1. حيآك الله والله يوفقك يارب ،،،


2. وتوصل لنآ سآلم غآنم

وعليكم السلآم ،،
هلا وغلآ ي الغآلي ومن عنوني اخدمك وانا حآظر ل الطيبين
اخوي انا ابجيكم في واحد اوغسطس وناوي ادرس لغة لمدة شهرين بالصيف يعني

حيآك الله والله يوفقك يارب ،،،

وتوصل لنآ سآلم غآنم

بس ياخوي للحين مالقيت المعهد المناسب...والمكتب يقولي لازم تدفع حق الشهرين كاملة ...قلت لهم بدفع حق اسبوعين مارضيوا...والحين واقع بحيرة من اجل المعهد وخايف ادفع وبعدين المعهد مايناسبني او القاه مليان عرب وسعودين
اكيد مايرضون لانهم بيورطونك ،، بس اسمعني ي الغآلي عندك كذآ طريقه
الاولى // اذا كآن عندك لغه بسيطه يعني تعرف تدبر امورك ،، انصحك انك تجي هنآ ع طول وتقعد لك ب هوتيل
وتدور على المعآهد كلهآ بيوم وآحد وتشوف المعهد اللي يعجبك
الثآنيه // انك تغير الديره اذا كنت ماتبي سعوديين كثير ،، وانا ابصم لك بالعشره الديآر كلهآ بالصيف فيها سعووديين وعرب
kaplan Aspect
وهذا معهد مشهور بالسعودية وخاف القاه كله سعوديين وبيكلفني 15600ريال 35ساعة وشامل السكن والتأمين
معهد تتعآمل معه اكثر المكآتب ب السعوديه ،، (: ويقع ع في وسط السيتي سنتر
تبغآه يكون خفيف من العرب
يقولي وآحد يدرس فيه انه ب الصيف بيكون الكلآس يوصل ل 15 سعودي ،،
والثاني LSI
نفس الحكآيه فيه سعوديين وعرب بس اقل من كآبلآن ،،
اخوي ابي رايك في هذين المعهدين اذا عندك اي فكرة
عزيزي ،،
بعطيك نصيحه خذهآ قآعده
انت اذا كنت جآي ل الدرآسه ونآوي تتعلم ب جد رح لك المدن الريفيه الصغآر وكثيره ب نيوزلندا
وبتحصل عرب وسعوديين بعد بس بيكون اكثر من المدن الكبيره ب كثير
واذا كنت من النوع اللي تحب المدن الكبيره مثلي ^_^
تعآل كرآيست شيرج ولا اوكلآند ،، وحآول ب قدر ما تمكن الاحتكآك فيهم
يعني الهوم ستي ل المعهد ل الهوم ستي
وتمشيآت بالويك آند ^_^
وايضا ياليت تعطيني اسم معهدك اذا كان عاجبك ومعلومات عنه ...يمكن اجي اضيق عليك فيه
انا المعهد نفس الحكآيه مليآن عرب وسعوديين ،، واذا كنت تبي حيآك الله
×× ×× ×× ××
ويالله يآرب يوفقك ان شاء الله وييسر امورك كلهآ
ولا تحتآر ولا تحتآس ،،
اي استفسآر انا حآظر والاخوآن مايقصرون

يالبى قلبك يالبكيراوي...صراحة احييك بعنف...يعني رديت علي قبل اربعة وعشرين ساعة...لاورديت على كل سؤال
الله يوفقك ويسهل درب وين مارحت...ويخليك ليعين ترجيك (هذي دعوة جدتي..تستاهلها)
في الحقيقة ياخوي فعلا انا من الناس الي يحبون المدن...لذلك قلت اروح لكرايست شيرك ارحم من اوكلاند
بالنسبة للسعوديين فعلا احنا اذا غزينا نغزي كلنا مرة وحدة...لذلك مثل ماقلت اتوقع تقابلهم في اي مكان
لذلك بحاول احجز باي معهد لمدة اسبوعين باي طريقة...واذا جيت يصير خير
عموما بيض الله وجهك ...وترا ريحتني كثير...ورايتك بيضاء
سؤال اخير لك اخوي ولجميع الاخوان هل المعاهد تاخذ رسوم على حجز الدراسة ورسوم على حجز السكن على حسب كلام المكتب؟

^_^
آمين واانت بعد والقآرئين كلهم ان شاء الله
××
الله يعطيك العآفيه ،، سريت خاطري ب هالدعوه (:
وترآنا نستآك هنآك
(: توصل لنا سآلم غآنم
سؤال اخير لك اخوي ولجميع الاخوان هل المعاهد تاخذ رسوم على حجز الدراسة ورسوم على حجز السكن على حسب كلام المكتب؟
م مافهمت قصدك بالظبط
بس بقولك عن اللي فهمته
اذا كآن تقصد انك حجزت من المعهد عن طريق النت او مكتب
ومادفعت رسوم لهم ،، يجبرونك على دفع رسوم الدرآسه (( المده يعني )) ويعطونك موعد قبل ماينلغي حجزك
(:
واذا كآن قصدك غير الجوآب ،، اشرح لي
وابشر ب سعدك يالغآلي
×

هلا والله بخوي البكيراوي...السلام عليكم ورحمة الله وبركاته
انا اقصد ياخوي ان المكتب حاط من ضمن تكاليف : رسوم حجز للدراسة 185 دولار ورسوم حجز سكن180دولار....هذا غير رسوم الدراسة390 دولار للاسبوع 35ساعة...هذا غير السكن والتأمين والاستقبال في المطار.
والله ياخوي شكلي بجي كرايست واختار المعهد والسكن بنفسي زي ماقلت...خصوصا ان لغتي ماعليها جيدة اقدر امشي نفسي...بس ياخوي فيني حاجة مقلقتني وهي اني مااحب اسافر لشي مجهول...فهل عملية البحث عن المعهد والسكن سهلة مع اني سمعت من بعض الاخوان ان فيه مركز للمعلومات هناك...فهل فعلني هالمركز بيريحني ...وهل اسعار المعاهد بتجي ارخص لو حجزت من عندهم.
ولك كل التقدير والشكر والامتنان والعرفان والفضل ...ام وش بعد.... وكل شي
لحظة بصكك بدعوة من دعوات جدتي الله يقبلها
الله يبعدك عن عيال الحرام وبنات الحرام ويسهل امرك وين مارحت