1. السلام عليكم ورحمة الله وبركاته,,


2. انا في بالي عدة اشياء واللي هي:


3. فيه اسئله كثير باقي, لكن تاتي تباعا ان شاء الله..

السلام عليكم ورحمة الله وبركاته,,

انا ان شاء الله ناوي يااخوان اني اسافر ادرس انجليزي في الصيف, والوجهه ان شاء الله يا امريكا او كندا,, والهدف من هالموضوع هو اني اجزم على احد هالوجهتين,,,,لاني الحين ماادري وش اختار,, امريكا قاره لحالها,, وكندا كل مدينه من مدنها تقول الزين عندي يابعدي وفي الطليعه فانكوفر.. فانا ودي اختار احد الدولتين بناء على ردود الاعضاء...

انا في بالي عدة اشياء واللي هي:

• انا الهدف من الروحه هو الدراسه والترفيه,, والثانيه ممكن تكون اهم من الاولى بصراحه بالنسبه لي,, لكن اذا كنت اقدر اجيب الثنتين واضرب عصفورين بحجر واحد فهذا شي جميل,,
• المدينه ماابيها تكون كبيره وزحمه زي اللي عندنا هنا,, الواحد تطلع روحه عشان يوصل للسوق ويرجع..
• وبرضه المدينه ماتكون صغيره مره كانها قريه ولا فيها المرافق الترفيهيه العامه.. ولا ابي مدينه تنوم وتسكر محلاتها على اذان المغرب...
• الجو يهمني مره,, فمثلا انا قريت ان فانكوفر مدينه جوها في الصيف يكون روعه,, وعلى مطر خفيف.. فاذا فيه خيارات ثانيه زي كذا يكون شي جمل..
• الاماكن الترفيهيه في المدينه,, من مولات ومراكز سينما وحدائق وغيره مهمه جداجداجداجد,, زي ماقلت قبل,, يهمني اني استانس في هالسفره..
• طبعا على مافهمت وقريت ان السكن مع عائله افضل واحسن للواحد من ناحية تطويره للغه الانجليزيه..فهل العوائل الامريكيه سيئه من تالي,, خصوصا بعد 11 سبتمبر؟؟ وهل الكنديه افضل من هالناحيه؟؟
• فيه مدن سمعت عنها ونصحوني اني اروح لها,, منها: فانكوفر, لوس انجلوس و سان دييغو, فاللي قد جرب وش ينصح به؟؟
• اذا فيه احد جرب معهد معين وينصح فيه, ياليت يسدح لنا اللنك هنا او على الاقل اسم المعهد..

فيه اسئله كثير باقي, لكن تاتي تباعا ان شاء الله..

عموما ممكن وقت طرح الموضوع يكون مبكر شوي,, لكن انا من النوع الموسوس اللي يحب كل شي يجهز قبل فترة,, ومثل مانتم عارفين اجراآت الفيزا الحين والتاخير اللي يصير في اشياء كثير يخوف.. وبعدين ودي اعد لهالسفره على رواقه,, كل اسبوع اخلص شغله من الحين.. والا سبوع هذا حطيته اني اخلص واختار الوجهه اولا...
شكرا مقدما....