1. السلام عليكم أخواني وأخواتي أعضاء منتدى العرب المسافرون


2. الجزيرة هي بانكور ايس لاند &&& pangkorisland

السلام عليكم أخواني وأخواتي أعضاء منتدى العرب المسافرون

ذهبت الى ماليزيا الصيف الماضي 2006 جولاي وكان التخطيط لا للبحر والشواطئ والحوسه ولكن يوم افتركت روسنا من الأسواق وخاصة اننا كنا قادمين من بانكوك وأسواقها وزدناها في كوالالمبور لف ودوخة راس ... سألت نفسي معقوله ازور ماليزيا ولا أنام على همس صوت البحر وخاصة أن لانكاوي وبينانج لها الذكريات معي لان زيارتي هذي تعتبر الزياره الثالثه لماليزيا
قررت اني أروح الى بينانج أو لانكاوي فذهبت الى مكتب سياحة في بوكت بينتاج( شارع الرياض ) حالياً وصقعني بأسعار خياليه بأسعار الغرف في المدن اللي كنت بيوم من الايام سكنت فيها بأسعار زهيده جداً بس انتم عارفين كيف ماليزيا صارت هذي الأيام والتفاف الصينيين الانجاس على استغلال العرب ( انا اكرههم جداً :112: ) فقلت مستحيل ارجع للرياض بدون ما اشوف وأعيش ذاك المنظر اللي اذا جاء طاري ماليزيا تذكرته وهو ( فندق على شاطي مياهه زرقاء وأترابه ابيض وغيوم بالسماء يعني انتم خابرين) رجعت للفندق وانا مصاب بخيبة لكن لا لليأس وأجيب الخريطه وأفتحها وأكتشف جزيره قريبه من كوالالمبور وبسرعه طلعت اللاّب توب ودخلت عليها ولقيت فيها فندق يجنن راسلتهم واعطوني قبول حجز على غرفه اسمها باسفك فيو حجزت .... بس باقي وسيلة النقل سألت عن الباصات دلوني عليها رحت لهم ولقيت رحله وحجزت ..

الجزيرة هي بانكور ايس لاند &&& pangkorisland

data_travel/data/500/malaysia.JPGتقع جزيرة بانكور على بعد 350 كلم عن مدينة بانكور صغيره جداً قليل جداً الصينيين اغلبهم ماليزيين الحقيقه تذكرت لانكاوي قبل العشر سنوات تقريباً فعلاً جزيره عذراء لم يأتيها الهجوم من الأقطار الخليجيه الى يوم عرض هذا الموضوع بعد كذا انا غير مسئول عن كلامي انا رايح علشان الفندق اللي شاهدته بالانترنت بل وجدته وكأني وجدت كنز لانه لامس مخيلتي ..
كان التحرك من محطة الباص وتجدون موقعها في كوالالمبور في الرابط هذا
http://www.kbes.com.my/فقط ضع الماوس على مدينة كوالالمبور وتشوف المحطات الباص رايح يأخذك الى مدينه اسمها لاموت واضحه بالخريطه أعلاه على الطريق باللون الاحمر بعد ما تمر مدينه اسمها انبو
الرحله سوف تستغرق تقريباً ثلاث ساعات اذا ما صار فيه أمطار ويا كثرها بهاك البلد الجميل
بعد الوصول الى مينة لاموت وعلى بعد خطوات من محطة الباص تشاهد امامك الميناء الذي من خلاله تغادر الى جزيرة بانكور وهي الهدف وهذي صورة المحطة المغادرة الى الجزيرة

استقبلتنا فتاه ماليزيه قمه بالاخلاق بمكتب وسألتني أنت رايح لفندق بانكور ايس لاند بيتش قلت نعم قالت ممكن اسمك وعطيتها اسمي وعطتني ورقه للفندق وكلمت على الفندق وقالت لهم تراه جايكم طلعو له موتر صراحه انبسطت لا تعليق ... شوفوها جالسه على المكتب بالصوره
ركبنا على بوت كبير لونه اصفر

الرحله تستغرق تقريباً 15 الى 20 دقيقه تبي تلاحظ ان أغلب الناس هم ساكنيين الجزيرة وقليل من السياح الاجانب ولا وجود للعرب