السلام عليكم ورحمة الله وبركاته
حبيت اقص عليكم اللي حصل معي في باريس
كنت اتمشى في وسط باريس (مع المدام)
بس مش متذكر المكان بالضبط
قابلني واحد ويوم قرب مني نزل واخذ خاتم من الارض
وقالي لكم هذا الخاتم (الخاتم كان ذهبي ولا له فص . كانه دبله)
قلت له لا لا
وانا ماشي ماوقفت له
ثاني يوم كنت اتمشى في مكان ثاني (تقريبا كنت متجه للشانزليزيه)
شفت شخص ثاني مقابلني
يوم قرب مني نزل واخذ خاتم من الارض وقالي الخاتم لك
انا شفته وانا ماشي ماوقفت وقلت له لا لا
الغريب انه نفس الخاتم اللي امس
بس الرجال مش نفسه
شخص ثاني بس نفس الخاتم
حتى المدام قالت شفت نفس الخاتم
والشي الثاني الغريب ان المدام تقول انها شافته لونه فضي ومتاكده
وانا متاكد اني شفته ولونه ذهبي
ماادري وش ذا الحركه هل هي سحر
واني اذا لمست الخاتم بتصير غشاوه على عيوني وبيقدر يسرقني
المهم
انتبهوا لاتوقفون لااحد
والقصه الثانيه
واحد مغربي جاء يسلم علي
مديت يدي وسحبتها بدون ماالمسه
قالي بلاش تتكبر انت مسلم وتتكبر
قلت اتكبر والا ماتكبر اتكل على الله
وراح وتركني
اكرر
لاتوقفون لااحد ولاتسلمون على احد
القصه الثالثه
وحده تقول لي تبرع للمعاقين
قلت لها ماابغى اتبرع
قالت لي تبرع باي شي
قلت لها لا
قالت لي اكتب اسمك طيب ووقع
كتبت اي اسم
ووقعت
قالت طيب اكتب المبلغ اللي بتتبرع فيه
قلت لها مش متبرع
قالت لي غبي وانحاشت
يعني اذا فيه احد يبغى تبرعات يقول غبي للمتبرعين
اسف على الاطالة