1. السلام عليكم


2. الحمد لله اليوم طلعت التأشيرة ( بعد خوف وقلق انهم يرفضون الطلب )


3. وبدأت بتجميع الطلبات :


4. 1- طباعة الابلكيشن من هذا المنتدى .


5. 3- تامين صحي ( من مكتب التعاونية 160 ريال لمدة شهر ( سهل جداً )

السلام عليكم

الحمد لله اليوم طلعت التأشيرة ( بعد خوف وقلق انهم يرفضون الطلب )

وحبيت انزل بهذا الموضوع طريقة تقديم الطلب لتعم الفائده للجميع ( لان بعد الله الفضل يرجع لهذا المنتدى والمشرفين والأعضاء ببوابة النمسا جزاهم الله كل خير ) بتقديم النصائح لكل مسافر خصوصا النمسا بداء من استخراج التأشيرة وحتى العودة الى الوطن
قدمت الطلب بتاريخ 11 / 06 / 2011م
طبعا أنا مو من اهل الرياض ( وهذا تسبب لي بمعاناه )
اليكم التفاصيل
في البداية وعندما قررت السفر الى النمسا كان الهم الوحيد هو ( الفيزا ) وطريقة استخراجها
فقررت أعطيها مكتب سياحي واريح راسي
لكن اتفاجئت كل ماجيت مكتب سياحي يقول لازم تحضر شخصيا للسفارة
من ضمنهم مكتب الطيار افضل مكتب سياحي بنظري في تبوك ( أنا من سكان مدينة تبوك ) لكن بعد ماعرفت البوكيينج واسيا ترافل طلع غالي جداً وأشعاره مبالغ فيها
فقررت اكمل الطلبات بنفسي ( ليه معقد الامور على نفسي كلها تأشيرة
واول شيء عملته ( انواع الاستفسارات بالقوقل وجميع محركات البحث ) عن كيفية استخراج الفيزا من سفارة النمسا وحصلت اكثر المعلومات في هذا الموقع ( العرب المسافرون )

وبدأت بتجميع الطلبات :

1- طباعة الابلكيشن من هذا المنتدى .

2- كشف حساب من بنك الراجحي لستة اشهر ( اتصلت على السفارة وطلبوه باللغة الانجليزية ) وكنت خائف لان الراتب ( 7000 ) ريال هل من المعقول يرفضونها ( اتصلت على السفار وكلمتني وحده وقالت عادي اهم شي يكون بحسابك اكثر من 25000 ريال £ قلنا والله هذي مقدور عليها ( اذا ماعندي 25 الف أشلون بروح النمسا .

3- تامين صحي ( من مكتب التعاونية 160 ريال لمدة شهر ( سهل جداً )

4- حجز طيران ( حجزت من موقع الخطوط النمساوية فيينا - عمان الأردن ذهاب وعودة ( بحكم أني بتبوك فضلت الأردن لقربها من تبوك 450 كيلو اقرب من الرياض وكنت محتار بين الخطوط النمساوية او الاردنية لأكن طلعت النمساوية ارخص بكثير خصوصا اذا حجزت معهم ذهاب وعودة .
5 - حجوزات الفنادق ( عن طريق موقع بوكينج ) .
6- صورتين شخصية الخلفية بيضاء مقاس 3،50. ب 4،50. .
7- مبلغ 350 ريال ( غير مسترد اذا رفض الطلب )
8- التوقيع على الصفحة الثانية من الجواز ( يود مكان مخصص للتوقيع ) بعد ذللك يصور الجواز ( الصفحة الاولى والثانية اللي فيها التوقيع .
9- تعريف من العمل ( يترجم للغة الانجليزية ويصدق من نفس المحل اللي ترجمة ) .
اللحين جيينا وروحة الرياض اللي ما منها مفر
وهنا بدات المعاناة
ماقدرت أخذ اجازة من العمل فقررت اعطي واحد من زملائي الجواز ( كان بصدفة رايح الرياض عندة مراجعه لاحد الوزارات ) قلت هذي فرصتي ماراح افقه لما ياخذ الجواز
اتصلت على السفارة وقلت لهم أنا من مدينة تبوك ولا استطيع الحضور للرياض هل من الممكن اعطيه اي شخص يسلمه لكم قالت الموظفة ( هي نفسها اللي قبل كلمتني ( الله من النشبه ) هذي وراي وراي
قالت عادي بس لازم تسوي له تفويض وتوقع نفس التوقيع اللي بالجواز ( الحين عرفت وش فائدة التوقيع بالجواز )
وعلى طول ماصدقت خبر ( واسوي ذاك التفويض اللي لا قبلة ولا بعده ههه ) طبعا صديقي صدمه الخبر ( كان يبي الفكه )
وبد يومين كلمني صديقي وقال خلاص قبلو الطلب وبعد 12 يوم يتصلو عليك ( صح نسيت شغله بعد ما سافر صديقي كلمت السفار ( أزعجتهم بالاتصالات صح ) وكلمت نفس الموظفه وقلت عملت التفويض لكن بالعربي فيه مشكله قالت إيه فيه مشكله انت شايف اللي بالسفارة يتكلمون عربي ( والله زي ما اقول لكم وحسيت بانهيار كامل خلاص أنا بكرة رايح الرياض غياب غياب احسن من ترح الصيفية وخسايري على الفاضي كلها غياب يومين وش بيصير يعني )
لكن طلعت الموظفة تقدر وقالت خلاص مدام أرسلتها بنمشيها لك
وقعدت انتظر 12 يوم ماحد دق ولاشي
وهنا المعلومة اللي حبيت افيدكم فيها ( يوم شفت الشغلة طولت 14 يوم ماحد اتصل )
قررت أني اكلمهم وفعلا اتصلت وترد نفس الموظفه ( قالت عطني رقم الوصل وبعد ماعطيتها الوصل قالت جاهزة بكرة تستلمها )
يعني اي وحد مقدم على فيزا ومحد اتصل فيه انصحه يكلمهم ممكن تكون جاهزة
وأي استفسار أنا جاهز
تحياتي يزن