Manolia
12-01-2022 - 04:53 am
السلام عليكم جميعا ...
انا مشتركة جديدة بالموقع ... بصراحة عجبني كلش لان يقدم مساعدة لكل الي يفكر يسافر لكثير من الدول انا ناوية اروح تركيا ان شاء الله خلال شهر وهي اول زيارة الي تركيا لي انا .... وحابة تنصحوني احسن مكان للهدوء والريلاكس بالطبيعة الحلوة والخدمات الممتازة سمعت كثير عن ازمير وانطاليا وبودروم ومارمريس وانا محتارة الحين اختار اي منطقة مع اسطنبول.
انا مدة سفري بتكون من 10 ايام الي اسبوعين ان شاء الله ...
ناس كثير قالولي ان انطاليا مو مالت عائلات خصوصا اني محجبة لانها كثير منفتحه واغلبها سياح غربيين.
فأرجوا ان تساعدوني وتنصحوني وشكرا مقدما للجميع
منوليا
وانا انصحك تضيفين لاسطنبول ( أنطاليا )
وعادي حنا زرناها وكان فيها عرب ... صحيح ان اغلب السياح اوربيين بس هذا مايمنعنا من زيارتها ونشوف المناظر الحلوه الي فيها ..
والحجاب ان شاء الله انه مو عائق ابدا بالعكس .. اهل تركيا يحبون ويقدرون ويحترمون النساء المحجبات والسايح العرب عموما
انطاليا من اكثر المدن الي حبيتها بتركيا مع ان جوها يميل للحراره خصوصا بالنهار
بس فيها مناظر وشلالات تسحر العقل ومنتجعات وشواطئ حلوه كثير
اذا كانت عاجبتك ونفسك تزورينها روحي ولا يهمك احد ... واهلها ناس طيبين جدا جدا وللامانه ماحصلنا منهم الا كل خير .. وماحصلنا اي مضايقات ابد .. وتذكري دائما انك ببلد مسلم يعني اهل البلد مثلنا .. اما السايح لايهمونك لانهم سياح مثلك مهما كان جنسهم ..
بس قبل كل شي استخيري ... والله يكتب لكم الي فيه الخير
ورحلة موفقه ان شاء الله ,,,