الحمد لله على سلامتكم غداء مطعم العجمي بالثلاثين واضح مكانه ثم تاخذون جولة بالرياض جاليري وانت على طريق الملك فهد تشوفه ثم تقهون ببرادواي بجانب مركز الحبيب

يا هلا فيك بين أهلك بالعاصمه الحبيبه والحمد الله ع سلامتكم
من رأيي الغداء فيه كذا مطعم منهم
# تشيليز: موقعه على طريق التحليه وانت متجه شرق بعد تقاطع شارع العليا مع التحليه بتجيك اشاره
تعديها وتستمر ع نفس طريقك بتحصل عند الإشارة الثانيه ع الزاويه المطعم
# مطعم دايموند(اكل صيني): موقعه قريب من تشيليز فيه مجمع في الإشارة الأولى ع شارع التحليه
اسمه لوكرايزر مول هو داخل هذا المجمع بالدور الثاني
# مطعم سرايا التركي: موقعه وانت ع شارع العليا تجيك إشارة الي عليها مجمع الفيصليه الشارع
المتقاطع معه هو شارع الثلاثين تروح مع هذا الشارع ووجهك شرق (تكون الفيصليه خلفك) قبل ما
توصل الإشاره تحصله ع يمينك.
هذا الي في بالي الحين والرياض مليانه مطاعم
بالنسبه للمول أقترح عليك مجمعين
#الأول رياض قاليري
#الثاني المملكه
إذا حاب تجلس في كوفي حلو ورايق وبدون إزعاج مالك غير وقت القهوه(توتي كوفي)
موقعه ع شارع التحليه وانت متجه غرب بعد تقاطع التحليه مع العليا تروح سيده يجيك طريق الملك
فهد أيضاً تعديه وتروح سيده وبعد حوالي 500 أو 700 متر راح تشوفه ع يديك اليسار
أتمنى اني أفدتك بشي بسيط
تحياتي لك

نورت الرياض بوجودكم
وانا اقول ليش مطرت اليوم ههه
شكلك خلاص تغديت .. وين رحت ؟
المطاعم بالرياض كثيره عد واغلط انت ماحددت وش تحب في مطاعم كثير
ايطاليه وامريكيه وتركيه وشامي ومصري ويابانيه وشاينز و
اهم شارع لازم تمره التحليه وانا ارشح لكم مطعم فيه اسمه فروساتو الياباني تجربه حلوه والشيف يطبخ قدامك وتغير عن المطاعم الثانيه الي منيو وطلبات وبس

معليش كان تحب مطاعم هااديه ما فيها ازعاج لا تروح للسرايا التركي تراه مزعج
وانت تاكل كل الوقت صراخ يقررف ما كانك بمكعم
فيه مطعم حلو وأسعاره حلوة سزلر هاوس فيه بطريق خريص على ما اظن وفيه واحد بشارع التحليه
وفيه ستيك هاوس

اخواني واخواتي الكرام
اشكركم جميعا على مساعدتكم واللي افادتني كثيرا والحمد لله كان اليوم حلو جدا رغم ان الشوارع كانت زحمه وتحويلات وتقفيلات هي اللي خربت الجو شوي
المهم الف شكر وهمتكم لبكره يا اخوان
ناوي اروح اتمشى بالثمامه ومنتزهاتها فابي نصايحكم