دبي المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
زلمه
06-02-2022 - 07:48 am
السلام عليكم
انا جايه دبي لمده اسبوع
وابغى اسأل عن محلات المجوهرات والالماس
وين فيه
وكيف اسعارها
لان اختي تجهز زواجها بعد كم شهر
وبعد ابغى اعرف ايش المحلات الجديده في دبي
حق فساتين سهرات
ولبس غريب واشياء غريبه
مو عندنا في السعوديه
و سلامتكم


التعليقات (9)
زلمه
زلمه
السلام عليكم
انا جايه دبي لمده اسبوع
الله يخليكم ابغى اعرف كم سعر الغرفه في الجميرا
ضروري لاني جايه بعد يومين
وابغى اسأل عن محلات المجوهرات والالماس
وين فيه
وكيف اسعارها
لان اختي تجهز زواجها بعد كم شهر
وبعد ابغى اعرف ايش المحلات الجديده في دبي
حق فساتين سهرات
ولبس غريب واشياء غريبه
مو عندنا في السعوديه
و سلامتكم

The Watcher
The Watcher
انا ماعندي خبرة في هالسوالف
بس في مركز تجاري اسمه مدينة الذهب قريب من مول الإمارات
وفي الكثير من محلات الذهب في مول الإمارات ودبي مول
بس غالبية الناس تروح سوق الذهب في ديرة .. عند سوق نايف

زلمه
زلمه
مشكور اخوي الله يعطيك العافيه
طيب ماتعرف كيف اسعار دار المصيف وميناء السلام والقصر

The Watcher
The Watcher
لا للأسف ما اعرف كم صاروا حاليا
شوف عرب لينك .. اسعارهم حلوة غالباً

وائل الدمام
وائل الدمام
فيه مدينة الذهب او يسمونها سوق الايراني كلها ذهب داخل دبي واسوقها شعبيه قريبه من اسواق نائف سابقاً
وفيه بالمجمعات ولكن غاليه اشوي وعندهم جلابيات في سوق عكااظ
والف مبروك للعريسه وتردون بالسلامه

زلمه
زلمه
مشكورين the watcher
وائل الدمام
الله يعطيكم العافيه

بنت الشيخ زايد
بنت الشيخ زايد
اختي شو اللي تدورين عليه من الذهب؟
مثلاً اطقم الماس عندج هالمحلات : سالم الشعيبي للمجوهرات شارع المكتوم ديره و دهماني والفردان بعد في شارع المكتوم... مجوهرات عدنان في مركز مزايا شارع الشيخ زايد
وفي سوق الذهب في ديره فيه كل المحلات منها :محلاتي والانوار وجودير وبعد فيه محلات كثيره
والساعات الماركات عند احمدصديقي واولاده ,,, هذا وكيل لاغلب الساعات العالميه
والفساتين,,,,
في امارات مول
محل هارفي نكلز و محل كوكون و محل بوجاتي
في مركز الشاطئ بجميرا
محل فيرتيجيو هالمحل دووم اتعامل وياه ومستحيل ايب كذا فستان من نفس الموديل ,,,,ومحل ليلتي
بس حبيت اسئل؟؟؟
شو هو اللبس الغريب والاشياء الغريبه؟؟

زلمه
زلمه
مشكوره اختي بنت الشيخ زايد وماقصرتي
بس وين فيه مركز الشاطئ ايش القريب منه

HudaAbdullah
HudaAbdullah
مرحبا
عندك بوتيك ون في أبراج الإمارات عنده فساتين وملابس غريبه ومره حلو
وفيه محل في دبي مول عنده ملابس حلوه S*uce وماركات كثيره
فيه بوغاتي بي مور في مول الإمارات هذا ملابسه على حسب مش دائماً تحصلين عنده لكن
أسعاره لبعض الملابس أقل من هارفي نيكلز.
بالتوفيق


خصم يصل إلى 25%