مرحبا بالجميع
بالأمس وصلت إلى اندونيسيا معشوقة الكثير وذلك لاستقدام عاملة منزلية ونزلت في فندق Lumire الآتريوم سابقاً بحكم معرفتي بالفندق سابقاً
بصراحة الفندق نظيف والخدمة مازالت جيدة وموقعة ممتاز لكن ما يعيب الفندق اللوبي تحس جلساته محصوره ويكاد يكون خالي من الناس
وفي المساء قلت ليش ما أغير الفندق قمت مسكت اللاب توب وبحثت في النت واتذكر فندق كنت دايماَ أعدي من عنده وشكله فخم قلت يا ولد ما يبغالها خليني أحجز فيه هو فندق Golden Boutique Hotel جولدن
المهم حجزت فيه والصباح سويت شيك اوت من اللومير وعليه وعلى Golden Boutique Hotel المهم وصلت قلت ايش الفخامة هذي اللوبي ما شاء الله تبارك الله عامر بالناس ويفتح النفس المهم أخذت غرفة ديلوكس لشخص واحد
انصدمت لما فتح المصعد على الدور 15 اللي غرفتي فيه الممر معفن الأرضية والجدران انسدت نفسي بصراحة
دخلت الغرفة والا نفس الشي الأرضية معفنة والحوائط كذلك قلت أكيد غلطانين في الرسيبشن أعطوني غرفة عاديه والله من زعلي رجعت لهم قلت لهم أبغى أغير الغرفة أنا طالبها ديلوكس وهذي معفنة قالت لي هذا الديلوكس لو حابب تشوف العادية ممكن قلت أشوفها وأدخل الممرات أسوأ من اللي فوق والغرفة قمة العفانة بصراحة الناس هذي كيف ساكنة فيها ما أدري
والله وأرجع على غرفتي الديلوكس قلت يالله نكمل لحد بكرة ونطلع وتوبة ما أحجز فيه مرة ثانية لا والسفتي بوكس خربان ويجي السيرفس رومز وهاتك هندسة في السفتي بوكس قلت لا والله زانت العلوم ويكملها النت ما يشتغل في الغرف يقولك الشبكة ضعيفة هناك يالله تنزل اللوبي وهذا أنا أكتب لكم وأنا في اللوبي المهم أحس اني طولت عليكم
باختصار الفندق سيء بكل المقاييس
وأحلى ما فيه اللوبي والشكل الخارجي للفندق
ملاحظة / هذا رأي الشخصي قد لا يعجب بعض نزلاء الفندق أو مرتاديه فأعتذر لهم