أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
دبلومات - قريب فندق تاج محل تقييمه ثلاث نجوم - فندق زين وانا جربته بس انصحك اذا بتسكن خذ الغرف اللي فالطابق الثاني القسم اليديد اللي غرفه اطل على دكان محي الدين يعتبر قريب السوق وقريب من اجمل الصغير يدوب خطوتين وتوصل ويعتبر قريب ماكدونالدز . فندق ريجنت: فندق تقييمه ثلاث نجوم ومرتب واثاثه يديد وكله اماراتيين قريب فندق التاج حذال دكان محي الدين- ماسكنت فيه لانه فترة الصيف يصير عله ضغط فضيع من الاماراتيين يعني الحجز عنده بالواسطه ههه يعتبر قريب من السوق وماكدونلدز واجمل الصغير. فندق اسكوت: تقييمه اربع نجوم نظيف ومرتب ماسكنت فيه بس كل العرب يمدحونه لانه مجدد- قريب الاسواق واجمل الصغير بس ابعد عن الفنادق اللي ذكرتهم فوق فندق فرياس: تقييمه اربع نجوم بعيد شوي عن بوابة الهند قريب محل اجمل الكبير ومحل بن حر وعطار داوود ومطعم ايديال وكافتيريا جبل النور سكنت فيه حلو ونظيف بس غالي بالنسبه للفنادق الثانيه الريوق عندهم مجاني وبوفيه بس عيوبه ممراته ضيقه والغرف ضيقه والغرف مظلمه فندق الخليج: فندق مشي حالك بس يعتبر عند بعض العرب ان زين قريب من فرياس وقريب من محل اجمل الكبير فندق استراند: فندق مش حالك بالمره،، موقعه عجيب مجابل البحر بس الغرف اعتبرهم غرف موتيل مو هوتيل فندق سوبا: فندق اصحابه مسلمين ماجربته تقييمه ثلاث نجوم يقولون عنه نظيف وجريب وايد من اجمل الصغير فندق ابولو: فندق ماعرف كم تقييمه بس مثل مستوى سوبا وقريب من اجمل الصغير نصيحه مني يا اخويه احسن الفنادق ريجنت واسكود معني ما جربتهم لكن ان شاءالله الشهر الياي رايحيين وراح ننزل في ريجنت لانه مكانه استراتيجي حذال دكان محي الدين اذا بغيت تصرف تتصل فيه واييبلك البيزات لين الغرفه واذا بغيت ماجله ولا اي شي بتلقاهن عنده ومجابل الفندق بتلقى يونيون ويسترن يعني ماببتلعوز اذا حد طرشلك بيزات وموظفين الفندق كلهم يرمسون عربي وموفق ان شاءالله
مرحبا الساع
اخواني مشكورين ع الرد
بس تنصحوني كيف احجز الفنادق عن طريق مكتب سفريا ت او بالنت او عن طريق ناس من هناك لاني سفرتي قربت ومتلعوز والسموحه ومن العاده كم اسعارهم هالايام
الله يشفيك و يعافيك ..