هلا والله اخوي
اول شي بريطانيا كل شي واضح فيها انت لاترتبك ودايم اسأل
يعني عندك من مطار هيثرو على الهيثرو اكسبرس الى محطة البادينجتون ومن ثم تنزل منها وتروح الى محطة الواترلوو ومنها تحجز الى بورمث ومدة الرحله ساعتين الى ساعتين ونص
طبعا المسافه ماهي قريبه ساعتين رايح وساعتين جاي اذا كنت تبي تروح كل ويك اند بتصير مكلفه عليك وراح تمل وايضا لندن في الشتاء تفرق عنها في الصيف
اي استفسار انا جاهز

نفس مااقال اخوي المختلف وشد حيلك والزم الصلاه والاذكار
والله يحفظك

الله يعطيكم العافية بس كلامكم مرة صعب روح مدي فين وتنزل على القطار مادري اش اسمه حتى !!
الله يستر بس برد وحالة وفي ناس قالولي ترى مدينة برونموث كلها شواذ صح الكلام ولا كيف ؟ وقالو انتبه من البارات ترى كلهم تعبانين
الواحد لازم ياخذ فرة على المناطق السياحية بس لحاله اشك !!!

السلام عليكم
اول شي اخوي الله ييسر امرك بأذن الله اذا انت خايف اطلب من المعهد يرسلك سواق راح يكلفك بحدود 95 باوند بتحصله قدامك معاه اسمك واسم المعهد وترى الوضع عادي والله وسهل بس بالبدايه رهبه شوي اذا وصلت هناك راح يزول كل شي وبالنسبه لمدينه بورنموث حلوه وسياحيه وترى ماراح تلاحط من الكلام الى تقوله شي من شواذ وخرابيط وبعدين راح تحصل معاك في المعهد شباب عرب راح يعلمونك كل شي وممكن تطلع لندن مع كم واحد اذا كونت صداقات في المعهد بس الله يعينك من البرد انا جلست في هذي المدينه 4 شهور وزرت 15 مدينه خلال جلوسي هناك وراح تنبسط هناك بأذن الله بس انت اصبر اخوي وتوكل الله وحافظ على صلاتك وربي راح يسهل امورك بأذن الواحد الاحد .

بريطانيا كثر امن من السعودية و الدول العربية ... لذا لا شئ يدعوا للخوف
والله اني اخاف في السعودية ولا اخاف في بريطانيا
توكل على الله

الله يعطيكم العافية وماقصرتو فيه احد رايح بريطانيا يوم 18- 10 لانه ودي احد يونسني شوي وتعرف لحالك برضو الخوف فيك والرهبة فيك والاكثر من هذا كله درجة الحرارة تحت التسعة يعني انا اشوفها موت . وعلى فكرة هل انا اذا ماناسبتني العائلة اقدر اغير في المعهد طبعا انا عن طريق مكتب بس مادري هل يرضى المعهد ولا يقولي لا العائلة ما فيه من بدري ولا يبحث ويعور راسه

انا متعتي لما اروح لندن بروحي

أنا زيك أول مارحت إلى بريطانيا - بورمث كنت خايف
بس شوف حبيبي ريح رأسك بالبداية وخل المعهد يرسل لك تاكسي خاص تحصله كاتب اسمك بعد ماتخلص من المطار
أو دور على مكتب اسمه ناشونال اكسبرس هذي شركة باصات (زي النقل الجماعي ) تودي لبومث ورحلاتهم على مدار الساعة ب 20 باوند
بالنسبة للأمن هم أكثر أمن مننا
وبالنسبة للويكند أنا ولا ويكند جلست فيه يعني هجوله ،، فيه شركات تحصلها تسوي رحلات في الويكند جدا حلوة وفيها مرشد سياحي
جدا استفدت أنا منها ،،بس بغير الصيف خلاص توقف الرحلات لان الجو يكون ممطر وبرد فايتوقف كل شئ
بس تأكد أنت
أنا رحت بالصيف شهرين مثلك وكانت سياحة ودراسة وجدا استفدت واستمتعت
وأي سؤال حنا حاضرين

بيض الله وجهيكم والله جدا ما قصرتو ا لولا الله ثم انتو قسم بالله اني ضايع حلو الحين عرفت ناشيونال اكسبريس تودي ب 20 باوند ( حسبي الله ونعم الوكيل المكتب يقلي ادفع 100 باوند تروح لبورنموث واي يوم زيادة تدفعه للعائلة ) و60 باوند بطاقة طالب غير بطاقة التخفيض يقول مدري بكم و100 باوند للبوليس مع اني جالس شهرين بس وعشرين باوند خلها صرفية يومية مدري هذا الكلام صحيح ولا خاطئ
ياليت نصيحة منكم كم الصرفية اليومية علماً باني ما خذ كورس مكثف وانا ودي انزل بالويك اند لندن باستمرار للسياحة والتمشية وهل اشيل معي ملابس مرة شتوية ولا عادية لانه قالي المكتب ترى برد قارس هناك وعلى فكرة هل الايبود ممنوع في الطيارة ولا لا ؟