ممكن تعطوني معلومات عن سيشيل
و تقارنونها مع المالديف
ابي اعرف
من ناحيه شكل الفنادق و المنتجعات و الاماكن الترفيهيه
و اسعار الفنادق و كم يوم تحتاج

هلابك اخوي حمودي
برد عليك عشانك سمي ولدي
ابعطيك فكره بسيطه عن المالديف
المالديف مافيها الا بحرx بحر
وهي عباره عن جزر مختلفة الاحجام وعلى كل جزيره منتجع
يعني مافي منتجعين بجزيره وحده ،اذا مليت من واحد تروح للثاني ابد
مالك الا المنتجع اللي حجزته تاكل وتشرب وتنام وتتمشى وتتسبح فيه
مافيه مطاعم وجبات سريعه او اسواق او ملاهي
جميع الانشطه اللي بتمارسها متعلقه بالبحر (غوص ، صيد ، جت سكي ،تزلج على الماء ،براشوت وغيرها ،)
برنامجك اليومي راح يكون بالشكل التالي تقريبا :
تصحى الصباح تتمشى على البحر وتروح تفطر
بعد الفطوراذا ماكنت حاجز واحد من الانشطه اللي يقدمها المنتجع بأمكانك تقضي الوقت بالبحر او المسبح
الظهر الشمس حاره جدا وما تقدر تطلع تسبح ،فتاخذ شاور وتنام او تناظر البحر من خلف الزجاج وعند المكيف
بعد الظهر وعلى العصر تطلع تتغدى او تاخذ سناك تصبيره للعشاء
بعد العصر لحد المغرب تمشيه على البحر وتاخذ لك كم صوره للغروب
ترجع الفيلا وترتاح شوي لوقت العشاء
بعد العشاء براحتك تحب تسهر تحب تنام بكير وتصحى بكير
اتمنى تكون الفكره وصلت والوضع واضح امامك
وبالتوفيق ان شاء الله

حمودي
ماشاء الله جاء سؤال ثاني وانا ماحليت الاول
سيشيل فيها تنوع اكثر وحريه بالتنقل واماكن ممكن تزورها خارج الفندق او المنتجع اللي انت فيه
وباقي الاسئله عذرا ماقدر اتلقف وانا ماشفت شي بعيني
ان شاء الله يفيدونك اللي راحوا لسيشيل

الله يحفظ ولدك و يخليه لك
تسلم و ما قصرت على المعلومات و الله يعطيك العافيه
انا كتبت الرد و شفت تقرير الجزيره اللي من 6 اجزاء
الصراحه البجزيره ما عليها كلام
ابي فكره عن اسعار الفناق اذا حد يقدر يفيدني
الفنادق المتواضعه

كنت بكت نفس الموضوع وهونت لما شفت موضعك واستفدت من الكل شوكرن لكم