lio45
16-04-2022 - 11:47 am
مساكم الله بالخير اخواني واخواتي
انا بحول اللي ماتنام عينه مخطط اني اروح اندونيسيا من يوم اربعاء إلى الجمعه اللي عقب
يعني 9 ايام شامله وقت الطيران من الدمام لأندونيسيا
الموعد المقترح هو 27 ابريل ولا مانع من تأجيلها اسبوع إلى 4 مايو في حاله ان الخيارات المتاحه للطيران افضل
استفساراتي كالتالي:
1- انا كنت ابي اجلس كامل الفتره في بالي بس مجموعه من الشباب نصحوني اني راح امل ونصحوني بأني اروح الجبل 3 ايام و4 ايام بالي وترك يوم قبل وبعد للطيران.. أيش رايكم ياخبراء؟ وفي كلا الحالتين هل ممكن تخدموني بالطيران والاسعار سواء كان التوجه لجاكرتا او لبالي... علماً بأن مدينه الانطلاق الدمام.
2- احتاج معلومات عن السكن المناسب في كل من بالي و الجبل ( هذا في حاله انكم ترون ان الذهاب للجبل امر مفضّل)
ما احتاجه بالسكن هو الفخامه والاسترخاء والخدمات واعتدال السعر ولكن السعر ليس من الاولويات. كذلك احتاج معلومات عن طريقه الحجز المفضله.
3- برنامج في حاله قضاء كامل الوقت ( سبع ايام) في بالي او تقسيمها بين الجبل وبالي.
اعرف انه طلبي شغلانه وطويل وعريض ولكن ما ابي اتعبكم اي معلومه ممكن تفيدني ياليت ترفقونها
شكراً للجميع سواء اللي شارك برد او اللي قرى الاستفسار وخرج
آسف على الإطاله
اخوكم،،
انا افضل جاكرتا والجبل وباندونق
مجرد رأي