نداء الروح
06-08-2022 - 02:08 pm
السلام عليكم
اخواني واخواتي .. انا
خلاص يئست من السفر
ويئست انو بسافر شهر عسل اصلن ..
فكرنا اول بموريشيوس وماقدرنا نسافر
مع ان الميزانية كانت تمشي الحال بس خيرة
وفكرنا بالمالديف وماسافرنا ..
مافيها اماكن ترفيه وبطل زوجي
وحاليا ..
وبماليزيا وماسافرنا
الميزانية لاتكفي !!
وباندونيسيا وانحبطت معنوياتي
عشان
ميزانيتنا 10.000 ريال ..
وانا خلاص ابا ابكي مو عارفة ايش اسوي !!!!!!!
كل مااروح قسم يقولي ماتكفي ماتكفي
طيب انا ماقلت ابا شي غالي وكل يوم ناكل مو رايحين لاكل احنا
انا ابا شي اقتصادي في السكن والاكل وجبة واحدة والباقي طبخ في البيت او ساندويتشات
ويمدحو لوزين وسن توب
مشتريات ماحشتري شي الا هدايا رمزية لاهلي واهلو فقط وكم غرض ليا للزكرى
مو نازلة ابضع انا !!
ادري اتكلم كتير .. وقرقرت كتير
بس من حرقة دمي .. زوجي تعب من كتر مايروح مكاتب السياحة
وكل مالها التزاكر تبدأ تغلى !! فين العروض اللي بسمعها في طيران الاتحاد ابو 1800 و1600 ماشفنا شي !!
انا مارحت شهر عسل نهائي ولي سنة متزوجة والسبب دوام زوجي .. مايعطو اجازة لانها شركة جديدة
ودحين بعد سنة دوام اعطوه اسبوعين والمشكلة ميزانيتنا زي ماقلت 10.000 ريال ممكن تزيد 2000 لو نزل الراتب تبع زوجي قبل السفرة لو زبطت هادي كمانا
المهم ..
عندي كم سؤال للقسم دا تايلاند لاتحرموني جاوبوني اجازته حتبدأ الاسبوع الجاي الربوع
1-كم سعر التزاكر لتايلاند حاليا واحنا من جدة !! نفسي في الاشيا الحلوة ابو 1800 هادي فين نلاقيها
2-ميزانيتنا هل تكفي مع التزاكر والسكن الاكل والتماشي !!
مع انو حتى لو كان السكن 3 نجمات مايهم اهم شي نضيف والاكل مو شرط ناكل كلو من برا
اهم شي التماشي !
3-لو كانت تكفي!! كم يوم مثلا وفين ؟؟ ممكن بروجرام لتايلاند.. انا ابغى اريح جوزي واديلو كل شي جاهز ..؟
4-طيب فنادق او شقق او شي ننام فيه ابا ادلع زوجي يكون نضيف ومريح ؟ اسمائها مع اسعارها ان امكن ؟
5-اماكن التماشي هناك بالاسعار ؟ لاتقولولي ارجعي لتقارير الاعضاء
بسبب انو ابا الموضوع دا يكون شامل لي ولكم ابا اوريه جوزي من الى !! مايجي ادوخو معايا
هوا مو ناقص يالله يبا يرتاح من هم الدوام
6-رقم سواق يتكلم عربي ومضمون مش نصاب بالمعنى الاخص ؟
7-التنقل في تايلاند من مكان لمكان بإيش وكم سعره للشخص ؟
8-اماكن اكل نضيفة ومضمونة ؟
9-العملة التايلانديه بكم بالريال السعودي ؟؟
اتمنى وضع الاسعار بالريال ومقابلو العملة التايلانديه
وبس
الله يخليكم لا تزعلوني .. لانو خلاص مرة مرة تعبت نفسيا
وشكلي مارح اخرج برا نهائيا
بعدين انتم زوجين .. يعني ماراح تصرفون كثير ابد .. كله سكن واكل وتمشيات بس .. والسكن هناك رخص التراب .. تاخذون سكن حلو وزي العسل ب 100 ريال باليوم .. وبأمكانكم تحصلون ارخص
(( للمعلومية انا مارحت الى الان .. وكلامي هذا من قرائتي الكثيرة والمفصلة وسؤال ناس اعرفهم شخصياً ذهبو الى هناك ))
بخصوص التذكرة .. انا حاجز على طيران الاتحاد بتاريخ 22 ابريل .. ب 1800 ريال .. ولو معكم بطاقة فيزا تاخذونها ب 1697 ريال ذهاب وعوده .. من الرياض طبعاً انا حجزت .. لكن من جده مادري كم .. ومن الدمام اعتقد ب 1500 ريال
والريال السعودي يساوي 10 بات .. يعني اي سعر يعطونك اياه هناك احذفي صفر منه عشان تعرفين كم ريال
يعني قال لك 300 بات .. احذفي صفر .. تطلع 30 بات .. قالك 250 بات .. احذفي صفر تطلع 25 ريال
وهكذا
وانا اشوف اذا السفرة بخاطركم بالحيل اطلعو لو تقعدون خمس ايام .. وان ماظبطت ابد .. عليكم بالطايف والباحة كلهم قراب منكم وزي العسل ..
ياحبي لأهل جدة والله