السلام عليكم ورحمة الله وبركاته
كيفكم حبايبي
3 ليالي قضيتها قي سلانحور وخرجت بهذه الملاحظات
اولا السكن كان في فندق امباير حسب توصية بعض الاعضاء جزاهم الله خيرا
الفندق جديد وله اطلاله حلوه على المدينه خاصة من الدور 12 غرفة 1202 ، 1203
ةلكن يعاب على الفندق عدم الوضوح في بعض الامور فمثلا طلبوا عند الدخول تأمين
0رنجت ولما شيكت للخروج قلت لهم الله لا يهينكم التأمين قالوا بالماليزيه
الله لا يهينك انت باقي لنا 101 رنجت قلت حق ايش قالوا استحدام بعض القنوات
قلت للعيل انتم مشغلين كل قنواتهم قالوا ايه يايبه قلت الله يلعن بليسكم
لو انكم مخلينني اشتريلكم هدوم كان ازين لكم ... هذه وحده
ثانيا البوفيه يغلب عليه الاكل الاسيوي ذبحنا الامليت ماعندهم من اكلنا الا هو وبعض الحلويات
ثالثاً الماينز كتب عنه استاذنا بو ناصر تقرير ممتاز في 2009م ولكن للاسف الان
سي جدا عكس التقرير وقال واحد من موظفين الفندق لا تروح تراه مو زي اول فيه حديقة
حيوانات صغيرة فيها النمر الابيض وصاير له بني من القهر بس منبط على جنبه الايسر
ولسان حاله يقول ياليت من يذكين ويريحني من الدنيا ..
والمينة الثلجية مغلقة والرحلة البحرية زحمة واللي ركبوها قالوا ما تستاهل والنافورة
اللي شاف تافورة دبي يراها لاشي ..... طبعا هذه وجهة نظر
رابعا كاونتر التاكسي اللي بالفتدق اكبر نصابين عرفتهم البشرية لذا انصح البحث عن سائق موصى به
من احد, اليوم لما طلبت سيارة قالوا لي عددكم كبير ولازم سيارتين ب 300 رنجت
ولما نزلت تحت قالوا لي جبنا لك سيارة كبيرة ب 250 قلت والله ما اركب نزلو عفشي الله يخزي من جمعكم
" ولا واحد يعرف معناها " والى ذاك الخليجي اظنه كويتي قال خذ هالرقم ودق عليه ارخص منهم
وادف يوم رد هاك الماليزي البوذي للاسف قلت انا بالفندق تعال ودني للمطار قال سم طال عمرك
و 15 دقيقة والى الرجال عندي قلت بكم المطار طيران اسيا قال 120 قلت حمل الشناط
هذا ملخص سريع لاقامتي بسيلانجور وانا الان بلنكاوي
واي خدمة تفضلوا بس الحين رايح انام وبكرا ابشروا برزقم
تحياتي