حياك الله اخوي في الاحساء
موقع المهرجان والنافوره وين ؟
الطريق الدائري بجنوب الهفوف مقابل مجمع الاحساء مول
انت اسأل عن مجمع الاحساء مول معروف للجميع
يوم السبت 15/8 ايش البرنامج في حسانا فله ووين موقعه ؟
ما عندي فكرة للأسف
هل هنالك موقع الكتروني للمهرجان ؟
ما ادري ولا اتوقع ان عندهم موقع الكتروني
السكن وين تنصحوني اسكن فيه ؟
الاحساء انتركونتيننتال
فندق الهفوف
فندق الغزال
البيت الصغير للشقق المفروشة (شارع النجاح)
ترتيب الفنادق من الاقرب لمهرجان حسانا فلة الى الابعد
إضافة بسيطة بالنسبة للتسوق
مجمع العثيم مول
الاحساء مول
شارع الماجد (السويق)
شارع النجاح
سوق القيصرية الشعبي
واسمح لي على الاطالة لو احتجت اي شي ترا في الخدمة

اظن هناك مجمع هجر هجر سنتر ان شاء اهل الاحساء يفيدوك عنه لني رحته مره وحده
ولتنسى الاسواق القديمة

ماشاء الله أهل الحسا ماقصروا الله يعطيهم العافية
نتمنى لك طيب الاقامة في أحساء الخير والطيبة
دمت بود

اي صح نسيت مجمع هجر سنتر لكل مستلزمات البيت والاسرة
وبجنبه محل سمير بوسرور للحلويات كل الحلويات عنده حتى حلويات من 20 سنة اه يا ايام الطفولة
تلقاهم على امتداد طريق القرى الشرقية نهاية الطريق الدائري الضلع الشرقي

مرحبا
فندق كورال الاحساء بالمبرز مناسب وهو احدث فندق بالمنطقه
وابرز فعاليه بالمهرجان لهذا الاسبوع
هي عرض مسرحيه كويتية اسمها (زوج امي )
من بطولة الفنان القدير عبدالرحمن العقل والفنان محمد العجيمي والفنان احمد السلمان ،
وبمشاركة نجوم من المسرح الخليجي الكويتي
ولمزيد من المعلومات يفضل زيارة موقع الجهه المشرفه على المهرجان
وهي امانة الاحساء الرائعه
وهذا الموقع الالكتروني التابع لهم
اضغط هنا http://www.alhasa.gov.sa/Pages/Festival/Default.aspx
رحله موفقه ،،

اول شي حياك الله تنور بوجودك الحسا بين بين اهلك وخلانك
انا اوصف لك بالوصف الدقيق ان شاء الله بس قلي انت من وين جاي لان اهل الرياض سهل الوصف لهم
وكذلك اهل قطر
اما للقادم من الدمام شوي يبيله مشوار ووصف ادق لوجود التحويلات والصيانة في الشوارع المؤدية الى المنتزه على فكرة شوارعنا كل الطرق تؤدي الى روما بس حدد من وين انت جاي ويسهل الامر
واذا تبي انا اوديك براس الخدمة دق على جوالي لما توصل راح ارسل رقمي اذا تبي
شوف انا بوصف لك وصف كتابي لاني ماشفت لموقع المنتزه على خرائط الارث قوقل
اذا كنت جاي من الرياض اول اشارة تصادفك عند مدخل الهفوف عند البنك الفرسي تلف يمين جهة الجنوب تمشي مسافة ويجيك دوار تعديه نفس المسار باتجاه الجنوب وبعدها يجيك مجمع الاحساء على يمينك نفس مسارك يعني بامكانك توقف اذا تبي تتسوق وبعد المجمع تمشي مسافة تلقى المنتزه والنافورة يسارك في المسار الثاني تضطر انك تروح نهاية الشارع وتاخذ الدوار رتيرن كانك راجع عكس مسارك وان شاء الله توصل
اما القادمين من قطر ولامارات عند الوصول الى دوار بنده عند مدخل الهفوف تاخذ الدوار وباتجاه بنده يعني يصير على يمينك بنده تمشي مسافة طويلة اليمن يجيك دوار ملعب الاستاد تعدي الدوار نفس مسارك اليمن يجيك اخر دوار تاخذ يمين تمشي مسافة تلقى المنتزه والنافورة يمينك ولما تعديه بمسافة يجيك مجمع الاحساء على يسارك

يعطيكم الف عافية
وصف ولا احلى
لكن الله يقويكم نبي شقق فخمة ورخيصه وارقام تلفوناتهم طولتها صح

اما اذا كنت من الدمام انا اوديك براس الخدمة لاني على طريقك على شارع الظهران قريب من فندق كورال