مراحب ...
يا ليت لو توضحين لنا , كم المدة بالطائرة من بريستول الى باريس ؟
اذا كانت المدة قليلة , ولا عندكم عفش واجد , المترو هو الاسهل والارخص ...
اما اذا حسيتم بالتعب من الرحلة , ومعكم شناط كبيرة , الافضل هو التاكسي ...
المطاعم والكافهيات الجيده , على الشانز , وفي الحي اللاتيني ...
الباص المكشوف جدا رائع , ويمر بأغلب الاماكن السياحية في باريس ...
طبعا نهر السين شئ ضرورري تمرون عليه , وبرج ايفيل ما يتفوت اذا صعدتم في الاعلى , وعندك ايضا قوس النصر بالامكان الصعود الى اعلى ...
منطقة الاوبرا , والحي اللاتيني -- كما ذكرت سابقا --
اذا حبيتم تروحون لديزني لاند ,
او نوصف لكم بعض الحدائق العامة , , ,
بالتوفيق

باريس وبس
يعطيك الف عافية باريس وبس
مدة الرحلة تقريبا ساعتين وربع نفس مدة القطار
وعفشنا مره قليل شنطة ظهر وشنطه صغيره سحب
ابي وصف دقيق لذهاب لمترو من المطار الى شارع الشانز
وياليت لو ترتبو لي برنامج لي يومي
يعني في اليوم الاول روحو كذا وكذا وكذا>>>>> طرارة واتشرط
والباص المكشوف من وين نشتري تذاكرة ونهر السين هل فيه اكثر من نوع لمركب الي نركبه اذا فيه ايش افضل واحد وايش افضل وقت انا اقول بعد المغرب شرايكم
الهدف من الرحلة برج ايفل و دزني و اسواق مميزة ما القاها الا بباريس مثل عطور واشيا تذكاريه من ملابس وتحف فيها صورة برج ايفل
لاتقلون ماركات
مليت منها بلندن ولا راح اشتري منها الا بالكرسمس مابقى شي عليه
وايش اسماء المطاعم المميزة مابي فشخرة على الفاضي
ومطاعم حليوه رخيصة يعني
واهم شي كيف الجو بيكون حنا متجمدين ببريطانيا
ودزني عدي نروح لها يوم جمعه ولا بالويك اند احلا اهم شي العروضات الي يسونها اخاف بس بالويك اند بس
اسفة على هذرتي
بس بليز هلب مي

1. الكثير من الاخوان يقول وش لك وش للتعب وجرجرة الشناط ؟؟

أبو ريان
الكثير من الاخوان والاخوات يسأل عن الذهاب من المطار الى وسط باريس عبر القطار والمترو بدلاً من التكسي
الحقيقة وصلت باريس يوم الجمعة 21مايو بتمام الساعه 10 صباحاً
وقلت في بنفسي باقي 4 ساعات على التشيك ان
وش الفايدة من الذهاب بسرعة الى الفندق بالتاكسي , وراعين التكاسي يقولون 60 يورو و 50 يورو !!!
وسبق قريت موضوع بالمنتدى عن طريقة الذهاب بالقطار والمترو الى وسط باريس
ولكن بصراحة كان غير واضح فسجلت الخطوات وقلت أفيد فيها واستفيد ,,,
لذلك راح أنزل الطريقة عسى أنها ينتفع فيها أحد

الكثير من الاخوان يقول وش لك وش للتعب وجرجرة الشناط ؟؟

اقول التوفير مو عيب , مادام معك وقت اعتبره ضايع حتى يحين موعد التشيك ان
لذلك , اذا كنتوا اربع اشخاص او اكثر فأخذ التاكسي شي بديهي اما اذا كنتوا أقل فالمترو والقطار اوفر , وبصراحة أسهل منه ما فيه , ولكن راح توصل الشانز خلال 30دقيقة حتى تكون بالصورة , لأن القطار ياخذ حوالي 20 دقيقة وبعد كذا تركب المترو عادي ,,
لذلك كل شخص يقيسها حسب ظروفه ووقته وجهده ,,,,
بسم الله :
اذا نزلت المطار بالسلامة أنظر اللوحات الارشادية وما أكثرها ,وابحث عن rer b
وهو قطار يقع في الدور الأعلى من مكان خروجك بعد أخذ الشناط
راح تصعد له عبر المصعد ثم تمشي مع جسر وسلم كهربائي لتصل الى قطار rer
القطار صغير جداً والركوب فيه مجاني ,
تركب القطار الصغير وتنزل في ثالث محطة , لا تقلق الكثير من المسافرين راح يركبون وينزلون معك
ثم تنزل في المحطة الثالثة وتصعد عبر سلم كهربائي لتجد نفسك داخل محطة مترو وباصات وقطار مجتمعة ,
اول ما تدخلها راح يكون قدامك مكاين لقطع التذاكر , صف مع الناس واقطع تذكرة لك سواء بالفيزا او نقداً
واختر الذهاب الى باريس بسعر 8.5 يورو للشخص الواحد
بعد ما تطلع لك التذاكر راح تجد بجانبها سلم كهربائي تنزل منه الى اسفل
لتجد امامك قطارين يحمل كل منهما رقمي 22, 24
أركب القطار رقم 22
وعليك ان تنزل في محطة شاتلي ليهال chatelet-les halles وهي نقطة ألتقاء بين القطار ومحطات المترو راح تنزل بالمحطة وتقص تذاكر مترو بسعر 1.5 يورو للشخص الواحد
بعد كذا تاخذ المترو الاصفر المتجى الى لاديفانس وتنزل في محطة champs-elysees -clemenceau
وبالتالي وصلت لوسط باريس في الشانز بسعر 9.5 يورو ونص للشخص الواحد بدلاً من التاكسي بسعر 50 يورو ,,
اتمنى انه تفيد اي شخص ان شاء الله ,,,,
شكلي هونت بروح بالتاكس حنا اربع اشخاص يعني المترو بيطلع علينا حول 40 باوند التاكسي اريح واعجل والفرق 10 يويرو بس ماتستاهل من يتمرمط بالميترو

ههه
ياملحي اسأل واجاوب لنفسي

من المطار خذي RER B ولانزلتي محطة شاتليت خذي المترو رقم 1 الاصفر وانزلي في المحطه الاقرب للفندق
طبعا الشانزليزيه فيه 3 محطات الاولى جنب قوس النصر والثانيه بالنص اسمها جورج في والثالثه فرانكلين روزفلت
بس لو معك اطفال يمكن التاكسي اريح
اليوم الاول : الراحه والعشا في الشانزليزيه
الثاني : ايفل وجوله في النهر + هضبة مونمارت حلوه وقت الغروب
الثالث : ديزني ماانصح تروحين بالويكند انواع الزحمه وترا العروض يوميه ادخلي موقعهم تأكدي احسن
الرابع : الحي اللاتيني + التسوق
الخامس : اللادفانس والسفر
المطاعم الحلوه كثير سجلي عندك
1- بيتزا بينو على الشانز
2- ديب صيني diep عندهم شرمب بول مجنونه بعد هاجن داز الشانز في شارع فرعي اسمه بيرر شارون
3- زيتي ايطالي ziti مقابل ديب بنفس الشارع
4- اذا تحبون ستيك فيه مطعم انتركوت
5- مطعم ايراني جولستان جنب محل نايك اللي بالشانز
6- احلى مطعم عربي انصحك فيه مطعم نوره وفروعهم كثيره
7- مطاعم الحي اللاتيني حلوه وخصوصا الشاورما
المقاهي اكثر شئ في باريس في كل ركن مقهى بس لازم تمرين
مقهى الفوكيت - لادوريه او لادوغيه يجنن الماكرون جربيه
الاسواق
احلى شئ التسوق في باريس بقولك الاحسن بما انك ماتبين ماركات
القاليري لافييت فيه كل شئ تقريبا والمنطقه اللي حوله في شارع هوسمان
واذا تحبين الاوت لت فيه واحد حليو قبل محطة ديزني وجنبه مول
فيه افنيو مونتين وشارع ريفولي وسان انوغيه بس اغلبهم ماركات وبوتيكات
فيه مجمعات مثل الفصول الاربعه بلادفانس بس احسه عادي جدا
تروحون وترجعون بالسلامه ياارب واي استفسار حاضرين

بارك الله فيك يا روز ماري , , ,
تعديل بسيط ... محطة " جورج الخامس " او بالفرنسي (( جوروج سانك ))
تكتب هكذا (( george v ))

والله ما االومك بالماركات والكريسميس قرب وشكل لندن هااسبوع تبدأ بالزينه للشوارع
لا تتوقعين ان اسواق باريس احلي من الاكسفور ستريت ولا ويست فيلد
الخميس يا اليت اي وقت واصلين المهم الباص الاحمر التكت ب 24 يوور ولمده يومين مستمره معاك وتاخذينه امتداد شارع لشانز باتجاه قوس النصر علي اليمين آخر تشوفين موقف لهم تركبين وتدفعين لا خلصتو افضل زياره برج ايفل والقارب
الجمعه ديزني لاند واذا طلعتوا بدري مروا علي الاوت لوت
السبت جاليري لافيت والفصول الاربعه برج مونمبارس فيه مطعم ومطل حلو
الاحد الحي اللاتيني ساحه التراكادور الهضبه مونمارت
الاثنين تمشيه بالشانز امتداد المسله والكونكورد والشانز
ترا الباص يمرركم علي اللوفر وتقدرون تنزلون بالساحه حقت تحت بدون تكت ولا هو بحد ذاته 5 ساعات يا دوب تشوفه
الجو بارد حاليا

يعطيكم الف عافيه ماقصرتو والله من جد وفرتوا علي حوسة الفرفره بالنت الف شكر
اليوم الاقلاع والله يسهلها علينا

موناليز1
توصولون بالسلامه
ولا تنسانا هنا
https://artravelers.com/p/re/434297