الموضوع لتوليب بس عذرا لتطفل يعني !
الميزانيه 25000 للمالديف وماليزيا .؟!
لو كآن ايه فَ أبشرك انها يادوب تكفي ماليزيا :d
والله يوفقك المايك لك توليب خآنوم ق1

وعليكم السلام ورحمة الله وبركاتة
أهلا بك أخي الكريم dndnM راح نساعدك باللي نقدر عليه ونتمني لك شهر عسل سعيد بإذن الله
بخصوص المالديف في ميزانيتك المقترحه ممكن ولكن اضافه ماليزيه لها لازم ترفع ميزانيتك للضعف تقريبا
والطيران راح يكون عندك كسبيل المثال وقس عليها باقي الخطوط المذكورة اللي تروح للمالديف المثال راح يكون على السيرلانكية راح تطلع من السعودية الى كولومبو ترانزيت ومن ثم المالديف وبعدها العودة من المالديف ترانزيت الى كولومبو من جديد وبعدها والذهاب الى ماليزيا والعودة كولومبو ترانزيت ومن ثم منطقتك بالسعودية اقترحت عليك السيرلانكية حتى تطلع عليك التذاكر ارخص لان الاماراتيه والقطرية والاتحاد راح تطلع عليك التذكرة من 4000 الى 6000 فقط للمالديف فما بالك مع ماليزيا راح يضيفون تذكرة اخره لماليزيا وعندك الخطوط العمانية ممكن تجيك بسعر ارخص
الفنادق عدة ومنهم تاج وكونراد ودبليو وانتارا ديغو والفورسيزون وشانغرالا والشيراتون فل مون والهلتون فوشيه وون اونلي وجميرا وكوكو بالم وباروس وباندوس وكورمبا
اخر ثلاث منتجعات هي الارخص من البقية اما الاخرة متفاوت بين الفخم وبين الراقي وبين الاغلا
انا انصحك بعدم جمع ماليزيا و المالديف راح تكون مكلفه لك ولكن الاقتراح الاخر لك ان تكون وجهتك ماليزيا مع التنقل في وصولك لكولالمبورعلى طول لنكاوي حيث منتجعات لنكاوي فخمه وفيها اكواخ مائية كالمالديف وشواطئيها جميله طبعا لا تقارن بالمالديف ولكنها لا تقل جمال منها مع الاستمتاع في اول اربع ايام هناك ومن ثم التنقل لبينغ اربع ايام وتمضيه الباقي في كوالالمبور والناقل يكون الخطوط الاماراتيه او القطرية او السعودية او الماليزيه اذا كنت من سكن جدة وتقدر تاخذ الاماراتية تضيف دبي في العودة بدل من المالديف في البداية والميزانية راح تكفيك بإذن الله مع امكانية رفعها اذا اضفت دبي الى 30 ألف ريال
واي استفسار اخر حاضرة للرد عليه

فكرتك مره حلوه .. طيب لو قلت وش رايك مالديف وسنغافورا بدل ماليزيا ؟؟؟؟

dndnm
ماعندك اي مشاكل سواء ماليزيا او سنغافورا كلها ساعه اللي بينهم بالطيارة حتى لو تبي جزر الوق واق مع المالديف ماعندك اي مشاكل ولكن افتح الميزانيه خلها مفتوحه على الاخر انت تقدر تطلع للمالديف ب 25 ألف وتقدر تطلع لها ب 250 ألف ريال خياراتك هي اللي تحدد ميزانيتك انا طلعت لها ب 75 ألف ريال حسب خياراتي وكنت اقدر اروح لها ب 40 ألف ريال لو ابي
الجمع بين سنغافورا او ماليزيا لا مشكله فيه ولكن المشكله ميزانيتك تحتاج لرفع لان التذاكر راح تاخذ مبلغ وقدره فيها ولكن تقدر تطلع سنغافورا وماليزيا مع بعض او المالديف وسيرلانكا مع بعض او المالديف ودبي
الامر يتوقف على ميزانيتك

طيب اسمعي يالغاليه
انسي الميزانيه بس لا تتعدى 40000 هع هع هع . انتي سوي خطه الرحله بالمصاريف مع الفنادق وخطوط الطيران من السعوديه لمالديف وبعدها ماليزيا ومن ماليزيا للسعوديه
معليش رح اتعبك واكيد موضعي هذا رح ينفع ناس كثير
لان اي شخص وده يكون شهر العسل يبقى ف الذاكره طول الحياه
تقبلي تحياتي

طيب مافي مشاكل انت بس عطني التواريخ بالضبط ومن اي مطار راح تطلع بالسعودية وراح احاول مساعدتك باللي اقدر عليه وان شاء الله تجد ماتريد بس ابي منك الوقت وتعطيني وقت حتى ابحث لك واحاول اجد لك ارخص الاسعار والجمع بين ماليزيا والمالديف بإذن الله

الله يسعدك ويخليك لاهلك وزوجك بعد
الرحله رح تكون 04-07-2012 الى 19-07-2012 والاقلاع من جده والعوده لجده
4 ايام ف مالديف 12 ف ماليزيا
ابغى امر ف مالديف ع جزيرتين وحده اوصلها باليخت السريع والثانيه بالطيران المائي
الله لا يهينك و للمره المليون اقولها معليش رح اتعبك وياي

dndnm
الله يجزاك كل خير بخصوص الطيرآن بيطلع عليك غالي اللي قدرت احصل لك عليها بالترتيب التالي
يوم 3 / 7 / 2012 من جدة طيرات ساعه 6 مساء لدوحه عن طريق الخطوط الجوية القطرية والوصول ساعه 8 المساء راح تجلسون لحد ساعه 1 وريع الفجر راح تقلعون للمالديف عن طريق القطرية والوصول ساعه ست الصبح لمالي ومن ثم يوم 8 / 7 / 2012 من مطار مالي لكوالالمبور عن طريق الخطوط الجوية الماليزيه الطيارة فالمساء اعتقد ساعه 11 الليل والوصول ساعه 6 الصبح لكوالالمبور والعودة منها يوم 18 عن طريق الماليزيه لجدة دايركت ناسيه الاوقات
راح تطلع عليك التذكرة 7290 ريال للشخص الواحد على الدرجة السياحية حاولت عن طريق السيرلانكية ماضبطت لانها ماتطلع من جدة تطلع من الدمام فقط
السكن ماعندك اي مشاكل اسكن في تاج او الشيراتون فل مون او الفور سيزون ومن ثم الهلتون فوشيه والتنقل لها بالطائرة المائية اما الاول بالبوت السريع
واي استفسار اخر حاضرة للرد

الله يطولي ف عمرك يارب
بخصوص السكن منتجع و w وكونراد وش رايك فيه وكيف الوصول لها ؟؟