انصحك بأن تحجز تذكره من الان لانه ماراح تلقا تذاكر في ايطاليا ... لانه هذا الديربي
جم الاسعار اللي حصلتها ؟

الأوربي شكرا على ردك ...
بصراحة انا حصلتها على الانتر نت بحوالي 400 يورو ...:112: كثير مرة ...
صحيح انه ديربي علشان كذا انا مابي اسافر الا وانا قد شريت التذكرة وخلصت ...
فياليت اي عضو يقدر يفيدني كيف اشتريها يعطيني فكرة
خصوصا اني سمعت ان فيه فنادق معينة لما تحجز عندهم تقدر تطلب منهم يشترون لك التذكر ة ..

اخوي هي كانت في موقع نادي الانتر بحوالي 300 يورو غالية مرة ..
لكن الحين ما قدرت احصلها في اي موقع ...
انا سمعت ان فيه فنادق يشترون لك التذكرة لو حبيت .... ويضيفون قيمة التذكرة على فاتورة الروم ..
ياليت اللي عنده فكرة يبلغنا ..

ماعندي فكره اطلاقا بخصوص الفنادق
لكن شوف موقع السان سيرو
http://www.sansero.com
وشووف موقع الميلان
http://www.acmailn.com

هلا والله بالاخوان واخص صاحب الشأن ( مزاجي )
والله اني امس بس جالس ابحث في النت عن اسعار التذاكر وشفت اسعار مختلفة بس الظاهر انها كلها في هالحدود من 200 - 900 يورو , وانصحك انك تبحث في غوغل وتكتب Champions Leag Tickets وراح يطلع عندك عشرات المواقع اللي تبيع تذاكر جميع الدوريات الاوروبية والعالمية واكيد اكيد راح تحصل اسعار رخيصة نوعا ما , وآسف يا اخوي مزاجي لأني ما افدتك كثير .

اخوي برشلوني العنيد شكرا جزيلا لك
بالعكس افدتني كثير وكثر الله من امثالك ...
والشكر موصول للأخ الاوربي ايضا ... ولو ان المواقع اللي حاطها كلها غلط
بس يكفي انه رد علي ...
تحياتي واشواقي الدافئة جدا ..

الاخ مزاجي المواقع مو غلط ":>لكن يمكن انا كاتبهم غلط ؟

----------------
موقع من كيس من محل الملابس اللي بالسان سيرو من خلال سفرتي اللي بلصيف الماضي
http:// موقع ملعب السان سيرو (الرسمي)... اكيد فيه حجز تذاكر لانه هذا موقع الملعب
http://www.sansiro.net موقع عن اسي ميلان
http://www.milanmania.com/ موقع نادي اسي ميلان الرسمي
http://www.acmilan.com موقع ميلاني اجنبي
http://www.acmilan-online.com كذلك موقع ميلاني اجنبي
http://www.acmilan.net موقع ميلاني اجنبي
http://www.acmilan.pl وبالاخير
منتدي ميلان العربي موقع متميز اذا استعصت عليك الامور فأطلب من الاداره معونتهم وذلك بمنتدي الاستفسارات والاقتراحات . واوعدهم بتقرير عن رحلتك ":> http://www.acmilanclub.com/vb اخي الكريم مزاجي اتمنا منك في حاله معرفه كيفيه الطريقه انك تدلنا عليها ممكن سبحان الله احد من الزملاء بالموقع او اخوك الاوربي ترا ميلاني متعصب درجه اولي عسا ان نستفيد من تجربتكم هذه اللتي تريدون الخوض بها
واسف علي المواقع الغلط اللي عطيتك
واالمواقع اللي ذكرتها تم التأكد منها جميعا
تحياتي ... الاوربي

اخوي الاوروبي ممكن خدمة لو تكرمت:-
بغيتك تقولي كيف تحط هذه الروابط والوصلات حقت المواقع والمواضيع اذا كنت منزل موضوع او رد مثل ما انت مسوي في الرد ( اذا كان شرحها بسيط وسهل وقصير, قول لنا , اما اذا طويل ويبغاله وقت وسالفته جايده فلا تعذب حالك ) ومشكور يالحبيب ان كان رديت والا لا ............. سلام