في الحقيقه ياخوان حصل موقف غريب وحبيت اعطيكم خبر كن في مجمع مترو ستي ونزلنا تحت للمطاعم ناكل وجبه الغداء وبينما حنا قاعدين جت وحده هنديه مع زوجها وكلمه زوجي وسالته بالانجليزي عن مطعم هندي وقال ماعرف قالت من وين انتم قلن من السعوديه قال معاك عمله علشان ودي اوري زوجتي قال زوجي طلعي له ريال قلت مامعي قال خمس وفتحت البوك وطلعت الخمسه وعطاه زوجي وقال خلها لك وبعد قعد يسال كم تعادل بالدولار وكم ليره ومن هذا الاسئله والزوجه تدور علينا وتظحك وتقول اسفه ازعجانكم وانتم تتغدون بعد قال كم اكبر عمله عندكم قال زوجي 500 قال ممكن اشوفه سالني زوجي بالعربي وقال لاتطلعين شي وجاوبت وقلت نو قام وقال الا انا شفتها طلع الرجال قاط عينه معانا واصر الى افتح البوك وطلعت ال500 ريال واخذته منه ودخلت على طول البوك بعدين سال زوجي عن الفنادق بجده لانه بيروح وين يسكن قال ه زوجي لانزلت المطار هم يفيدونك والصرف اصرف من هناك وطلب من زوجي يصرف يعطيه 50 ريالوالهندي يعطيه بدلها دولار قال زوجي مادري انت اصرف من المطار احسن بعدين قال شكرا وراح(لحد الحين القصه عاديه)
بنفس اليوم وحنا راجعين بالمتروقررنا اننا نزلنا في منطقه عثمان بيه ونزلنا انا دخلت محل وقعد زوجي بر المحل مع العيال والعربيه لاني انا والبنات رقينا للدور الثالث جاء واحد هندي وزوجته غير الي جو في المجمع ونفس السالفه حنا بنروح العمره وودي اوري زوجتي العمله وطلع من بوكه دولارات كتثير يقول زوجي حوالي 30 –100 دولار وابي عملهاصرف لي قال زوجي انا ماعندي الا ليره ويقول زوجي دخلت الهنديه داخل المحل تدورني بس ماقلتني لاني كنت بالدور الثالث (وهنا شكين بالموضوعيبون يبدلون الولارات الي معهم باي شي انا اقول ممكن مزورات اذا جاءكم احد لاتعطونه وجه وقول من أي بلد ثاني)