السعاده
21-02-2022 - 06:22 am
السلام عليكم
بصرااحه ماني عارف انا بحلم والا بعلم انه اتيحت لي المشاركه بهذا المنتدى الراقي جدا
ولي استفسارات اتمنى انكم تساعدوني
راح اطلع تايلند يوم 25 .6
وراح اطلع على القطريه مارايكم بها
والسكن مااعرف وين دبروني الله يعافيكم
وين اتمشي وين اتقضى ماركات حلوة ورخيصه
وعندي سوال ايهم ازين تايلند والا اليونان وقبرص
ارجوكم لاتفشلوني ذي اول مشاركه لي وارجو انكم تعتبروني منكم وفيكم لاني احبكم بالله
وللحين ما اني مستوعب اني اشارك معكم
بالنسبة للفنادق هناك كم كبير منها مثل " فندق نوفيتيل سيام سكوير - بايوكي سكاي - ديما اوتيل - زينيث " وهناك الكثير والكثير .....
بالنسبة للأسواق أفضل لك " طوكيو سنتر - بلاتينيوم - سوق الأحد - تشاينا تاون المنطقة الصينية او الحي الصيني - زن - امبوريوم - بق سي - النايت بازار - براتونام " ..... ....
وبالنسبة للمطاعم العربية هناك في شارع العرب بمنطقة نانا عندك مطعم " ناصر المصري - شهرزاد - مهمان " والكثير من المطاعم وتقدر تتسوق هناك في محلات كثيرة وتجد بشارع العرب مكاتب سياحه مثل " مكتب موسى البانكوكي" تستطيع حجز الفنادق عن طريقهم .....
وأخي العزيز إذا كانت هذي أول زيارة لك فدير بالك وانته تشتري أي شي هالله هالله بالمكاسر يقولك 1000 بات قوله 300 وإصعد بالسعر حبه حبه ترى الكل يسوي جذيه وإلا راح يأذونك بالأسعار .....
أتمنى إني فدتك بالرد وأي شي أنا حاضر وبالسلامة انشالله .....