الدولي أخوي أنا مجرب الخطوط العمانية ممتازة و أسعارها حلوة ومناسبة و لا تقارن بالخطوط الأخرى

احمد بن علي
اخوي احمد اخر نصيحة الاسعار في شهر 11 و12 ونصف شهر 1 من العام الجديد تكون مرتفعه جدا ا وبعضها مليانه حجوزات ومو كل الفنادق بعض الفنادق المهمة والقريبة من اماكن الترفيه والسهر .... يعني راح تحصل رخيص اكيد بس ابعد شوي من الاماكن المهمة بس لا تشيل هم خاصة في فوكيت كلش قريب .. وبتايا فيه حي العرب هناك افضل شي مع اني افضل فوكيت لنظافتها ..والترفيه اللي فيها
انا المشكلة باكون هناك في راس السنة عشق لا ينتهي والله يعيينا على اسعارها في هالشهرين لان باقي السنة رخيصة جدا ...
اتمنى اني ساعدتك وقدرت اوصلك المعلومات المتوفرة لدي .....

bad man bad
ماشاءالله عليك كفيت ووفيت واشكرك من كل قلبي والله
بس بصراحة تخوفت من الاسعار ههه
عطني مثال
غرفه حق شخصين فندق 4 او 3 نجوم
كم في اليوم ؟
من فترة 25-12 الى 10-01