يامرحبا فيك في بلادك
اخوي وعزيزي faisal_abunora ابونورة
موضوعك يجبر الواحد انه يرد عليه
من طريقة سردك للكلام وتحرجنا ترى
وأنا بأذن الله بجواب على استفسارتك وراج اسألك عن موضوع الممرضة لأن هذا الشيئ الوحيد اللي أجهله صراحه
والباقي خير ان شاء الله
ويا مرحبا بك ونورت الدوحه
ولي عوده عزيزي
اخوك
القطري

ستكون رحلتك ان شاء الله ممتعه و متميزه بأذن الله
ميزة الدرجة الاولى في السعوديه لاتختلف كثيرا عن القطرية
وربما كانت القطريه افضل لو لم تكن بها ام الخبائث
اما الخادمه اعتقد ولست متاكد يجب الحصور على تاشيرة من السفارة
مع تمنياتي لكم بأجازه موفقه

الحقيقه حبيت اشارك بالنسبه للسكن انا سكنت في فندق الرتاج للشقق الفندقيه وهي ممتازة وتستحق السكن فيها وتقع خلف مستشفى حمد للولاده على ما اعتقد

حياك الله في بلدالثاني قطر
بالنسبه للمرضه نعم تحتاج الى فيزا للدخول
السكن صراحه انا ماشفت شقق رتاج الفندقيه ولكن سمعت عنها انها ممتازه
اما الخطوط فانا سافرت على القطريه والسعوديه
السعوديه ارخص بس القطريه افضل خصوصا اذا بتي في درجة رجال اعمال والا درجه اولى
توهم هشهر فاتحين صاله جديد وفخمه غير عن الدرجه السياحيه يعنى ماراح تدخل في الزحمه
للمسافرين على الخطوط القطرية فقط في درجة رجال اعمال واولى
وان شاء الله تكون رحله مميزه

هلا اخوي الغالي
وحياك الله بين أهلك وأخوانك ....
بالنسبة للخادمه
تمنح تاشرة من المطار لها باي جنسية كانت المهم ( خدم مرافقي مواطني دول مجلس التعاون) بشرط أن تكون لديها إقامة صالحه في بلد الكفيل ولمدة شهر ورسومها (105) ريال
وهذا موقع وزارة الداخلية بقطر بيفيدك واجد
http://www.moi.gov.qa/arabic/dep/Airport/Visa_directory/index_2.html
بالنسبة للشقق أخوي
انا أنصحك بشقق رتاج وانا ماسكنت فيها بس واحد من الشباب سكن فيها مع زوجته ويثني عليها كثير وهي تقع بجوار مستشفى النساء والولاده وقريبه من الكورنيش ومن مملكة علاء الدين ومن كذا مكان مميز
بالنسبة لصالة الدرجة الأولى ودرجة رجال الأعمال كما تكلم عنها أحد الأخوان
فهي للمغادرة فقط أما القدوم فيكون من الدخول العادي
لو أحتجت أي سؤال حياك الله وان شاء الله نفيدك

السلام عليكم اخواني ..
والف مليون شكر على ردودكم ومساعدتكم الطيبة واللي تعكس روح وطيبة اهل قطر والكويت والخليج .. واسمحوا لي بالرد والتعقيب ..
اخوي القطري .. تسلم على روحك الطيبة وانا ما قلت الا الحق ... وانا في انتظار عودتك واجاباتك وبخصوص الممرضة فالاخ طاير ما قصر جزاكم الله خير .. والله يحفظك ..
اخوي ماجد .. اشكرك يالغالي ويبدو اني قررت السفر على القطرية ان شاء الله .. وبخصوص الممرضة فالاخ طاير ما قصر جزاكم الله خير .. وربي يسعدك ..
اخوي ناصر .. هلا بالكويت واهلها الطيبين ... والف شكر على المشاركة ... وانا بالفعل اتصلت بهم بعد ان وجدت رقمهم باحد المواضيع 9744895555 ولكن للاسف طلبوا مني الانتظار حتى نهاية الاسياد يوم 16 ديسمبر حتى تنزل لائحة الاسعار الجديدة وبالتالي يمكني الحجز .. وما قصرت يالغالي ..
اخوي الشموخ .. ربي يوفقك على النصيحة .. وبناءاً على مشورتك فاني عزمت على القطرية ان شاء الله .. وتسلم يالحبيب ..
اخوي طاير .. انا اشهد انك ذيب .. ما قصرت وريحتني من الاتصال بالسفارة وهم التأشيرة الله يبعدك عن الهموم دوم .. وبالنسبة للشقق رتاج اتصلت ولكن للاسف طلبوا مني الانتظار حتى نهاية الاسياد يوم 16 ديسمبر حتى تنزل لائحة الاسعار الجديدة وبالتالي يمكني الحجز .. وما قصرت يالغالي ..
@الطيران عزمت ان شاء الله على القطرية ... واليوم ان شاء الله رايح لهم في مكتبهم بالرياض للحجز ..
@ الممرضة والحمدلله موضوع تأشيرتها منتهي ومن المطار ..
@ يبقى السكن .. سأنتظر حتى السبت المقبل ونشوف .. ولكني احتياطيا عملت حجز على الماريوت وبالمناسبة هذه بعض اسعار الفنادق من وكالات السفر بالرياض ..
الانتركونتنتال ... 930 ريال سعودي شامل الضريبة والفطور
الشيراتون ... 1600 كلوب روم شامل الضريبة والفطور
طبعا هذه اقل اسعار وجدتها من خلال الصرح والمؤيد وباقي الاسعار في العلالي ..
وبالمناسبة ورد في بالي سؤالين جزاكم الله خير ..
@ انا قادم ان شاء الله خلال الفترة من 7 ذو الحجة الى 13 من نفس الشهر فهل ممكن اعرف اوقات المجمعات التجارية والاماكن الترفيهية ؟؟ اقصد متي تفتح ومتى تغلق ؟؟؟
@ شخصيا لا احب القيادة في السفر ولكن هل تنصحوني بسياره مع سائق ام الدوحة طرقها واضحة واماكنها متقاربة وسهل معرفة طرقها ؟؟
وختاما الف شكر وجزاكم الله خير واني والله عاجز عن التعبير بمقدار امتناني لكم فيكفي اخذت من اوقاتكم وربي يحفظكم ويأمنكم في اوطناكم .. وشكرا

faisal_abunora
وبالعكس احنا في الخدمة ونتمنى انا نخدم اخونا في الخليج وفي الوطن العربي ونفرح بهالخدمة لكم
وفي الختام اقولك
انت تراك جاي بلادك
وفي انتظار ردك

تحية لاحبابنا اهل قطر وليعذروني على اللقافة
قطر لا تستحق اكثر من يوم واحد وبلاش تضيع تذاكر وفلوس ووقت
كلها المتحف وشارع الكورنيش وجزيرة النخيل وحديقة حيوان تعبانة ومجمع كارفور
اذا ماعندك اقارب ناوي تزورهم فكر في كلامي

bo Salim
مشكور يا بوسلام ...
أتصدق الواحد لو ماعنده كلمه طيبه أيقولها ما يحتاج أيقول الرديه ..
الكلمة الطيبة تكتب لك والرديه تسجل عليك ...
إذا قطر عندك متحف وكورنيش وجزيرة نخيل وحديقة تعبانه فهي عندي مالها حدود
وحبة من ترابها أشتريها بكل مااملك
وسلامبعض الغلا إيساق حشمة وتقدير ... وبعض الغلا ربي خلقه بكياني
غلا الأوادام غير وأهل قطر غير .. والكفة اللي راجحة لآل ثاني