almutairi fawaz
05-10-2022 - 11:20 pm
السلام عليكم ورحمة الله وبركاته
ان شاء الله انا مسافر الى باريس يوم 18/06/2011 هجري الى 24/06/2011 هجري يعني 6 ايام
انا وزوجتي واطفالى 2 العمر 4 سنوات والثاني7 سنوات
الميزانية تقريبا 10.000 ريال في 6 ايام بدون سكن تكفي (السكن ميزانيه ثانيه)
عندي بصراحه استفسارات كثير وبالى مشغول في هذي السفريه لانها اول مرة لاوروبا
فارجو منكم صعت الصدر و تتحملوني عشاني وعشان اولادى (( يعني ضبطوني )).
اولا : الحجز والتذاكر جاهزين والفيزاء امرها سهل لان العمل يسويها ليه
ثانيا : البرنامج وكيف ابداء هل اذهب من المطار الي دزني لاند على فكرة الوصول يوم السبت اعتقد انه اجازة عندهم واجلس يومين والباقي في باريس (( رائيكم يهمنا )).
ثالتا:السكن بصراحه تعبت وانا ابحث عن فندق في دزني وفندق في باريس
اهم شي في الفندق السعر لا يتجاوز 800 ريال والاهم الامن والافطار والنظافه (( فنادق مقترحه لو تكرمتوا))
رابعا :المواصلات جننتني شي تكسي وشي باص وشي متر (( ايهما افضل )) وكيف التذاكر
خامسا : نفسي واحد او وحده ترتبلي برنامج سياحي في باريس لباقي المدة مثلا
اليوم الاول ............
اليوم الثاني ...............
الخ...............
هذي عقبات سفر واعتقد بل اجزم انها سهله عليكم
اذا تم مساعدتي انا و اولادي ان شاء الله لنا لقاء اخر
لا تحرمونا من خدمتكم
سلام عليكم ورحمة الله وبركاته
وعليكم السلام ورحمه الله وبركاته
ان شاء الله انا مسافر الى باريس يوم 18/06/2011 هجري الى 24/06/2011 هجري يعني 6 ايام
انا وزوجتي واطفالى 2 العمر 4 سنوات والثاني7 سنوات
الميزانية تقريبا 10.000 ريال في 6 ايام بدون سكن تكفي (السكن ميزانيه ثانيه)
تقريبا 2000 يورو خلال 6 ايام كل يوم 350 يورو ( حسب صعر الصرف ) بتكفيكم يمكن يكلفكم أكثر شيء ديزني لاند
عندي بصراحه استفسارات كثير وبالى مشغول في هذي السفريه لانها اول مرة لاوروبا
فارجو منكم صعت الصدر و تتحملوني عشاني وعشان اولادى (( يعني ضبطوني )).
يعني نضبط ولا نتحملك يا غالي صدقني الكل وده يخدمك ولا يطلب منك الا الدعاء ولا تواجدوا الاعضاء الي لخدمة شرواك
اولا : الحجز والتذاكر جاهزين والفيزاء امرها سهل لان العمل يسويها ليه
ثانيا : البرنامج وكيف ابداء هل اذهب من المطار الي دزني لاند على فكرة الوصول يوم السبت اعتقد انه اجازة عندهم واجلس يومين والباقي في باريس (( رائيكم يهمنا )).لا تقرب ديزني بالويكند ولكن هل ترغب بالسكن بديزني ولا نفس ما كلنا بالبوابه السياحيه اذا مو غلطان انت ولا عضو غيرك تسكن في باريس وتطلع لديزني ما دام هي يوم واحد ولا تحب يومين علشان الاطفال وباليوكند ما فيه شيء يقفل للعلم يعني بتلقي شيء فاتح
ثالتا:السكن بصراحه تعبت وانا ابحث عن فندق في دزني وفندق في باريس
اهم شي في الفندق السعر لا يتجاوز 800 ريال والاهم الامن والافطار والنظافه (( فنادق مقترحه لو تكرمتوا))
والله السكن قليل أعتبره بالسعر هذا
رابعا :المواصلات جننتني شي تكسي وشي باص وشي متر (( ايهما افضل )) وكيف التذاكر
المترو الأفضل بس تاكسي من المطار خذه فقط التذاكر يتوقف عليك اذا طلعاتك كثيره باريس فيزت طلعاتك اماكن محدده اليوميه
خامسا : نفسي واحد او وحده ترتبلي برنامج سياحي في باريس لباقي المدة مثلا
اليوم الاول ما يبلها الا الباص السياحي الاحمر الطفل اقل من 5 سنوات مجانا والتكت ليومين وتحب تروح برج أيفل ما دامك بالصيف يبيلك تدخل هالرابط وتختار وقت معين يكون مع المغرب ومن بعدها تركب القارب او تركب القارب اللي خلف برج ايفل ومدته 50 ديقه تقريبا بسعر 11 يورو للكبار وبعدها تطلع قبل ساحه تراكادور ( مجوعه مقاهي ) وتصور برج ايفل يكون حلو
https://artravelers.com/p/re/503476
اليوم الثاني اذا رغبت باللوفر تدشه وتطلع علي الرسومات فممكن تحجز والتكت تقريبا 10 يورو وبعدها للحي اللاتيني ومن ثم تمشيه خفيفه للشانز اذا رغبت
الخ...............
بكملها معاك بس هل تحب تذهب الي قصر فرساي هو مكان تاريخي الايام تحديدها مش بذاك الصعوبه الاهم انت وش تحب تشوف
ديزني لاند احب تدخل هالموضوع وتتطلع عليه وتخذ فكره
https://artravelers.com/p/re/503654
وفيه كم تقرير بالبوابه الرئيسيه للاخت بهبهانيه وكتكاته عن ديزني لاند راح يفيدك
اذا تم مساعدتي انا و اولادي ان شاء الله لنا لقاء اخر
ان شاءالله نشوف تقريرك مع أطفالك