بالنسبه للمزانيه 5 الاف ريال شامله اكل وسكن وشرب وموصلات ممتازه جداً
وبالنسبه للجدول ممتاز برضوه بس اذا منتم حقين اسواق خلو العوده يوم واحد
وبالنسبه للمطار خل معاك 50 $ لك ولخويك
وعب الكرت وخل معاك صوره من تذاكر العوده , واذا وصلت الجوازات عطه اوراقك وخلك رسمي معاه لا تضحك سلام وبس
واذا شفته طول طنش
الشي الثاني طال عمرك بالنسبه للعمله لا تصرفها كلاها دولارات خلي الدولارات فقط لجزيرة بالي اما جاكرتا وبونشاك الافضل الريال
اما بالنسبه للموصلات متواجده هناك بكثره

أنتبه لازم تروح الخطوط تأخذ التذكرة الورقية ما تنفع التذكرة الإلكترونية اللي على الجوال
والله كان معنا خوينا وأخذوا منه مبلغ مو بسيط بس نسيته كم
ع العموم إطبع التذكرة أحسن لك
وأتوقع الميزانية مناسبة جدا ومن وجهة نظري ما يحتاج تجلس في جاكرتا يوم اول ما توصل روح الجبل على طول والرجعة بعد إذا ما تبي أسواق في جاكرتا لا تجلس إلا يوم واحد أشوفه كفاية لأنها زحمة جاكرتا

طيب الحين الفيزة لازم من السفارة ولا من المطار
وشاكر تفاعلكم

من المطار أفضل وأسهل وأرخص 25 دولار لمدة شهر واحد ..
ومثل ما قال لك التذاكر تطبعها وتكون معك لأنه يطلبها منك لمعرفة تاريخ العودة ..

ماقصرو الغوالي موجودين في كل لحظه
بالنسبه لسفرتك الافضل اذا كنت جاي بوقت مبكر اطلع على بونشاك على طول
واستمتع بالاجواء الي راح ترسخ بالذاكره على طول
قسم ايامك 4 بونشاك 4 بالي والباقي جاكرتا استعداد للعوده
كرت دخول اذا لغتك مو تمام مر على موضوع تحصله لختنا ام عزيز ماقصرت ترجمه وشرح
عشان يكون عندك بدون سوال احد تخلص على البارد المستريح
بنتظار تقرير رحلتك لا تنسانا

! تعبك راحه !
الرحلة إن شاء الله بتكون في بداية سبتمبر كيف بتكون الأجواء والملابس اللي تنصحون فيها

بسم الله الرحمن الرحيم
ياشباب انا خوي الرجال وبنسافر مع بعض .. وتكفون لا تبخلون علينا بالمعلومات الطيبه ..
عموما هذا جدولنا المؤقت نبيكم تساعدونا فيه واذا في اضافات بعد من عندكم
الاقلاع يوم 2 سبتمبر والوصول يوم 3 سبتمر الساعه 2 الظهر
بنجلس في جاكرتا نريح من تعب الطيران
والسكن بيكون في فندق شيبوترا وفي سوق قريب منه نقضي يومنا فيه ..
حلو الكلام .. ولا نوصل جاكرتا وندز على بونشاك ..؟؟

• -

يوم 4 سبتمبر .. :
التوجه إلى بونشاك .. والحقيقه مابعد اخترنا فله نسكن فيها .. تنصحون نحجز من النت ولا اذا وصلنا هناك ..؟؟؟
وانتو وش رايكم وش احسن الفلل وسعر مناسب وحنا 2 شباب فقط ..
وللمعلومية بنجلس فيها 4 ايام .. هل هي كفايه ولا كثير ؟

• -

يوم 7 سبتمبر
التوجه إلى جزيرة بالي وبنقضي فيها 4 ايام ..
وحاط عيني على فلل دريم لاند .. شرايكم فيها وهل فيه غيرها .. ياليت تكون فخمه ونظيفه اهم شي ..,..؟؟

• -

باقي لنا خمس ايام .. يعني العوده يوم 15 سبتمبر الساعه 6
وين نقضيها ..؟؟
بارك الله فيكم لا تنسوني

مرحبا بخوى خوينا
بعد طرح تواريخ السفر وحذف يومى الذهاب والعوده تكون الايام الفعليه 12 يوم
والتقسيم لها كالتالى
يوم 3 جاكرتا
4 و 5 و 6 الجبل ويوم 7 التوجه لبالى صباحا
يوم 8 و 9 و 10 و11 و 12 بالى
والتوجه يوم 13 الى جاكرتا وقضاء يوم 14
ويوم 15 العوده للوطن
وبما ان الرحله شبابيه انا لا افضل خيار السكن فى فيلا وافضل المنتجعات
ومنها فندق استون بالى فى نوسادوا وفندق قراند ميراج وهم فى حدود ال 550 ريال
او فندق كلب ميراج فى نفس المنطقه وسعره 300 ريال ( 4 نجوم )
او الجمع بين السكن فى نوسادوا واحد فنادق كوتا ان اردتم ان تكونوا فى وسط منطقه مزدحمه

الله يسعد قلبك يا حبو مافي زيو
طيب الحين ممكن تقول لي وش الفرق بين الفيلا والمجمع ؟؟