1. اولا


2. باذن الله سبحانه وتعالي مقرر السفر بشهر 8-2011* المده ان شالله 21 يوم

السلام عليكم ورحمة الله وبركاته
اولا اخواني اتشرف ان اكون احد اعضاء هذا المنتدى الجميل باعضائه وتقاريرهم الشيقه اللتي تدفع من عزيمتي تجربه السفر الى النمسا عدد الاشخاص انا وزوجتي وبنتي 5 سنوات
انا بعطيكم رغباتي واتمنى ان اجد المساعده بالراي والمشوره اللتي لن تبخلو علي فيها ان شاء الله واتمنى ان تتحملوني لعدم معرفتي باجراءات السفر
زوجتي الله يحفظها تبي تزور النمساوسويسرا وفرنسا وانا اقول لها انها بعيده خليها على المانيا والنمسا لاني قاري ومرتاح من تقارير الاعضاء لاني ماحب المجازفه بشي ماعرفه ((يقالي اعرف النمسا والمانيا ))
انا ماعرف كيف اوفق بين رغباتي ورغبات زوجتي (( وااذا مافي توافق بين رغباتي ورغباتها الغالب انها بتكون النمسا والمانيا ))
وكم بتكون تكلفه اربع دول تقريبا

اولا

باذن الله سبحانه وتعالي مقرر السفر بشهر 8-2011* المده ان شالله 21 يوم

ابي منكم فضلا لا امر ترتيب الجدول المناسب لكل مدينه من ناحيه السكن انا افضل الجيد ولقريب من الاسواق والمقاهي اذا كنت بالمدن اما اذا كنت بالارياف افضل الشقق المطله على الانهار ولها مناظر جميله ((كم اسعارهم ولا يكون مبالغ فيها الوسطيه مطلوبه ))
ثانيا :
من ناحيه التنقلات ذكرتو انو فيه قطار والباصات والسياره ولكن مافهمت كيف طريقه القطار يعني انا لما اكون بفينا اقدر اروح لزيلامسي والعكس او كل مدينه فيها مترو خاص فيها ومن فين احصل خريطه تبين التنقلات
اما الباصات احسها سهله تركب الباص وموعد محدد يرجع ((على حسب فهمي ))
السياره متى او باي مدينه تستحق استئجارها
واذا حبيت ان احجز من النت كيف لاني قبل شوي دخلت على موقع بوكنق وقعدت اجرب احجز اي فندق ولكن يظهر لي انو لايمكن الحجز بالتاريخ المحدده يعني الشقق يمكن تكون محجزوة من الان
بالنسبه للبطاقه الفيزا الصراف هل هي نفس بطاقه الفيرا مسبوقه الدفع يعني بعض البنوك يعطي فيزا او بطاقه فيزا مالها اي ملبغ مالي محدد انت تودع فلوسك اللي تبيها وتستخدمها عن طريق البطاقه
او هي الفيزا اللي يسوقون عليها البنوك على حسب الراتب مبلغ معين
وبالنسبه للمبالغ الماليه الكاش لو باخذ معي 30000 الف ريال احطها بجيبي ولا بالبنك ولا وشلون ((توي اعذروني والسنه الجايه ماراح اسالكم ))
بالنسبه للحجز للخطوط الجويه ايش الافضل والانسب وكم التكلفه
والشقق متى اكون حاجز قبل السفر ولا بعد شهرين ولا 3 شهور
يعطيكم العافيه واسف على الاطاله
اخوكم المحروم