نبيك انت تعلمنا اشلون البلد معاك؟؟؟ ويش السلبيات فيها والايجابيات فيها اذا ممكن؟؟ معا جزيل الشكر لك اخى الكريم

1. السلبيات :

اخ jemi_soul بالنسبة لي ارتحت في البلد كثير بعكس الكلام اللي كان يقال عنها ولم تواجهني اي مشكله هناك اما بالنسبة للسلبيات والايجابيات فهي كالتالي :

السلبيات :

1-اجراءات الدخول في البلد روتينية تذكرني بسفرتي لسوريا في التسعينات حيث يلزمك تعبئية ورقتين عند دخولك في المطار الورقة الأولى لبيانات الجواز مكونه من جزئين تسلمها الجوازات يختمونها فياخذون جزء ويسلمونك جزء تعطيهم اياه في الخروج والورقه الثانيه تبين فيها امتعتكك الشخصيه التي تحملها اضافة الى العمله الاجنبيه و المحليه اللتي تحملها معك اثناء الدخول .
2-غالبية الشعب يتكلم اما اللغه الروسيه او الاوكرانيه يعني راح تواجهك صعوبة في التحدث مع البشر خصوصا في المطاعم لما تكون واصل حدك من الجوع.
3-التكاسي غاليه وبدون عداد يعني لا بد انك تتفاصل مع راعي التاكسي قبل لا تطلع معه الا اذا كنت طالبه عن طريق التلفون فمشوار داخل المدينه يكلف من 15-35 قريفنا حسب بعد المشوار بس سواقين التاكسي من يدرون انك اجنبي يبدون لك ب 50 قريفنا.
4-تكلفة السكن غاليه حيث تتراوح من 70 إلى 150 دولار للشقه وحسب عدد الغرف بس صراحه الشقق تسوى هذي القيمه لما تجرب الفنادق ففنادقهم قديمة جدا واثاثهم قديم مره واسعارهم غاليه بالنسبة للشقق
5-قطاراتهم بطئيه وسيئه جدا يعني غير مناسبه للسفر الطويل مشوار 600 كلم تقطعه في 9 ساعات من كييف إلى لفيف بينما بالسياره من 5 إلى 6 ساعات .
6-وقود السيارات غالي جدا حيث يصل تقريبا الى دولار واحد ل الليتر وهو ما يسبب ارتفاع اجرة التكاسي.
الايجابيات :
1-العاصمة كييف جميله جدا وتستحق انك تخصص لها جزء من رحلتك .
2-سفرتي كانت بالطيران الاوكراني من الكويت في الرجعه شفت العديد من العوائل اللي كانت مصيفه هناك بصراحه اللي سولفت معهم كان انطباعهم جيد عن البلد بس كانت تواجههم مشكلة اللغة .
3-الشعب في حاله وماهمهم غير لقمة العيش لما يسالوني من وين اقول لهم من السعوديه وانا مدنق بعد الاربعه الاوكرانيه واتفاجاء بانهم ما يعرفونها .
4-الجو والطبيعه رائعين جدا عدا يالطا في القرم فكان الجو حار نسبيا يعني لا بد من وجود تكييف في النهار .
5-توفر وسيلة النقل الجوي بين المدن الرئيسية يعني ريح راسك وسافر طيران بدل ما تدفع من 30 الى 60 دولار على القطار حسب الدرجه خلهم 90 دولار وسافر بالطياره.
6-العقار رخيص جدا في المناطق السياحيه قرب جبال الكاربات .
7-توفر فرص استثماريه جيده في البلد وخصوصا تجارة الاخشاب .

الله يعطيك العافيه على المعلومات الطيبه والحمدالله على السلامه
عسى بس الشرطه ما ضايقوك هناك وجوازك معاك 24 ساعه ... وهل الديره غاليه ام رخيصه على حسب تقديرك لها. وما اجمل مدينه فيهم اعجبتك اكثر؟؟
معا جزيل الشكر لك اخى الكريم.

الله يسلمك يا jemi_soul
بالنسبه للشرطه لم القى منها اي مضايقات طوال الرحله عدا مره كنت واقف انا ورفقاء الرحلة على راس الشارع نأشر لتاكسي وما ندري الا دوريه واقفه عندنا و طلبو منا الاثبات اللي هو الجواز وتأكدوا من البيانات ومشوا وهذي هي المره الوحيده فقط وحصلت في كييف والجواز كان معي على طول في كييف نظرا لنصيحة بعض الاخوان في هذا المنتدى اما في لفوف ويالطا فكنت تاركه بالشقه .
بالنسبه ل الاسعار فهي معقوله جدا لما تقارنها ببلد مجاور مثل رومانيا
اما لفوف فهي اكثر مدينة ارتحت فيها نظرا لطبيعتها الجبليه وجوها الجميل رغم قدم المدينة وقدم مبانيها بصراحه راح اعيد الزياره مره اخرى لاوكرانيا وبالذات لمدينة لفوف .

تحية طيبة ...
اولا الحمد لله على سلامتك ..
ثانيا .. هل واجهتكم مشاكل العنصرية ؟؟؟
لأنه الأسبوع قبل الماضي قتل سعودي هناك بسببها ..
ثانيا الشقق تقول من 70 الى 150 دولار ... والله أشوف إنها مو رخيصة .... والا وش رايك ...
من وين طلعت .... من الرياض او من الكويت ..؟؟
وكم كانت سعر التذكرة ؟؟؟
تحياتي ..

الله يسلمك يا مسافر متزن
بالنسبه لمشاكل العنصريه لم تواجهنا اي مشكله ولله الحمد
اما بالنسبه للشقق انا معك في انها غاليه جدا بس كانت هي المتوفره عن طريق الانترنت خصوصا اذا عرفت ان الايجار الشهري للشقق بحدود هذا السعر يعني كانك تستاجر يوم بشهر
بالنسبة للطلعة كانت من الكويت الحبيبة وكان سعر التذكرة 124 دينار كويتي تقريبا 1600 ريال سعودي والفيزا كذلك كانت من الكويت بقيمة 20 دينار يعني التذكره والفيزا يطلعون بقيمة الفيزا من السعوديه عن طريق مكتب عبر القارات

الحمد لله على سلامتك
:smile106:

الله يسلمك يا اخ سكب وشكرا على المرور

اكيد كانت الجوازات داءما معاك
ممكن اعرف كم مرة اوقفتك الشرطة عشان يطلبون منك فلوس
كم واحد صادفته يتكلم الانجليزيه وكم مطعم عندة قائمة طعام بالانجليزيه
كم سيارة تاكسي حلوة موديل 90 يعني قبل 26 سنه وما فوق ركبتها
هل لك فكرة تكرار الزيارة
واخيرا حمد الله على السلامة