حياك الله اخينا ضاري
والحمد لله على سلامتكم وطابت الاسفار
جميل عرضك وهذا السرد
وحبذا لو يكون هناك تركيز على السلبيات والايجابيات والاشياء التي لم كنت تتوقعها
وكيف تعامل الطيران هل هو سهل ولا فيه صعوبة وزحام

الله يسلمك اخي الكريم الصفوه
سووف اتطرق لجميع السلبيات اللي واجهتها وجميع الايجابيات عن جميع الاماكن التي اقمت فيها والتي زرتها انشالله عن قريب اما بخصوص الطيران لايوجد زحام فكل شي بخصوص الطيران والمطارات ميسر فلله الحمد لم تواجهني اي مشكله الا فقط واحده كانت في مطار كوللمبور عندما طلبت مني موظفة الجوازات
ان تكشف زوجتي عن وجهها فرفضت طلبها فقالت يجب ان اتاكد انها هي صاحبة الجواز فقلت لها لماذا انتي فقط التي طلبتي ذلك ولم يطلبه زملائك بالعمل مع الاخرين بالكاونترات الثانيه لانني كنت اشاهد جميع البنات المنقبات يختمون جوازاتهم دون كشف الوجه فقالت يجب ان اشاهدها فقلت بهذا المكان وامام الناس مستحيل واخيرا وافقت واخذت زوجتي لمكان خالي من الرجال وكشفت زوجتي عن وجهيها وانتهت المشكله

الحمدلله عالسلامه اخوي
وزين سويت بموظفة الجوازات
وسترك الله دنيا واخره

الحمد لله على السلامة أخوي ضاري
بس على السريلانكية ؟ جديدة هذي

حمدالله على السلامه وياريت تعطيني اي ملاحظات أو نصائح بالتايم سكوير لأني حاجز فيه ...
وشكرا

الله يعطيك العافية اخونا ضاري على على هالمعلومة
والله دورتها كثير
لكن الله لا يحرمك الاجر بما خطته يدك حول هذه السلبيات والايجابيات والخبرات

يعطيك العافيه اخ ضاري
وبالنسبه لحكاية موظفة الجوازات..علشان كذا الواحد يحاول ويحرص انه يوقف بطابور موظفه وموب موظف...
ومااعتقد ان فيها شي ان الموظفة تطلب كشف الوجه -فهذا عملها
وحنا لاحظنا ان كل الموظفات طلبوا هالشي من النساء اللي وصلوا معنا
ودائما المكان الموجود خلفها يكون خالي..والزحمه تكون ورا ظهرك..يعني محد راح يشوف..
امراه تكشف لامراه والله ماتعتبر مشكله يااخي..واشوى اللي ماصار كل الموظفين المناوبين رجال..مثل مره حدث لنا هالشي في مطار اوروبي وكانت المشكله اللي من صحيح والله..!!!
بانتظار بقية سردك اخوي..
وتقبل تحياتي

1. الغي الطاهر الله يسلمك ويحفظك يارب والف شكر علي دعودتك الطيبه


2. وبجانب بوابة الفندق يوجد تموينات لبيع المواد الغذائيه رخيص وممتاز

الغي الطاهر الله يسلمك ويحفظك يارب والف شكر علي دعودتك الطيبه

ذا كينغ الله يسلمك اخوي وبالنسبه للطيران السيريلانكي هذه طيارات تابعه لطيران الامارات تملك 40 بالميه من حصتها لجل ذلك طورتها الي اخر درجه وربي افضل طيران ركبته بس يعيب عليها المطار قديم شويا بس اشوف الحين قاعدين يبنون منشات داخل المطار لتوسعته وتطويره وهناك عيب اخر داخل الطائره وهو تقديم مشروبات محرمه مع الوجبات للي يبغي يشرب مع الاكل طبعا يوجد مشروبات عاديه مثل البيبسي والشاي والعصائر
Anooha هلا وغلا فيك بالنسبه للتايم سكوير فندق اكثر من روعه لعدة اسباب
الغرف جدا نظيفه ويدور حول السرير نوافذ متلاصقه تملا الجدران حتي تستمتع بالنظر للمدينه
وتحت هذا الفندق اكبر مجمع تسويقي في كواللمبور يعني اذا بغيت تنزل للسوق بس اضرب علي رقم G بالاسانسير تلقي نفسك بالسوق
ويوجد ايضا اكبر مجمع ملاهي داخل المجمع يعني اذا معاك اطفال تقص لهم تذكره 15 رينجيت ويحطون ربطه في يدهم علشان يستمتعون بجميع الالعاب واذا ملوو يصعدوون للغرف ويرتاحون او ينامون وينزلون مره ثانيه يكملو لعبهم
بالنسبه للامن وربي اكثر فندق امن شفته في حياتي حتي لبس السيكروتي نفس لبس الشرطه انا افتكرت انهم شرطه من لبسهم ومن كثرهم عند البوابه وعند اللفت وبكل دور تلقاهم يفترون حتي الاسانسير بعد الساعه 10 بالليل ماتقدر تظرب علي رقم الدور اللي غرفتك فيه الا لما تحط مفتاح غرفتك اللي علي شكل بطاقه في جهاز داخل الاسانسير علشان مايصعد للغرف الا فقط اللي ساكنين فيه وهناك نقطه ممتازه ايضا هي ان اي تاكسي يجيبك للفندق يجون وياخذون رقم التاكسي احتياطيا فقد تنسي غرض او حاجه داخل التاكسي.
واذا بغيت تخرج بره الفندق يوجد مكتب يتبع المجمع لطلب التاكسي يعني مايحتاج توقف بالشارع وتطلب تاكسي وسعرهم وربي ارخص من التكاسي اللي توقفهم بالشارع انا بنفسي جربتها اكثر من مره

وبجانب بوابة الفندق يوجد تموينات لبيع المواد الغذائيه رخيص وممتاز

الصفوه هلا وغلا فيك والله يسلمك ياخوي وانا بالخدمه اذا بغيت تسال عن اي شي اقدر افيدك فيه
مسافر مختب ياهلا فيك بالنسبه لموظفة الجوازات انا معاك ان هذا جزء من عملها لكن من قالك ان الرجال خلفي ولا يشاهدون هناك الاف الرجال خلف الكاونتر لان الكاونتر مفتووح وليس غرفه انه مجرد كرسي وطاوله كبيره واعتراضي لها ان هذا المكاان من المستحيل ان تكشف المراه عن وجهاا خصصو غرفه للتطبيق ونحن نوافق علي الكشف لكن بوسط المطار وبوسط الرجال مستحيل وفعلا رضخت للامر واخذت زوجتي لمكان يبعد خطوات عن الكاونتر لايوجد فيه رجال
والف شكر للجميع وانشالله رااح اكمل سرد رحلتي

1. ***********


2. اللاماكن اللي زرتها هناك


3. ووصلنا الي فندق سويت ستي شقق فندقيه (( 4 ليالي ))

بتاريخ 15/7/2005 ثاني ايام وصولنا لماليزيا اقلعت بنا الطائره الي لنكاوي فندق لنكاوي لاغون فندق جدا جميل وغرف فوق مياه البحر مزاياه غرف جدا روعه تخيل نفسك تنام وتحت ك صوت الامواج
شاطي هادي جدا رومانسي ونظيف العمال اللي فيه جدا متعاونين
عيوبه فندق لايوجد فيه الا اسواق او محلات كثيره تقدر تتمشي فيها ولايوجد ايضا حوله محلات
والاماكن اللي زرناها عالم تحت البحار مكان ممتاز ويبيلك تقريبا ساعتين تشوف الاسماك والحيوانات وتحضر سينما ثلاثيه الابعاد اللي فيه
حديقة التماسيح بصراحه حديقه عاديه تشوف تماسيح وانواعها يعني مافيه شي يشدك وفيها نمل بكثره اذا طولت الوقفه وانت تناظر بالتماسيح ماتدري الا وهن راقيات عليك ووحده منهن قرصتني وربي قرصتها كانها قرصة عقرب تقعد مده طويله وانت تتالم منها
التلفريك هذا روعه وانت تركبه وتشوف شي ماشفته بحياتك من مناظر خللابه تسرق القلوب
الشلالات وربي لم اتعب بحياتي مثل ماتعبت فيها لانها تصعد لها تقريبا 400 درجه حتي تاصلها فكيف ومعك اطفال تتعب وانت تشيلهم واحد ورا الثاني لين توصل وكل شوي جاي قرد من القروود وسارق من يدك اي شي تحمله يخطفه منك وانت ماتدري انصح اي واحد بيرووح ان يرووح له وحده ماياخذ اهله معاه
حديقة الطيور بصراحه حديقه عاديه لم استمتع فيها بس شسوي لازم اتمشي بالاهل
رحله الي الجزر الثلاث 250 ريجنت تقريبا ومشاهده المراه الحامل اللي يتكلمون عنه الناس انا علبالي بشووف تمثال لمراه حامل طلع جبل شكله كانه امراه حامل نايمه بصراحه استانسنا بالجزر الثلاث وركبنا البراشوت انا وعيالي 9 سنوات لوحده 7 سنوات طار بالبراشوت مع واحد من العمال حتي يمسكه يقول مايصير يركب طفل الا حنا معاه . مده الرحله تقريبا اربع ساعات جدا شيقه وتكون من الصباح الا الظهر.
ميدان النسر ميدان كبير فيه مناظر ومسطحات مائيه حلووه تمشينا فيها وتعشينا في مطعم ممتاز حوله نسيت اسمه بس فيه كبائن من ستائر علشان الخصوصيه.
لنكاوي جزيره خياليه رااح يخسر اللي مايرووح لها نعم لايوجد بها اسوااق او مجمعات بس انت جاي ومعني روحك علشان تتسوق وترووح للمجمعات ولا علشان تستمتع بالمناظر والاشجار والجبال اللي يكسوها الخضار والتي تسرق القلوب والله انها اجمل مدينه من حيث المناظر والطبيعه خلال رحلتي لماليزيا قعدت فيها يومين وياليتني جالس فيها اكثر ...لن ننساكي يالنكاوي

***********

بعد نهاية جولتنا للنكاوي ( ليلتين ) اخذنا الفري( العباره ) ورحنا علي بينانغ ونصيحه يجب ان تحجز مبكر للذهاب لبينانغ علي الرحله اللي تبغاها لان عندهم باليوم ثلاث رحلات لاني انا لم القي حجز علي رحلة الظهر لاني لم احجز مبكر فاضطريت ان انتظر الرحله اللي بعدها بعد اربع ساعات وخلك من ا ول الناس اللي يركبون علشان تختار امكاكن مناسبه ورووح للمكان اللي فوق لان الفري فيه طابقين ارضي وعلوي لان اللي فوق تقدر تقوم من كرسيك وتذهب للمكان المكشوف وتستمتع بالمناظر
وصلنا لبينانغ بعد ثلاث ساعات 17/7/2005 وسكنت في فندق بيو فيو بيتش روعه وجدا ممتاز انا حجزت فيه غرفه واحده لاني لم القي حجز الا تلك الغرفه فاطريت انا واطفالي الاربعه الصغار ان نبات فيها وطلبت سرير اضافي واعطوني بالمجان بصرااحه غرف كبيره ووسيعه ولم نحس بالضيق فيها حتي السرير اللي فيها يكفي لاربعه يعني وسيع جدا
مزياها.. جميع الخدمات فيه وفندق جدا جميل والشاطي اللي فيه جميع الانشطه البحريه فيه من براشوت وجت سكي وملاعب طائره وقدم وتنس ومسابح كبيره وحديقه جدا جميله تفصل الفندق عن الشاطئ وفيه ايضا نادي للاطفال يعني تخلي عيالك فيه وترووح للسوق فيه مدرسات يعلمونهم الرسم والزخرفه بس يسكر الساعه 7 بالليل
عيوبه..لم اجد فيه عيوب الافقط التعري علي حمامات السباحه وهذا ليس فقط بهذا الفندق بجميع الفنادق

اللاماكن اللي زرتها هناك

حديقة الفراشات جدا روعه وخاصه للاطفال كل شوي جايني واحد من عيالي وبيده صاعده عليها فراشه من كبرها ماشوف يد ولدي منها
جبل الفواكه بصراحه احسن مافيه الا الفواكه اللي قدموها لنا بنهاية الرحله تقص تذكره وودونا فوق الجبل بباص وهناك يجي واحد ويفتر فيك مشي انت ومعاك مجموعه عوائل يعلمك ويعطيك فكره عن الاشجار الفواكه اللي عندهم بالجبل بصراحه حنا زهقنا وعيالنا زهقو ونزلنا من الجبل ماكملنا المحاظره الممله ولما نزلنا قدمو لنا فواكه بوفيه مفتووح من الفواكه جدا لذيذ انا كليت اربع صحون من الفواكه من الجوع والارهاق
رحله بحريه لجزيرة القرده 350 رينجت بالاضافه 20 رينجت لكل شخص علشان الغداء اللي بيسونه لك هناك بالجزيره بصراحه جزيره اقل من توقعي وربي جزر لنكااوي ومناظرها احسن الف مره منها بس احسن شي هناك انبسطنا فيه هو صيد السمك يوقفون بالقارب بنص البحر وعطونا سنارات وقعدنا نصيد انا وعيالي وصدنا يمكن 9 سمكات
هناك بالجزيره لاتفتكر انك تقول برووح اتمشي داخل الجزيره ما فيها شي الا فقط الشاطئ وفيه العاب بالتاجير مثل الجت سكي وا لموزه ويقعدون يشون لك سمك .
مرتفعات بينانغ جدا رحله حلوه يركبونك قطار وتصعد الي الجبل مناظر جدا خلابه وحلوه بس عيب القطار انه تلاقي فيه زحمه
السوق الليلي هذا السوق كل يوم نروحله بالليل نتمشي فيه قريب من الفندق وفيه مطاعم عربيه من افضلها ابو نواس ومطعم المدينه مطاعم عربيه ويسكر السوق الساعه 11 بالليل.
الشلالات اللي ببيننانغ مارحنا لها لضيق الوقت ولانها تبعد مسافه كبيره تقريبا ساعتين او ثلاث والشلالات اللي بلنكااوي بصراحه سببتلي عقده من الشلالات
اسعار التكاسي في بينانغ بالساعه بالميني باص 35 رينجت اغلي من لنكااوي 20 رينجت والصينين يوجودون بكثره عكس لنكاوي اللي لم اشاهد اي صيني فيها.
بعد نهاية اليوم الثالث ذهبنا للمطار 150 رينجت بالباص الصغير بصراحه بعيد تقريبا ساعه وتوجهنا بالطائره الي مطار كواللمبور واخذنا باص صغير الي ملكا 250 رينجت وذهبنا الي منتجع افاموسا (( ليلتين )وكنا حاجزين شاليه ثلاث غرف نوم وصاله 600 ريال (50 دينار كويتي ) منتجعع بقمة الروعه بس لاتزيد عن يومين ولا راح تمل
الشاليه جدا روعه بس فيه عيوب راح تشوف حشرات وقليل من البراعص داخل الشاليه بحكم الشاليه يقع داخل المسطحات الخضراء واذا بغيت ترووح لاحدي الاماكن الترفيهيه بالمنتجع لازم تتصل علي البداله علشان يرسلوونلك باص مكشووف يوديك ويجيبك بس يبيلك يمكن عشر دقاايق علي مايجيك بس الافضل ان تاجر سيارة الغولف علشان تتنقل فيها 200 رينجت باليوم بصراحه سياقتها ممتعه حتي اطفالي يسوقونها
ونصيحه اي واحد يبي يستاجر شاليه يطلب من الرسيبشن ان يكون شاليهه قريب من الفندق نفسه يعني علي البحيره ماهو مثلي عطونا شاليه بعيد عن مناطق الترفيه واعتقد ارقامها تبدا من 900 الي 920
الاماكن الترفيه داخل المنتجع:
من الصباح الا المغرب ترووح لسفاري فيها الحيوانات والعروض والمدينه المائيه وبجانبها الالعاب الشيقه للاطفال مثل رمي السهام والقوارب المائيه وصيد السمك وركوب الخيل
وبالليل من الساعه الثامنه تذهب الي الكابوي فيها عرضين واحد ورا الثاني الاول عرض الهنود الحمر
يبدا الساعه 8 والثاني الكرنفال جدا شيق وحلو يبدا الساعه 9 ونص تقريبا الا الساعه 11 بالليل بعدها تبدا عروض الالعاب الناريه
المطاعم اللي بالمنتجع مطعمين واحد صيني والثاني عربي اسمه الورده بصراحه اكلهم ماهو طيب ولم يعجبنا وغالي علي الفاضي
واذا بغيت ترووح للسوق تقدر تاخذ تاكسي 10 رينجت ويطلع فيك خارج المنتجع وترووح للمدينه اللي بجانب المنتجع فيها اسواق وتموينات ومطااعم مثل بيتزا وكنتاكي ومحلات صرافه يبعد يمكن 10 دقايق عن المنتجع
ونصيحه بالنسبه للشاليهات اللي بيقول مابي اشوف حشراات خله يسكن داخل الفندق نفسه ماياخذ شاليه ياخذ غرف

• ************

وبعد قضاء ليلتين في المنتجع شدينا الرحال الي العاصمة كوللمبور بالتاكسي ميني باص 250 رينجت

ووصلنا الي فندق سويت ستي شقق فندقيه (( 4 ليالي ))

مزاياه... شقق نظيفه تحتوي علي مطبخ فيه عدة طبخ وفيه غساله ونشافه بالطابق الاول تحط قطعه حديده تشتريها من الرسيبشن 3رينجت وتشتغل الغساله وتحط بعد بالنشافه قطعه حديده ثانيه وتشتغل النشافه
هذه الشقق جميله ومناسبه للعوائل وكل اللي ساكنيها خليجين وقريبه جدا من البرجين التوامين وسوق سوريا اللي بجانب البرجين والحديقه يعني كنا نرووح له مشي مايحتاج تاكسي با لاضاافه هذا الفندق رخيص جدا 250 ريال للشقه غرفتين وصاله
عيوبها...بصراحه انا المكتب اللي حاجز فيه يقول هذه الشقق بجانب شارع العرب بس يوم شفتها لقيتها بعيده عن شارع العرب ولازم تاخذ تاكسي علشان ترووحله .
والسؤال يمكن احد الاخوه يسال بيقوول ليش خذيت هذه الشقق مع ان فيه شقق افخم منها مثل برجايا تايم سكوير وداربي بارك اللاجابه اني اول اربع ايام بكاللمبور بعد عودتي من الجزر رااح اقضيها ايضا بالتمشي بالاماكن السياحيه داخل كواللمبور يعني مارااح ارجع للشقه الا اخر الليل للمبيت فقط وخليت اخر اربع ايام في فندق ضخم وغالي اخر اربع ايام في التايم سكوير لاني رااح اخلص من اماكن السياحيه داخل كواللمبور واتفرغ للتسوق.
الاماكن اللي ذهبت اليها في كواللمبور :
المتحف الاسلامي... متحف جميل وفيه تعرض سيوف الرسول وسيوف الخلفاء الراشدين
المتحف الوطني... متحف خسااره الذهاب اليه مافيه شي يشدك فيها
حديقة الطيور... حديقه جدا عاديه بس اللي معاه اطفال يروحلها علشان يشوفون الطيور اما الكبار خساره الذهاب اليها
برج المناره... برج يستحق الزياره وفيه مناظر حلوه لما تصعد فوق البرج
الصن وي لاغون... رحنا من الظهر الي الساعه 9 بالليل استمتعنا بالالعاب المائيه والكهربائيه وبالمجمع داخل الصن واي لاغون والتزلج علي الجليد
السوق الصيني...سوق نشتري منه الشنط والساعات وبعض الحاجات بس يعيب عليه الزحام الشديد بالليل ويسكر الساعه 10 بالليل
السوق الهندي...خساره الذهاب اليه حتي دهن العود اللي رحنا للسوق علشان نشتري منه ريحه مو شي ريح هنود لو يقولون ببلاش ماخذيت منه
شارع العرب...هذا الشارع ليليا نذهب اليه بعد الساعه العااشره فيه مطاعم ومقاهي ومحلات دهن العود والمساجات ياكثرها بهذا الشارع وتشوف كل العرب هناك وماتسكر المحلات اللي هناك الا ا لساعه 2 ليلا تقريبا
اماكن لم اذهب اليها البرجين التوامين وذلك بسبب لان يفاحون لتوزيع التذاكر من الساعه السابعه صباحا الا الساعه الثامنه وفقط علي 200 شخص ونحن نكون نايمين والله ماقدرت ارووح كل يوم اقوول باجر ارووح واجيب تذاكر
والشلالاات اللي بكوااللمبور بعد مارحت لان شلالات لنكاوي كرهتني بشي اسمه شلالاات
حديقة الفراشات مارحت لان اكتفيت بالفراشات اللي ببيننانغ
بعد نهاية اليوم الراابع لي بكواللمبور بفندق سويت ستي حطيت الشنط بالفندق وقلت باجر بجي اخذهم ورحت علي جنتنغ لاني حاجز فيه هناك ليله
سكنت بفندق ريسورت فندق بصرااحه الغرف عاديه جدا بس الزين فيه انه ملاصق للالعاب وفوق الجبل
بالنسبه لجنتنغ روعه الجوو اللي فيها تخليك تنسي هموومك وتعيش بعالم ثاني تخيل الغيووم تحووم حول النافذه وانت تطالع فيها بصرااحه والله خسراان من لايذهب اليها وخااصه الاطفال راح ينبسطون جدا فيها
بعد المبيت في جنتنغ رجعنا لكواللمبور واخذنا الشنط من الفندق السابق اللي وضعنا فيه الشنط قبل ذهابنا الي جنتنغ واخذنا تاكسي ورحت لمقر الاقامه الاخيره لي في ماليزيا اخر اربع ايام في فندق التايم سكوير روعه روعه وخاصه للي عنده عائله فيه اكبر مجمع ترفيهي وتسويقي والفندق يبدا من الدور الراابع عشر بس اي وااحد يبي يسكن فيه يطلب الادوار العليا طبعا انا حجزت فيه شقه غرفتين وصاله والمطبخ اللي فيه مافيه ادوات طبخ بس غلايه الماء وثلاجه واذا سالتووني ما هو عيوب هذا الفندق رااح اجب بانه لايوجد اي عيب
بعد ذلك توجهنا الي الوطن وغادرنا مايزيا
اخوكم ضااري الشمري