السعر بعدد الايام مغري
والفنادق المختاره ايضا 4 نجوم
لكن لعلك تستفسر في البوابات الاخرى عن فنادقها
الناقل اي الطيران اي خطوط وهل يوجد ترانزيت
3يوم بحدود 20 الف

السعر يا اخوك ريال سعودي للشخص ولا ايش

شكرا لتجاوبكم معي..
الناقل الرسمي الخطوط الالمانيه،،
والسعر بالدينار الكويتي والمجموع يقارب 33 الف ريال تقريباً

باريس كونكورد لافاييت
موزعه على كل منطقه تقريبا 4 ليالي إلا فرنسا 5 ليالي ..
1- هل تؤيدون السفر مع قروب خصوصا ان السعر موضح أعلاه ..
سعرك اذا انا قلت انه التكت لوحده بيأخذ عليكم تقريبا 10 الالف ريال
والغرف لا تقل عن 200 يورو ل 13 ليله بيكون 14000 تقريبا يعني يتبقى لك تقريبا تسعه الاف ريال يعني اكثر من 1600 يورو بتكفيك تنقلات داخليه وخارجيه
هل السعر يشمل التكت للاماكن اللي بتزرونها ولا السعر شامل فقط سكن وطيران هل يشمل افطار ووجبات اخرى
2- هل تؤيدون الاطفال بمثل هذه السفرات ..
انا ما جربت بس بالسن هذا افضل من أقل يعني وهي متعه لهم وربي شفت الفرحه بعيونهم
3 بما إني مدمن شيشه هل هناك مايمنع ان اجلب شيشتي معاي
أو المقاهي متوفره بجميع المناطق ..
4- بالنسبه للشاي والقهوه العربيه تنصحوني بماذا لكي اتلذذ بالقهوه والشاي بغرفتي ..
هيتر صغير
5 اذا ماتؤيدون اني اسافر مع قروب كيف انضم جدول لرحلتي خصوصا إني اريد السفر
ل جنيف و باريس والقروب اجبرني على ميلانو ..
التظيم سهل بس هل انت انتهيت من الشنغن وهل لديك حجز طيران
6- كم تكلفة هذه المده في جميع المناطق للمأكل والمشرب والتنقل الداخلي والسياحه بشكل
عام في كل هالمناطق ؟؟
صراحه اذا انت تقول جنيف وباريس مرارا بأنسي ومنها طلعه لديفون وشامونيه وجنيف وانترلاكن ما اتوقع تكلفك كثير انت تتحكم بسعرك هل تبي غرف مطله ولا شقق وهل بسياره تروح ولا تبي قطارات
انا انصحك تقرأ موضوع اللورد سوويسريات اخذ شقه رخيصه جدا جدا جدا وقريبه بين فرنسا وسويسرا وطلع لعدة مناطق منها

قواكم الله جميعاً ..
أخوي فيصل السعر يشمل للتذاكر + الفندق مع الأفطار + التنقل فقط بين الدول اما الباقي فهو خارج
هذه الحسبه ...
يعني اتوكل على الله واروح مع القروب ولا اتريث قليلاً خصوصاً إني إلى الآن لم
احجز ولم استخرج الفيزا لأنه لسه بدري على السفره التي ستكون بتاريخ 4/7 والفيزا
بالكويت تحتاج إلى اسبوعين يعني فيه وقت افكر واغير رأيي ..
موضوع الشيشه (( المعسل)) محد جاوبني عليه هل متوفره بكل مكان في ميلانو وباريس وجنيف

اخوي اتوقع ان سفرتك الشهر الجاي يعني ما اتوقع تلقى سعر رخيص
بحثت بالطيران لقيت 4100 من الاماراتيه للشخص
والسكن بحثت في كونكورد لافيت ولقيته لكم لليله 300 يورو للشخصين فقط بدون اطفال
استخير وتوكل علي الله

اخوي فيصل بعد التدقيق في عرض السفريات بعطيك عروضهم الاكيده وهي اختلفت تماماً عن ما كتبته وراسلوني عبر الايميل وبعطيك كذا عرض
من ثلاث سفريات وارجوا ان تنصحني اختار اي عرض:
1- العرض الاول
ميلانو فندق هيلتون ه ايام
جنيف موفمبيك 5 ايام
باريس 4 ايام
السعر بالدينار الكويتي2340 دينار ..
على الطيران الالماني ( لوفتهانزا)
العرض الثاني :
باريس فندق كونكورد لافاييت 5 ايام
ستراسبورغ 4 ايام فندق هيلتون
جنيف 6 ايام فندق نوفيتيل
السعر 2475 دينار كويتي على الخطوط القطريه
العرض الثالث :
ميلان فندق فوربوينت شيراتون 4 ايام
لوقانو فندق كونرادوا أو هوليدي ان لمدة ليلتان
جنيف فندق موفمبيك 4 ايام
باريس فندق ماريوت او ميرديان 4 ايام
السعر 2340 دينار
الطيران الالماني
اخوي فيصل العرض لشخصين كبار وطفلين شامل
التذكره والسكن والافطار والتنقل بين الدول وقت السفر
فقط يعني اي رحله او جوله لها حساب ثاني!!
اخوي فيصل لازم اتهذ قرار هاليومين علشان مايروح
علي العرص المناسب إللي راح تتكرم وتختاره لي
لاني حسب متابعتي لك انت ثقه ورايك سديد.
بإنتظار رأيك يالامير

أي امير أي بطيخ يا شيخ
اسمعني لو اعطيك رأي لا تعتمد علي شوفي غيري وبالأخير استخيري يا غالي وارجع وشاور اذا حبيت
الاول ما اعجبني
الثاني 6 ايام جنيف كثيره بس حلو فيه ستراسبورغ تقدر تزور المانيا منها ويورب بارك
الثالث حلو ورايق لو تقولهم يقللون من ميلانو ويحطون يوم زياده في باريس ولا لوقانو