اختي في البداية انصج تقرين تقارير الاعضاء عشان تتعرفين على المدن اليابانيه وتختارين اللي يناسبكم ....
بعدها تسوين بحث عن طريق مواقع الحجز مثل اكسبيديا وتشوفين اي طيران يعجبج من ناحية الشركه والسعر ....
بعدها تختارين الفنادق المراد السكن فيها وانصحج تزورين هالموقع . موقع يقيم فنادق العالم بوجه عام والامريكيه بوجه خاص وفيه اراء زوار سكنو في الفنادق ومصورين فيديو وصور عاديه فا بترتاحين في الاختيار , ومنها تحددين ميزانية السكن ..
باقي شي اخير وهو المواصلات والاكل والتمشية وهذا شيء عادي ماراح تكون هناك مصاريف تذكر اذا استخدمتو شبكات القطارات لانها رخيصه وممتازة وحديثة ..
وبعدها إن شاء الله بتطلع معاكم مصاريف الرحلة
تحياتي

احنا رايحين 12 يوم وكلفنا الفنادق والتذاكر مع بيبي 23 الف درهم
وماخذين ويانا 21 الف درهم للرحلات والاكل والشوبينج بس مدري بكفي او لا..
والفيز خذلها 3 ايام بس عندنا بالامارات..انتي ادخل موقع السفارة اليابانية بدولتج وبتحصلين شروط استخراج الفيزا لان انا ريلي سوا كل شي فما اعرف بالضبط شو الاجراءات..
واليوم السفرة بالليل ادعولنا.. ^_^

تروحون وتردون بالف سلامة يارب
والفال لنا يارب
وان شاء الله تستمعون و تنبسطون وايد

اختي tokyo lover توصلون بالسلامه وماوصيج هالله هالله فالتقرير .. والله يوفقج اختي شهرزاد واي سؤال انا حاضر

السلام عليكم،
أنا حاليا في اليابان ... وهذه نبذه بسيطة عن مصاريفي اليومية
1. الفندق 5 نجوم بين 1000 الى 1200 درهم.
2. الوجبات اليومية لشخصين في مطاعم "حلال - في ذمتهم" بين 100 - 140 درهم للشخص للوجبه الواحده (كميات خليجية) ... ترى الياباتين اكلهم خفيف بالمرة.
3. تنقل بالمترو عن طريق البطاقة المدفوعة الثمن مسبقا (الباسمو أو سويكا) الرحلة الواحده ذهابا وأيابا بالمعدل ب 15 - 20 درهم للشخص.
4. الرحلات (طبعا يعتمد على البرنامج والمسافة) بين 250 - 600 درهم للشخص.
5. الفيزا عندنا بالأمارات أخذت سبوع واحد
6. التنقل من المطار للفندق عن طريق ليموزين المطار (الموضوع سهل بالمرة) 120 درهم تقريبا للشخص على ما أذكر.
طبعا المشاري الباقية ... أنتي و الميزانية
في العموم البلد روعة وتستاهل كل درهم اندفع فيها