- السلام عليكم ورحمة الله وبركاته
السلام عليكم ورحمة الله وبركاته
انا ان شاء الله رايحه دبي و معاي امي كبيرة بالسن ولد اخوي عمره 19 سنه وماعمرنا خرجنا من السعوديه وكل المسؤؤلية عليا انا عشان كذا ابغى احجز بدون ما ينضحك عليا أو يكون الحجز مو أكيد واتورط ما اقدر اسوي شيء وما ابغى الف وادور بأمي التعبانه ببلد ما اعرف فيها شيء....
عشان كذا ابغى منكم نصايح للمكتب انا بروح مكتب الطيار واحجز من عنده بس المشكله ان الوقت الي بروح فيه وقت امتحانات بداية شهر 6 ميلادي يعني ما اتوقع فيه عروض وغير كذا الصراحه ماودي التزم ببرنامج المكتب يعني باص ومعاي سياح ونروح كل يوم مكان ابغى اروح على كيفي
سؤالي هنا هل يرضى المكتب يحجز لي على الخطوط الي ابيها ويحجز لي الفندق الي انا ابغاه وبس؟؟؟ ولا لازم التزم بعرضهم؟؟ كم سعر التذكرة؟؟
غير كذا قررت اني اسكن بفندق 4 نجوم ويكون وسط البلد بسعر مناسب لان امي الله يحفظها رافضة الشقق. ايش رايكم بكمبكسي ؟؟؟ أو العنوان؟؟؟ او موفنبيك؟؟؟ او اقترحوا علي فندق حلو ونظيف وقريب اهم نقطه .. ايش اسم الغرفه لثلاثه اشخاص استديو ولا جونيور سويت؟؟؟
لا تقولوا لي مواقع وعرب لينك لأانو ماعندي فيزا...
الله يعافيكم ضروري جاوبوني...بكرة رايحه احجز
وبالنسبة للنافورة اقول للتاكسي ابغى نافورة دبي وبس؟؟ ولا في مطاعم حوالينها؟
وبالمطار الاقي تاكسي متوفر ولا يبغاله وطلب وزحمة ؟؟
ومتى اقدر اروح الشاطيء ؟؟؟ والميترو ايش نظامهم؟؟
ووقت الظهر الناس تخرج عادي ولا المحلات مقفله ؟؟؟
واذا بغيت تاكسي اطلع من الفندق الاقي التكاسي واقفين ولا مثل حكايتنا بجده وقف وأشر للتكسي ههه
وكم أخذ معاي فلوس يوميا للتكسي والمطاعم ؟؟
وياريت لو تذكروا لي قيمة الدرهم الامراتي بالريال السعودي؟؟
عارفه كلامي كثير
بس الله يسعدكم تنقذوني لاني بجد حايره
بالتوفيق ان شاء الله