fahad alsaher
19-11-2022 - 12:33 am
صباح الخير للجميع .. انا مسافر ان شاء الله فرنسا وابي منكم خدمه اذا تكرمتو لاني قريت في المنتدى الرائع اللي احسه سفاره مو منتدى بكل صراحه ههه ما شاء الله عليكم كل شي تلقى له اجابه وحل ما اخفي عليكم مشكلتي انا بسكن في فندق كونكود لافيت في باريس وبصراحه متوهق في الميترو مادري كيف اروح للاماكن السياحيه اللي ابيها حاول وقريت اكثر من موضوع لاكثر من عضو الله يعطيهم العافيه مواضيعهم حلوه بس مادري وش جاني مفهي مره ولا قدرت استوعب المترو حتى قلت لواحد اني اول يوم بنام عندهم يادوب افهمه
ابي اعرف خط السير من محطه porte maillot اللي هي اقرب محطه للفندق الى الاماكن التاليه :
1_ برج ايفيل
2_ هضبه المونمارت
3_ ديزني لاند
4_ قصر فرساي
5_ قوس النصر والشانزليزيه
6_ الاديفانس
7_ الاوت لت
8_ متحف الشمع
9_ غابه بولونيا
ادري والله اني بتعبكم معي بس شسوي مالي الا الله ثم انتم ارجو السسموحه اني طلوت عليكم
1_ برج ايفيل
تذهب الي محطه شارل ديغول الخط الاصفر واذا وصلت لها تنزل وتغير القطار بالمحطه وتركب القطاررقم 6 الاخضر وتوقف بمحطه Bir-Hakeim
2_ هضبه المونمارت
من محطتك تركب القطار الاصفر المتجه الي كونكورد وتنزل بمحطه كونكورد وتركب القطار رقم 12 الاخضر الغامق متجها الي محطه الهضبه Lamarck Caulaincourt
3_ ديزني لاند
تروح لمحطه شارل ديغول علي الخط الاصفر ومن ثم تنزل وتأخذ الرير الاحمرِA ومباشره الي ديزني لاند محطه Marne la Vallee chessy
4_ قصر فرساي
من محطتك تروح تركب الرير c وتقدر تطلع لها بعد لا وصلت لاديفانس
5_ قوس النصر والشانزليزيه
روح مشي افضل لك ولا بالقطار دقيقتين علي نفس الخط الاصفر محطتك ومن ثم اجنتينا ومن ثم اول محطه بالشانز شارل ديغول ايتوال
6_ الاديفانس
من محطتك الخط ااصفر الي اللاديفانس
7_ الاوت لت
قبل ديزني لاند بمحطه
8_ متحف الشمع
من محطتك خذ القطار الاصفر رقم واحد متجه الي محطه كونكورد واذا وصلتها غير الي المترو رقم 8 البنفسجي وروح لمحطه قريبه جدا من متحف الشمع اسمها Grands Boulevards
9_ غابه بولونيا
الرير c من محطتك وتتجه الي Avenue Foch طبعا الغابه لها اكثر من محطه هي كبيره جدا
وفيه من محتط للخط الاصفر لا وصلت محطه فرانكلين روزفلت تنزل وتغير بالمتر رقم 9 وتجه الي محطه ذي Porte d'Auteuil
بس الأسرع لك هو الرير