بانكوك المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..

نشر في بانكوك

الى الخبراء

سفير الوطن

08-08-2022 - 09:12 am

السلام عليكم
انا ان شاء الله بروح لمدة 4 ايام الى بانكوك
بس بكون وحيدا
وابغى مساعدتكم في اختيار الفندق وابغى استأجر سيارة بسواق عشان اقدر اتمشى
وياليت تساعدوني بالروابط ابغى فندق 5نجوم
وياليت تقولولي هل 4000ريال تكفي السكن والسيارة والمعيشة بدون التذاكر؟؟؟؟وشكرا

التعليقات (3)

دولي

08-08-2022 - 12:28 pm

تكفي اخوي بس مو لازم خمس نجوم ،،، ماتفرق
ارشحلك فندق زينث يناسبك اذا كنت لحالك وسعره 450 ريال تقريبا
وانسى السواق مايحتاج
التاكسي هناك اكثر من الاوادم ماعندك مشكلة ،،، والمشاوير محدوده
تحياتي
اخوك
دولي

ليمونة حزينة

08-08-2022 - 01:29 pm

ويه ليش سايق خاص مايحتاج انت هناك في تايلند التكاسي بكل مكان وبكل متر تمشيه
وبعدين كل التكاسي يدلون كل شبر في ديرتهم ولا يمكن يودونك مكان اول مرة تسمع عنه وتعرفه
شيل عن بالك سياره وتاكسي خاص ومثل ماقالك اخوي الفندق وايد زين ومستواه عالي

الاوربي

08-08-2022 - 02:30 pm

اخي الكريم رح واسكن في فندق قريس (Grace Hotel Bangkok) ببانكوك مميزاته انه يقع في المنطقه العربيه وحولك المطاعم العربيه والاسواق العربيه وثانيا فندق معروف جدا جدا ومن اي مكان ببانكوك لو تاخذ تكسي وتقوله قريس بيوديك علي طوول عليه
ثانيا بتلقالك عرب وخليجين وبتسولف معاهم واصحاب المطاعم العربيه تستطيع الاستفسار منهم قد ماتقدر
الميزانيه من وجهه نضري كافيه ولكن اضبط نفسك بالتسوق ودربك خضر
تحياتي وبالتوفيق
بالنسبه لسعر الفندق علي حد مااذكره انه مايتجاوز الالفينن بات اذا مو اقل بكثير
تحياتي