بالنسبه لي اشوفها مهمه في حجوزات الفنادق والشراء من النت وهذا شيئ لا يكاد يستغني عنه اي مسافر..
اما الحساب هناك فمن بطاقة الااتمان دائما ارخص من بطاقة الصراف العادية أو تحويل الفلوس اللي العموله فيها غاليه.
علما باني سافرت الى 13 دوله في اسيا وافريقيا واوربا واستراليا واستخدمت البطاقة فيها
لكن ضرورة تغييرها من فترة لفترة مهم .. لأن تقديم الاعتراضات مو شرط يجيب نتيجة.. من واقع تجربة

انا استخدمتها بلندن بعد بالصراف لما الة السحب ما رضت تستقبل بطاقتي العادية مع انه فيها فلوس بس بعض الاجهزة للصراف لا تتعامل مع بعض البنوك عندنا ....وبعد كانت منقذ لي لاني اشتريت من محل وكل مرة استخدم بطاقتي العادية او كاش ذاك اليوم باستخدم بطاقتي ولا تقولي الكاشيرة ليش ما في توقيع على البطاقة ما راح استقبلها بس بالفيزا استقبلتها ههه بس والله تكون نافعة في بعض الشغلات بس لا يكون الصرف كله منها

انا استخدمتها بدول وايد وهي تنفع وقت اللزوم وتنفع في حجوزات الفنادق والتذاكر

بالنسبه لي استخدم البطاقه الائتمانيه (فيزا-ماستر) لحجوزات الفنادق و الطيران لأن راح يطلبونها الفنادق و بعض خطوط الطيران و اخلي معاي مبلغ كاش يكفي للأكل و المواصلات و الاشياء البسيطه و للتسوق استخدم بطاقه البنك و اذا ما مشت استخدم الكاش المتوفر معاي
بجذي اقدر اسيطر على ميزانيتي و طبعا قبل السفر اكون عارف الدوله الي راح ازورها جم يوميتها و جم ميزانيه التسوق فيها