نورت ابوظبي يااخوي
المارينا مول رائع لازم تروحله تمشى وتعشى فيه وبعدها ادخل السينما
ابوظبي مول بعد حلو
الوحده مول
والخالديه مول

اى والله اخوى ياريت لو تخبرني بعد عن اسواق شعبية مثل سوق نايف فى دبي واماكن تصلح للاطفال وانا من عشاق المطاعم الهندية ياريت لو تخبرني باسم مطعم هندي كويس وفالك طيب

مرحبا,,
للأسف السوق الشعبي هدموه وألحين يبنونه. المنطقه الواقعه خلف مبنى الإتصالات أو خلف مارك سبنسر (مركز فتوح الخير) بها أغلب المحلات إلي كانت فالسوق القديم,
للأطفال عندك (منتزه خليفه) أنا مازرته بس هو حديقه عوده للأطفال, ولاتنسى إنه المولات بها مكان ألعاب للأطفال....
الأكل الهندي...
إسأل عن مطعم (قصر الهند) أكلهم زين وديكاراتهم جميله, وعندك مطعم (أرض المأكولات) مطعم عالمي بس بالدرجه الأولى هندي.... وشي مطعم فالمرديان ماعرف إسمه بس أكلهم روعه, إتصل بهم وإسأل عنه...
روح قرية التراث (كاسر الأمواج) في نفس المنطقه إلي يقع بها المارينا مول, مب متأكد من الفعاليات عندهم .....
تحياتي..

مرحبا بك شيخي في الامارات ... و في عاصمتها ابوظبي ...
شيخي اهم الاماكن الي لازم تروحها ... لوظبي مول ... الوحده مول ... الخالديه مول ( انا ما سرته لحد الحين ) ... و اهم مكان المارينا مول الي صدقني احس انه واحد من احسن المولات في الدوله .... عندك اماكن الاطفال متعدده ... في المارينا فيه قسم خاص لالعاب الاطفال الي هي صوب المطاعم ... في مينا زايد فيه الكترا للالعاب ... ود الصغار هناك و بيستانسون ... و عن المطاعم الهنديه .. مطعم قصر الهند ( مقابل بلديه ابوظبي ) .... ز عندك بعد فيه مطعم هندي اكله وايد حلو بس مشكلتي ناسي اسمه ... هم قرييب من قصر الهند ... بس انته لو تسأل عن بنك الاتحاد ( اتخلي بلديه ابوظبي على يسارك و كأنك تبا تروح للكورنيش ) اول اشاره تاخذها يسار و بعدين اول دخله يمين ... بيك المطعم على يدك اليسار ... و اعتقد اللافته مالته بالاصفر مكتوبه ....
و اذا تبا اي استفسار ثاني انا حاضر ...

نصيحتي :
1- المراكز التجارية (الوحدة مول + مارينا مول + الخالدية مول لكن لاتروح ابوظبي مول زحمة عالفاضي ولا جديد)
2-المطاعم ( معطم ارض المأكولات + قصر الهند + شادرون (أكل شامي) + الصفدي (شامي) + صدف (إيراني) ) و توجد الكثير من المطاعم.
3-الرياضة او المشي و الاستجمام (كورنيش أبوظبي حيث صنف من أجمل 20 مكان للاستجمام و المشي في العالم و تقدر تستأجر دراجات هوائيه لك و للاطفال + كورنيش القرم + شارع مصفح (توجد ملاعب و العاب للاطفال)
4-منتجع غنتوت و تقدر تسأجر دراجات نارية
5- الختم (الله مكان بالنسبة لي انا خذ الاكل و اشوي هناك في البر و المسافة قريبة تقريبا 30 دقيقة عن بوظبي)
6-اعتقد قلت اسواق شعبية هناك الكثير من الاسواق الي لها رائحة الاسواق الشعبية مثال (مركز مدينة زايد و يقع في قلب ابوظبي + حمدان سنتر (مركز قديم) + حامد سنتر (قديم ايضا) + نادي تراث الامارات
7- منطقة المينا بصراحة روعة و هادئه و فيها مركز تجاري ايضا و اسواق شبه شعبية
ام تعبت تريد زيادة ؟؟

مشكورين يا اخوان ولا قصرتو

مساء الخير اخوانى واخواتى
ان شاء الله بزور ابوظبى بعد اسبوعين وبكون لوحدى فممكن تنصحونى بفندق حلو وسعرة معقول