1. رغم ان المسجد صغير لكنه يفتقد للفرش والمصاحف..!!

في رحلتي قبل الاخيره كانت هذي الاحداث..
الساعه 9 الصبح الحين وعلى فكره انا لا سافرت للورده اصحي الديك.. يعني من بدري اصحى وانا مع
خويي النويم وهذا عيبه وانا ماتحمل اقعد من غير لا اطلع وهو لاسمع اني بطلع واخليه يفز اجباري وعذره انه ما
يعرف انجليزي يخاف يتوحدون فيه.. وبعد ماقعد قررت انا وصاحبي في الرحله الذهاب للفطور والتمشيه في شوارع
الورده لكن ما صارت تمشيه ماراثون ياعشاقها لفينه مانيلا لين هلكنا وبالاخير رحنا لحدى هالمجمعات والساعه
صارت بحدود الاربع او الخمس تقريبا فالتعب اخذ مننا والرطوبه ماقصرت فينا ورتوينا عطش بهاللفه الصباحيه..
فلم نجد حل غير شرب العصير في هذا المحل واردناه بارد ومنعش مثل مايقولون في الدعايات
لكن مع التفكير انا اقول اناناس وخويي مانجا.. شد صاحبي هالابوستر
ولا الاعلان استهوى الخوي ولقى مكتوب انه هالعصير به خمس فوائد.. خمس فوائد هالخضر ليكون غرين كارد رحلة سفر لامريكا ومايطلع عصير بالتالي
وانا بعد انضميت لخويي واستهواني هالعصير لانو اخضر وانا احب اي شي خضر من عذرنا اكتفينا صحراء
ومع نشوة الخوي وتذكيري بانه هو صاحب الفضل في اختياره لهالامكان ولهالعصير بالتحديد..
ولا ابحر ماني مصدق عصير..!!!
واخذت اهذري بهالبيت عسى بعد الضمى تمطر وينبت بالامل عشبي.. :36_3_2:
يافلان بحر عصيرك..!! فلان :suprise: ايه عصيرك عجل هالحشيش حاطينه لتيسهم ايه هذا :36_1_27:خووش نقوه
فلان ام انا اليوم اكتفيت فوائد ماكل حبة فيتامينات الصبح خلاص بالعافيه يا رحال :36_9_4:
تعال وين المستر انتهى حش اقصد خلاص سوى العصير مافي مفر شاربه شاربه يا يطلع روعه ولا نطلع مناصير لحقوق الحيوان :36_1_5:
عصير حشيش ياخوان بس :36_3_4:
بس من بعده اصبحنا رياضيين ونعرف الثيل الزين من الشين من نذوقه :36_7_8:
ورحنا لمحل ثاني واخذنا عصير مانجا لكسب فوائد اكثر

وجلسنا باحد الاماكن قريب من SM mall على ماننهي المانجا.. ولا بشخص فلبيني ملتحي مقدم علينا ومن زوله انه شخص مسلم ..
الفلبيني : السلام عليكم..
رحال وخويه : وعليكم السلام ياهلا والله ماشاءالله تعرف عربي
الفلبيني: الحمدلله انا خريج جامعة ام القرى
رحال: ماشاءالله انت من مانيلا
الفلبيني: لا من منداناو اتيت هنا لاشتري مصاحف انا اعمل مدرس للطلبه في منداناو واحفظهم القرآن والطلبه هناك
يحتاجون الى مصاحف ليتعلموا كما تعلمت انا.. فالطلبه ليس لديهم مصاحف وانا احتاج بعض المصاحف فكيف
يتعلمون ويحفظون القرآن وهم ليس لديهم مصاحف..؟؟!!!!
رحال: لماذا لم تشتري من منداناو ولما قطعت كل هذي المسافه هل لاتوجد مطابع او مكتبات هناك..؟؟
الفلبيني: لا.. لا توجد
رحال: في الجنوب ولايجد مصاحف ربما اتى لاخذ المساعده من هنا لشراء المصاحف.. وربما وهذي طامه كبرى لو صدقت ربما الثانيه انه لاتوجد اماكن لشراء المصاحف في الجنوب
الفلبيني: انا فرح لانني رايتكم بالصدفه
وطلبنا منه اذا عنده صور عن المدرسة التي يعمل بها للاطلاع وللتأكد من صدق كلامه واخرج من شنطته الصغيره
مجموعة من الصور له هناك ومع الطلبه وكان المكان متهالك ويخجل كل مسلم قادر على الدفع ولايساعد اخوانه الذين
سيكونون سبب بعد رحمة الله في دخوله الجنه بحفظهم لكتاب الله وتعلم سنة المصطفى عليه الصلاة والسلام..
وبعد فتره من رحلتنا هذي اقترحنا انا وصاحبي لماذا لاناخذ مجموعه من المصاحف في كل مره نذهب بها الى الفلبين ونقوم بايهدائهم اياها ولن تكلفنا شي وبذلك كسبنا السفره وفرحناهم يعني صارت رحلتنا 2 في 1 :36_1_11:
واحببنا ان تشاركون في فرحت احبائنا ابناء الورده المسلمين لذلك انا ساقوم بذكر بعض المساجد لم اراد ان تكون رحلته 2 في 1 واتمنى من الاخوان ذكر المساجد ومساعدتنا
وتصحيح اي معلومه لنا ونكون لكم من الشاكرين.. واللي مايجد مسجد اذا راى اي مسلم فلبيني يسلمه اياه وهو يقوم
بتوصيلها لطلبة العلم ان شاءالله او يقوم بتوصيله للاقرب مسجد.. و خمسة مصاحف في كل سفره سأحاول ان اضعها في كل روحه للورده باذن الله
وهذي بعض المساجد.. المسجد الذهبي في كيابو والمسجد العربي في ارميتا ومسجد باغيو ومسجد القدس في زمبوانغا
المسجد الذهبي golden mosgue
وبني المسجد الذهبي سنة 1976 تحت اشراف السيده الاولى في البلاد ان ذاك وهي الرئيسه
واحدهم يقوم بالرسم على الحائط للتزيين

مسجد باغيو mosgue baguio

مسجد القدس في زامبوانغا

رغم ان المسجد صغير لكنه يفتقد للفرش والمصاحف..!!

على فكره المسجد الذهبي انبنى لان الرئيس الليبي معمر القذافي قال انه سيزور للفلبين والغى الزياره لكن المسلمين هناك استفادوا من نية هالزياره هذي .. وياليت رؤسائنا ينوون زيارات مثل هذي كان تعمرت بيوت الله..
وللحديث بقية.. :36_1_39: