هلا والله أموت بالسفر والعذر والسموحة ما ردينا بس يمكن للأنشغال أو السفر
والمفروض أنك راسلت أحد المشرفين يدلك على أحد من اللي قد زاروا أيران من قبل وما راح يترددون في النصيحة،،،
من ناحية طهران وشعبها
شعب خلوق ويرحبون بالخليجي عامة وهناك ما راح تلقى أي مشكلة في الأكل
تقدر تشتري تيس ب40 الى 60 ريال وتطبخ
وتقدر تشوف محلات المشاوي وش كثرها وعلى ماقالوا
لا يطوفك الكباب الأيراني
وما راح تندم بس لو تغير وجهتك من طهران الى جزيرة كيش ما راح تندم وراح تدعيلي وأترك أصفهان لزيارة ثانية
والدولة رخيصة أكثر مما تتوقع بس ما يمنع انك تكاسر الى نصف السعر أو أقل من نصف السعر،،،
من ناحية الخطوط الخليجية هي أفضل من الأيرانية بكثير يعني مو شينه توكل على الله
وأهم شي أحفظ نفسك ودينك هناك لأنك بتشوف العجب
وأنت وضميرك،،،

مشكور صديقي ( كبيان ) والله يوفقك يارب بس ابسألك عن اصفهان يقولون اللي راح لايران وما نزل لاصفهان هذا مايعتبر مسافر لايران ( هذا طبعا اخذته من هذا المنتدى في احدى المقالات عن ايران ) واصلا مافيه الا مقالة وحده ...( ههه ) ويقولون اصفهان نصف الدنيا ( حبيت اسألك عن الصلاة هل فيه مساجد لاهل السنة ) وصلاة الجمعة .. واذا تحولني مثلا لاحد الاخوان اللي عنده خبره وتعطيني عنوانه اكون مدين لك .... ومشكور

هلا بالغالي أموت بالسفر،،،
وأيضاً يقولون اللي ما شاف شيراز ما طب أيران كل مكان يتمتع بطبيعة خلابة
في شيراز الخضرة والماء والوجه الحسن

والمساجد بتلقاها في كل مكان
عنوان معين أنا ما عندي،،،
أنا لي رفيق في الأهواز وحالياً هو عند أهله في الخليج ،،،
بس أكرر وأقول مر على جزيرة كيش،،،

اخوي وصديقي الغالي كبيان على طاري جزيرة كيش وين تقع بالتحديد وكم تبعد عن طهران وايش تتميز فيه وكم اجلس فيها من يوم ( وعلى طاري اصفهان وشيراز ) انا سويت حجز على اصفهان ( تقع بين طهران وبين شيراز ) لكن مابعد قصيت التذكره هل احولها الى شيراز او ابقا على اصفهان ؟
ولك مني احلى تحية وبوسه على الجبين يالغالي .... ( وبالنسبة للمساجد هل فيه مساجد لاهل السنة او لا ) واذا تعرف طهران ايش الاماكن البارزه اللي تنصحني بزيارتها وعن كيفيت التنقلات ...

هلا بك والله
كيش قريبة من دبي
تاخذ تذكرة من طهران لها ما تتعدى 100 دولار
وحقها يومين الى ثلاثة
خلك على أصفهان ومن هناك تقدر تطلع على شيراز وغيرها ويمكن تلاقي فيها أشياء ما ذكرت لنا
بس أنا أنصح أنك تخصص ديرة وحدة وتكون أكبر فكرة ممكنه عنها والباقي لاحق علية
عشان لو رجعت مرة ثانية يكون هناك تجدد على ذيرة ثانية،،،
طهران للأسف ما أجيها الا أنتظار بس أتوقع بتنبسط من أسواقها وانا ما أقعد بها أكثر من 4 ساعات
وكل مرة أشوف شي غير اللي شفته فيها من أول،،،
المساجد للسنه بتلاقيها كثير بس ما أقدر أعطيك أسم مسجد محدد بأصفهان،،،
وبتلقى الشيعة معك ودوديين بس أنتبه من لدغتهم،،،
التنقلات بطهران ممكن تاخذ أول ما توصل تكسي وتقول له أبيك يوم كامل وبعدها تتعرف على طبيعة البلد وتقرر،،،
بس أنتبه لا يغلبونك واذا غلبوك مو خسارة لأنها أول مرة وأنت بتتعلم فيها أشياء كثيرة

تسلم والله( ياخي انت رهيب والله يكثرمن امثالك يارب ) وان شاء الله اوافيكم بتقرير عن اللي زرته هناك ...

السلام عليكم
عفوا ولو كتبت الرد متاخر ولكن ممكن اساعدك في معلومات عن ايران

السلام عليكم ورحمة الله وبركاته تحية للقطة اللى شفتها صراحة كنك فى امريكا0000
صحيح من ناحية المعيشة00 اللغة وهل يتكلمون عربى او انجليزى 000 والامن كيف 000 الفنادق واسعارها 000
شيراز 000 واللى حول طهران 00 من الجبال والمناظر 00 والزعفران والفستق !! كيفه 00 تحياتى للجميع !

شيراز منطقة جبلية .. كلها جبال ..
أصفهان حلوه ..
وإيران حلوه ..
بس المشكلة أنهم مايحبون السني خير شر .. يعني لاتبين لهم انك سني .. وراح تحصل بعض الإيرانيين يقولون لك ( عربو سيام ) .. يعني عربي اسود هاهاها .. لاتشيل هم .. سهالات ..
حاول أنك تروح شمال إيران .. وتبريز .. لأن أحلى مافي إيران المناطق الشمالية منها .. والمناطق المطلة على بحر قزوين .. وأسأل عن مناطق الشمال غير تبريز وراح تدعيلي .. جبال وخضرة وشلالات وبراد . وكل ماتتمناه . وبعدين عن التعصب الديني الي موجود في طهران .. وما أنصحك تمكث في طهران وايد .. إلا أن شمال طهران أيضاً فيها مناطق حلوه .. ناسي اسمها ..
تحياتي لك