ولا أدري وين هوى داري ههه حلوه ها العباره
الله يسر أمرك بالرحله abusalem وإن شاء الله يردون عليك بأسرع وقت

لول هلا ابو محمد أنت ماتدري علشان أكسر خاطرهم .. بس فعلا متوهق وانشالله الامور سهالات بتوجيهات الشباب الطيبين وأنا بانتظارهم

هلا أخوي
إنت مخير بين أمرين إما إنك تستأجر سيارة
أو تآخذ بطاقة Swiss Saver Pass
وبإمكانك تآخذها لمدة 8 أيام لأن اليومين الأخيرة ما راح تحتاج لها
الأسعار بالفرنك السويسري لشخصين
9درجة أولى
0درجة ثانية
ويفضل تطلع على الرابط لإنه راح يسهل عليك الكثير
https://artravelers.com/p/re/248132
وإذا عندك آي فون ممكن تستطلع جدول رحلات القطار السويسري عليه
http://www.sbb-mobileworld.ch/fahrplan/iphone/?lang=4
ومميزات بطاقات ال PASS
1- تتيح لحاملها استخدام عدد غير محدود لوسائل المواصلات مثل
الباصات

البواخر

القطارات بما فيها قطارات القمم الجبلية

2- ايضا يحصل حاملها على تخفيض 50% من قيمة تذاكر القمم الجبلية الغير مشمولة في البطاقة
3- كما تتيح لحاملها الدخول لافضل واجمل المتاحف السويسرية على الاطلاق
والتي يبلغ عددهاأكثر من 400 متحف وقاعة عرض
منها على سبيل المثال
(متحف بالينبيرغ المفتوح في برينز , المتحف الاولمبي في لوزان , ومركز بولكلي الضخم في بيرن بالاضافة الى معظم متاحف تاريخ الفن والتاريخ الطبيعي المنتشرة في سويسرا )
4 - عند شراء البطاقة إطلبي من الموظف الكتيب
وستجد في نصف الكتيب خارطة موضح عليها مسارات ملونة
المسار الاحمر للقطارات
المسار الاصفر للباصات
المسار الاسود للعربات المعلقة (التلفريك او الكيبل كار)
المسار الابيض للبواخر

وبالنسبة لمسار وتوزيع الرحلة ممكن يكون كالتالي
0أيام 9 ليالي
5 ليالي إنترلاكن
ليلتين زرمات
ليلتين جنيف
شوف إذا يناسبك حتى نكمل
والله يوفقك وتدري عن هوى دارك
تحيتي

اخوي انا نفسك متوهق وبروح انا وزوجتي على شهر 6 يونيو بس من كثر ما سالت اكتشفت انه اللى ما ياجر سيارة بسويسرا وخصوصا في انترلاكن ماله معنى . اذا معاك سيارة ما تتضايق تفتر اربع وعشرين ساعه انت والمدام وكل ما عجبك منظر وقف على اليمين وتمتع بالمنظر وريح بالك على الاخر وبخصوص الاسعار انا رحت لمكتب هيرتز وطلعت يومية السيارة 30 دينار لاني ماخذها اربع ايام بس اذا طالت المدة قل السعر .
بالتوفيق ان شاءالله ولا تنسى ان السيارة نص وناسة السفر

خالد الجويسري
يعطيك العافية أخوي خالد .. انته راح تنزل جنيف وإلا وين .. ومن وين راح تستلم السيارة ؟؟

بيض الله وجيهكم على الرد والمساعده وأكيد الفايده للجميع .. طيب ماقلتو لي عن اسعار التكاسي في جنيف هل هي غاليه ام معقوله ؟

بانكوكي_2
بستلم السيارة باذن الله في مطار زيورخ وبروح انترلاكن وبعدها بسلم السيارة في جنيف وبطلع بالقطار على باريس

اخوي بالنسبة للمواصلات داخل جنيف
فالفندق يعطيك بطاقة لاستخدام الباصات و الترام مجانا داخل جنيف يعني ما تحتاج تاكسي و لا باس هذا من الدليل السياحي للخ الفاضل ابو عزيز
"("كرت جنيف
كل مقيم في احد فنادق جنيف يحصل على هذا الكرت بالمجان على مدى عدد ايام اقامته في الفندق
كل المواصلات من ضمن حدود مدينة جنيف مجانية سواء:
باص / ترام / قطار
لا يوجد ميترو في جنيف بل ترام")"

والله انكم شقرديه وجزاكم الله ألف خير .. على فكره انا بداية شهر 5 راح اكون هناك بأذن الله .. ابي الجو في الشهر هذا شلون راح يكون هل هو بارد جدا او معتدل .. وانا ادري ان مافيه ثلوج بس خاطري اشوف الثلوج وين احصلها ؟ يقولون لازم تروح الى القمه الموجوده في انترلاكن .. هل هذا صحيح او في مكان آخر
وأوعدكم بتقرير طيب انشالله