هلا فيح
متى موعد السفر ...؟؟؟
من مفرانكفورت الى ميونخ 4 ساعات او اقل بشيئ بسيط الى ميونخ قطار دايركت
من ميونخ الى زيلامسي 3 ساعات وشوي بالقطار وتبديل القطار بالغالب بسالزبورخ او اروقل
ممكن الحجز من هناك قبل الانطلاق بيوم افضل وممكن من النت لزياده هذا القطار الالماني
http://reiseauskunft.bahn.de/bin/query.exe/en?L=dzt&Z=Hannover

يعطيك العافيه بنوصل اتوقع 12 نوفمبر
طيب من وجهه نظرك اي افضل القطار ولا الطياره ؟؟

طيب انا مااعرفت كيف طريقة التذاكر ه هي مرره وحده ولاتستخدم كم مره ولا وشلون ؟

.. اختي وضحيلي بارك الله فيج ..
دعينا نبدأ من الاول .
كم شخص انتم ؟؟ معاكم اطفال ..؟؟ من وين البدايه والنهايه المطارات ؟؟؟ كم يوم الرحله ؟؟؟؟
عموما توقيت يعتبر موسم الشتاء لهذا انصحكم بعدم الذهاب الى الريف النمساوي او اللالماني ..
وهل وزعتي الايام يعني عندكم مخطط معين وله اشرح لج ؟؟
بنتظارج

هلا اخوي يعطيك الف عافية مااتقصر والله ياليت بحكم خبرتك تسوي لنا مخطط فيه مخطط في بالي بس مدري ينفع او لا انا كنت ابي اروح ميونخ ومنها لزيلامسي وكابرون ويمكن فينسيا
انت حدد اللي تشوفه مناسب
هذي تفاصيل رحلتنا احنا 3 اشخاص وطفل الشخص الثالث بيرجع قبلنا ب 5 ايام
رحلتنا في 11 نوفمبر من جده لفرانكفورت والعودة 30 نوفمبر واحد من الاشخاص بيرجع 25 نوفمبر
بالنسبه للبرد ماادري بس ماتسمح اجازتنا الا هالوقت الشكوى لله
الله يوفقك مشكور

اولا الاجواء بارده جدا وجميع الفعاليات السياحيه الصيفيه مقفله ...
عموما انتي ذكرتي البدايه ولم تذكري لي النهايه من اين . هل هو نفسه مطار فرانكفورت .؟؟؟
اما لو غيرتو مطار فرانكفورت الى باريس بيكون خيار افضل .. ويكون مخطط الرحله فرانكفورت وما حولها 5 ايام ثم دوسلدروف وما حلولها 5 ايام ثم باريس 5 ايام ...
او اذا كانت العوده من فرانكفورت ممكن عمل الجدول هذا ننزل من مطار فرانكفورت الى بادن بادن وما حلولها 5 اايم ثم ميونخ 5 ايام ثم فرانكفورت وما حلولها 5 ايام ..
الرحله بكل الحالتين 15 يوم .
تحياتي

هلا ايه العوده الى مطار فرانكفورت الى جده

ماهي هذي الفعاليات الصيفيه؟؟؟
ومانقدر نغير العوده خلاص هذاا هو حجزنا